1 Timoti 1:9 - Samburu

⁹ Nikiyielo nchere, eitu eitaini Nkitanapat tankaraki loosipat kake tankaraki laitarruok o lolo lemening'icho. Neitayiaki sii tankaraki lolo lemeurie Nkai o laasak loo ng'ok, o tankaraki aitoki lolo lemeitaa Nkai toki o lolo oaacham mbaa e nkop, o tankaraki lolo oaar ntoiwuo enche near sii lkulie tung'ana.

1 Timoti 1:9 ပူးပေါင်းရင်းမြစ်များ

Matayo 10:21

Keichooyo ꞉lalache likae alache metari metua, neichooyo ꞉menye nkerai, neiwuatuwuatakino ꞉nkera ntoiwuo to ngoro, neichooyo ninche metari metuata.

Rroman 1:30

Kera ninche ltung'ana oaar lkulie tee rerei, neiba Nkai, netuata seseni, neilach, negol kuechi, nechetu ntorrok, nemeanyit ntoiwuo enche,

Rroman 4:13

Kore apa lekutuk oichoo ꞉Nkai Abraam o ichoi enye nchere keicho ninye nkop metaa nenye, naa eitu etum tankaraki naibung'a nkitanapat, kake ketumo tankaraki naikenaki aajo loosipat to nkurukoto enye.

Rroman 5:20

Kake keotuo nkitanapat payie eponunye ng'oki. Naa kore inie neakunyie ng'oki kitok, neborei munyani alang ng'ok,

Rroman 6:14

Meitore aikata ntae ng'ok, amu mitii taabori nkitanapat kake taabori munyani itii.

Lgalatia 3:19

Ne nyo naa nkitanapat? Ketoponuaki tankaraki ntorrok, ana meeu ilo inoti oichorunyieki apa lekutuk. Keichoo apa ꞉Nkai ltung'ana nkitanapat aimaa lmalaikani to nkoitiei e laitutumoni.

Lgalatia 5:18

Kake tenerikoo ntae Ltau Sinyati, nimitii taabori nkitoria ee nkitanapat.

Lgalatia 5:21

o nkiba tankaraki naata likae ntoki o merai o lubo o mbaa nainyinyukore nenia. Kajoki ntae, ana apake natiaka ntae tekue, nchere kore lolo oaas nenia baa naa mejung mayian e nkitoria e Nkai.

Lgalatia 5:23

o mborron o nkubooroto e koon. Meatae nkitanapata naibooyo kuna.

2 Ltesalonike 2:8

Kore inia kata, neibalunyieki laduo aitarruoni, ilo oidakie ꞉Laitoriani Yeso te nkiyeng'ata e nkutuk enye, neichu ninye te nkitoo enye, tenechukunyie.

1 Timoti 4:7

Tapaachere nenia atinin nemeitaa Nkai toki nemeata tipat, kake nteng'ena koon payie iaku ltung'ani ourie Nkai.

1 Timoti 6:20

Timoti lai, irrita nenia pooki nikitipikaki nkaina. Talama nenia baa ena kop nemeata tipat o mbaa naapaachaa e sapare, naajo lkulie eji ng'eno,

2 Timoti 2:16

Topong'o mbaa naanya ltung'ana nemeata tipat, amu kore lolo pooki otii atua nenia baa naa keitalam ate Nkai oleng.

2 Timoti 3:2

Keaku ltung'ana ltung'ana oaacham ake ate aapeny, nelubo ropiyiani, neimer, neikar, nedekicho, nemening ntoiwuo enche, nemeata nache. Nemeitaa toki mbaa e Nkai,

Tito 1:10

Amu keatae ltung'ana kumo lemeyanyit rikore, lolo ooiro mbaa nemeata tipat nera lasapak, naleng lolo Yiaudi ooiruko Yeso.

Tito 1:16

Keibalie ninche aajo keyielo Nkai kake neitodolu asat enche aajo keany ninye. Kore ninche naa ltung'ana ooitai ntabo, nemening'icho, nemeichiaakino te siaai pooki supat.

Tito 1:6

Kore larikoni le nkanisa, naa meata ajo meaku ltung'ani lemeata nakurrieki, nera lpayian le ntomononi nabo ake, neiruko ꞉nkera enyena Laitoriani namara nkera naaichirkal anaa nemening'icho.

Tito 3:3

Amu ikira abaki apa iyioo lmada, nimikining'icho, neitopong'ori iyioo, nikira rrindiki loo ng'uarrat torrok o mbaa kumo naaiting'id seseni. Nikiwuenie nkiba o lom, eibae iyioo nikimbaro.

Lburania 11:31

To nkurukoto apa eima milayoi naji Raab aras e kumojik eitu eri tenebo ꞉lolo oaatanya ening Nkai amu keitoomono neisudoo ltung'ana oochomo aaikitalan inia kop.

Lburania 12:16

Emincho sii etumi ltung'ani oboitiere likae tung'ani te sesen mara nkitok enye anaa lpayian lenye ake, niminchocho etumi ltung'ani oparraa ake mbaa e nkop ana lkikau le Isaka oji Esao oitama apa njung'ore enye ndaa ewuon eichu menye.

1 Petero 2:7

Naaku itumtum kenya ntae ooiruk rrepeta, kake kore too lolo lemeiruk nchi ejo lkigerot, <

1 Petero 3:20

amu kore lolo tauja naa ketanya apa ening Nkai, eanyuta ninche te ng'iriata ta nkata apa nachetita Noa meli. Lkuni tung'ana ake isiet ootijing'a, neitejeunyieki nkare.

1 Petero 4:18

Naa, <>

Yuda 1:15

paa kore pooki ng'ae nedung'oki nkiguana, nemeatae ltung'ani torno lemeiteyielo ꞉ninye ntorrok pooki naataasa meurie Nkai. Neiteyielo aitoki lolo aing'okok torrok nenia baa torrok nairoro aarie ninye.>>

Mbolunoto 21:8

Kake kore ltung'ana gureti o lemeiruk o looitarroitie ate aas asat torrok o loaar ltung'ana metuata o lolo ooboitiere lkulie tung'ana te sesen lamara lpayiani tanaa sii ntomonok enche o lairupok o loaasai nkaitok e sapare o loaasapicho, naa kenang'akini atua lbalbal le nkima napejieki ntoki naji salpa naa ele taa lkiye le oare.>>

Mbolunoto 22:15

Kake ta aulo e ilo kerenket apa etung'ayieki ltung'ana ootuwuana ldein tee nkichoni enche o lairupok o lolo ooboitiere lkulie tung'ana te sesen lamara lpayiani tanaa sii ntomonok enche o loaar ltung'ana metuata o loaasai nkaitok e sapare o pooki ng'ae oacham atasapicho.