1 Timoti 1:1 - Samburu

¹ Kore ana palai naa nanu Paulo eing'uaa, ilo oataa Lkipaaret le Kristo Yeso te nkitanapata e Nkai nara Laitejeunoni lang o Kristo Yeso oara siligi lang.

1 Timoti 1:1 ပူးပေါင်းရင်းမြစ်များ

Luka 1:47

neng'idakino ꞉ltau lai Nkai, Laitejeunoni lai,

Luka 2:11

Amu kore ana parri te lkerenket le Daudi, etiikaki ntae laitejeunoni, naa ninye Kristo Laitoriani.

Asat 9:15

Kake nejoki ꞉Laitoriani ninye, <

Rroman 1:1

Kore ana palai, naa nanu Paulo eing'uaa, laisiaayiani la Laitejeunoni Yeso, naaipoto ꞉Nkai mataa Lkipaaret naategelua matilikoi Lomon Supati lenyena.

1 Lkorinto 1:1

Kore ana palai naa keing'uaa Paulo oipoto ꞉Nkai ana nayieu ninye metaa lkipaaret le Yeso Kristo, neing'uaa sii lalache lang Sositenes.

1 Lkorinto 9:17

Kore tanaa yieuna ai alikorie, anata aa kaichiaakino laata, kake mara yieuna ai amu Nkai naaitaa laing'urani le ele siaai.

2 Lkorinto 1:1

Kore ana palai naa nanu Paulo eing'uaa, oara te yieuna e Nkai, Lkipaaret le Yeso Kristo, ilo Aitejeunoni oanyutae apa, neing'uaa sii lalache lang Timoti. Ikiroroki nkanisa e Nkai nati Korinto o sinyat pooki ootii nkop e Akayia.

Lgalatia 1:1

Nanu Paulo Lkipaaret le Yeso oigero ana palai, namara ltung'ana laaitaa anaa ltung'ani aimua, kake kaimua Yeso Kristo o Nkai Papa, ilo oitipiwua ninye too lootuata.

Lgalatia 1:11

Naa kayieu niyielouu lalachera lainien aajo, kore rerei latilikoyie naa mara rerei ooidim ltung'ani aitai.

Lkolosae 1:27

Keyieu apa Nkai payie aibalunyie newua inia kisudoroto enye e nking'asia too ltung'ana loo loreren, kore inia kisudoroto naa nchere kore Kristo oamanya atua ltauja linchi naa ninye siligi linchi le nkitoo nalotu.

2 Ltesalonike 2:16

Kore Laitoriani lang Yeso Kristo koon o Nkai Papa lang, ilo oacham iyioo, neitogolo iyioo ltauja ntarasi, neichoo iyioo siligi supat to nkoitiei e munyani,

1 Timoti 1:12

Kaicho Kristo Yeso Laitoriani lang nache tankaraki kaatoduaa ajo kaisiligai, naaicho ngolon naagelaki nkisiaayiare enye.

1 Timoti 2:3

Kore inia naa keisupat neng'amaroi tekue Nkai Laitejeunoni lang,

1 Timoti 2:7

Kaaitaaki lalikoroni o lkipaaret payie atum atilikoi inia limunoto. Naa kesipa najoito mara sapare, kaaitaaki laiteng'enani loo loreren payie aiteng'en ninche nkurukoto o ndedei.

1 Timoti 4:10

Kore tankaraki inia, ikiasita siaai to nyuata o te nkinyinyiret, amu Nkai naichu etii siligi lang, laa ninye Laitejeunoni loo ltung'ana pooki, neisul too ꞉lolo ooiruk ninye.

Tito 1:3

Naa kore ta nkata nategelua ꞉Nkai nara Laitejeunoni lang, /neibalunyie ele kilikuai te likoroto ai laaing'urie matilikoi ana naaitanapa.

Tito 2:10

namara looirrapirrapicho, kake payie eitoduaaya nchere keisiligai katukul, metaa kore taa mbaa pooki, nerrepi nkiteng'ena e Nkai, Laitejeunoni lang.

Tito 2:13

kianyuta siligi lang omayiana, meitabari tenelioii nkitoo ee Nkai aang kitok, nara Laitejeunoni lang Yeso Kristo.

Tito 3:4

Kake kore apa payie eibalunyie Nkai nara Laitejeunoni lang supaticho o nchaman enye naata too ltung'ana,

Tito 3:6

ilo oichoo iyioo Nkai te leng'on kitok aimu Yeso Kristo, Laitejeunoni lang.

1 Petero 1:21

Kore tankaraki inia nataasa ninye, naa iruko Nkai naitipiwua ninye taatua lootuata neicho nkitoo, payie eaku kore nkurukoto o siligi linchi, naaku atua Nkai etii.

1 Petero 1:3

Meisisi Nkai oara Menye Laitoriani lang Yeso Kristo! Ilo laa te lng'er lenye kitok etiiwuaki iyioo nkata e are, payie kitum siligi oichu tankaraki natipiwua Yeso Kristo taatua lootuata,

2 Petero 1:1

Kore ana palai naa keing'uaa Simon Petero, oara laisiaayiani o Lkipaaret le Yeso Kristo. Kairoroki ntae lolo oichoo ꞉Nkai meiruko ana mbae e tipat aajo, kore Nkai ang nara Laitejeunoni Yeso Kristo naa loosipat, ana ake taata nikiruk.

1 Yoana 4:14

Naa ikitodua nikilimu aajo keterewua Papa Nkerai enye metaa Laitejeunoni le nkop.

Yuda 1:25

ilo laa ninye oara Nkai aang nabo, nera Laitejeunoni lang taatua Yeso Kristo, nenye nkisisa o nkitoria o ngolon o nkitoo, apake eitu eitibiri nkop o taata o ntarasi! Aamin.