1 Petero 5:4 - Samburu

⁴ Naa kore kenya tenelotu Lchekut Kitok, nitumutum nkiraoni e nkitoo nemomuta aikata.

1 Petero 5:4 ပူးပေါင်းရင်းမြစ်များ

Yoana 10:11

<

1 Lkorinto 9:25

Kore pooki ng'ae oyieu payie ekuet neisul, keichiaakino nerretena oleng. Kekuet ninche payie etum ntoki nemebik, kake kore iyioo naa ikikuet payie kitum ntoki nabik ntarasi.

2 Timoti 4:8

Naa kaaiteng'elakaki nanu nkopiyia naichori loosipat, inia naaicho ꞉Laitoriani, oara ladung'oni le nkinguana, te inia parri. Namara nanu ake apeny eicho, kake keicho lolo pooki oaanyuta lotunoto enye te nchaman.

Lburania 13:20

Kore Nkai napeny seriani, /nailiepunyie Laitoriani lang Yeso Kristo ilo chekut kitok loo nkerra, taatua lootuata tankaraki naibukori lodo lenye oitibirie lning'o obik ntarasi, meeichoo ntae aiputaki ntoki pooki supat niyieuu payie itumtum aataas inia nayieu ninye. Meichoo naa ꞉Nkai Yeso Kristo metaasicho taatua iyioo payie kitum aataas inia naiting'id Nkai. Metaa nenye nkisisa ntarasi o ntarasi.

Yakobo 1:12

Kemayiana ilo tung'ani ong'iri taatua sinaitin ooitami, amu kore payie eidip aimai sina, netum nkopiyia e nkisulata aa taa nkichon ee ntarasi, naitayia Nkai lekutuk ajo keicho lolo oaacham ninye.

1 Petero 1:4

nitumtum sii ntae metaa ninchi mayian nemeiting, nemorroyo, nemeichunye, naitaanyutae ntae te chumata.

1 Petero 2:25

Amu ipuoitoto apa kitala ana nkerra, kake kore taata naa imbelekenyakinete Lchekut linchi, ilo Airritani oirrita ntae.

1 Petero 5:2

Errita mboo e Nkai natung'aka ninye ntae entaa laing'urak. Naa kore iasitata inia, eng'ura ninche, mara ana nayieunyieki ntae te ele siaai kake tankaraki nichamaa ilo siaai ana nayieu Nkai, namara sii payie itumiemie ntoki kake tankaraki nichamcham aaisiaayia ninche.

1 Yoana 3:2

Lacham lainien, kore taata naa ikira nkera e Nkai, naa ewuon eitu eibalunyieki nikitiuu kenya. Ikiyielo aajo kore tenelioi Yeso, naa ikitiuu ana ninye amu ikidol ninye ana netiu.

Mbolunoto 1:7

Ng'ura! Kelotu tee nkidisin, naa kedol ꞉nkong'u pooki ninye, abaki lolo apa ooteremo, naa keichir ltung'ana pooki le nkop tankaraki ninye. Ee keaku nejia!

Mbolunoto 2:10

Emiurie nenia baa, nemeata ajo metum ntae. Enteyielo naa aajo kenang'aki ꞉Chitani lbata linchi atua jila payie etumi aatasaan ntae, niimaa ilo sina mperot tomon. Kake entaa loosiligai ta nanu, abaki tanaa keri ntae entuata. Kore nkopiyia e nkisulata naicho ntae naa nkichon ee ntarasi.

Mbolunoto 3:11

Kalotuta asieku, embung'a entirrichaki inia niatata, payie meatae loworu ntae nkopiyia inchi e nkisulata.