Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Timoti 1:10 - Samburu

10 Neitayiaki sii tankaraki ltung'ana oaas loloito o lewa oaas loloito o lkulie lewa o loomir ltung'ana metaa rrindiki o lolo oaasapicho o lolo oaanya lmumai le sapare o nkae toki pooki napaachere nkiteng'ena nadede.

အခန်းကိုကြည့်ပါ။ ကော်ပီ




1 Timoti 1:10
34 ပူးပေါင်းရင်းမြစ်များ  

Kore ntae naa irara nkera e papa linchi Chitani, niyieuu niasias mbaa naang'uar ninye ataasa. Kore ninye naa larani apake ta ng'asunoto oar ltung'ana metuata, nemeitache ta mbata e ndedei, amu metii ndedei atua ninye. Kore payie esapicho ninye naaku mbaa naatiu te ninye eiro, amu lasapani ninye nera aitoki menye saparia.


Kore tankaraki inia, neichooyo ꞉Nkai ninche meirukurukore ng'uarrat enche e anyit. Kore ng'orio enche neitapaachita mboita e sesen naatae apake o mboita e sesen nemeyiere neasi.


Kore tininteng'en lalachera o nkanachera kuna baa, niaku laisiaayiani supat le Kristo Yeso, neitodolu inia ajo itubulua taatua rerei le nkurukoto o le inia kiteng'ena supat nirukurukore.


Kore tenetii ltung'ani oiteng'enicho nkiteng'ena e sapare nemeiririkino rerei odede la Laitoriani Yeso Kristo o nkiteng'ena naicho Nkai nkanyit,


Mbung'a naa ilo rerei odede litining'o alikoo, metaa ninye iduaaya to nkurukoto o te nchaman natii atua Kristo Yeso.


Amu kelotu kenya nkata nemeidimare ltung'ana nkiteng'ena nadede. Kore neas ninche, naa ng'uarrat enche erubare neiturrurroki ate laiteng'enak oojo mbaa naayieu nkiyiaa enche nening.


Kore ana limunoto naa kesipa. Tankaraki inia, ng'odia ninche te mpijan, payie etum aaipidari to nkurukoto


Meata ajo meibung akurraki nkiteng'ena nadede ana naiteng'enaki, payie eidim aitogolo ltung'ana ltauja te inia kiteng'ena nadede, neitodol lolo ooibooyo ndedei ajo ketopong'ori.


Keyiere neyanyit pooki ng'ae nkiyema. Nemeata ajo meaku lpayian o ntomononi naaisiligai, amu keiguanare ꞉Nkai ltung'ani oboitere te sesen lpayian anaa ntomononi namara nenye o pooki ng'ae oas loloito.


Kore sii apa Sodom o Gomora o lkerenketi oonyikita, naa nejia etaasa ninche tana laaduo malaikani. Ketaasa ninche loloito, neitoki aairukurukore ng'uarrat aas ntabo to mboita e sesen. Neaku apa ninche nkitanyanyukoto amu ketudung'okaki nkiguana e nkima ee ntarasi.


Nemeatae loinyiang'u mpukunot pooki e ila enche naarropil o naichi e lmusabibu naamati o mpukunot pooki ee ndaki. Nemeatae loinyiang'u nkichu enche o nkerra o mbartan o nkarrin naayiataa ꞉mbartan o ltung'ana.


Nemejing aikata ntoki torno, tanaa ilo oas ntabo, tanaa losapicho. Kore loojing ilo kerenket, naa lolo ake oopeny ooigeroki nkarn to mbuku e Lkuo leker natii nkarn ee lolo oaata nkichui ee ntarasi.


Kake kore ltung'ana gureti o lemeiruk o looitarroitie ate aas asat torrok o loaar ltung'ana metuata o lolo ooboitiere lkulie tung'ana te sesen lamara lpayiani tanaa sii ntomonok enche o lairupok o loaasai nkaitok e sapare o loaasapicho, naa kenang'akini atua lbalbal le nkima napejieki ntoki naji salpa naa ele taa lkiye le oare.>>


Kake ta aulo e ilo kerenket apa etung'ayieki ltung'ana ootuwuana ldein tee nkichoni enche o lairupok o lolo ooboitiere lkulie tung'ana te sesen lamara lpayiani tanaa sii ntomonok enche o loaar ltung'ana metuata o loaasai nkaitok e sapare o pooki ng'ae oacham atasapicho.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ