1 Petero 4:17 - Samburu

¹⁷ Amu ketabawua nkata nang'asu nkiguana, naa keng'asunyie ltung'ana le Nkai. Naa amaa tanaa iyioo eng'asunyie, nyo naaku too lolo lemeyanyit Lomon Supati le Nkai?

1 Petero 4:17 ပူးပေါင်းရင်းမြစ်များ

Luka 23:31

Amu tanaa keitaas ꞉ninche kuna baa lcheni ochal, nyo eitaas lotoyio?>>

Rroman 1:1

Kore ana palai, naa nanu Paulo eing'uaa, laisiaayiani la Laitejeunoni Yeso, naaipoto ꞉Nkai mataa Lkipaaret naategelua matilikoi Lomon Supati lenyena.

Rroman 2:9

Kore ltung'ani pooki oas ntorrok, netum kenya sina sapuk oleng, sina oang'asu tekue too Lyiaudi, neitoki sii too loreren lamara loo Lyiaudi.

Lgalatia 3:1

Lagalatia kulo oaamada, ng'ae oirupo ntae? Mara tekue nkonyek inchi eibalunyeki nchere Yeso Kristo etechoki?

Lgalatia 5:7

Ipuoitoto apa aaitibiraki to nkoitiei e nkurukoto, ng'ae oibooyie ntae payie mianyitnyit ndedei?

Lgalatia 6:10

Naaku kore ewuon kiata nkata, mataasaki ltung'ana pooki mbaa supati, nelusoo lolo likira nabo to nkurukoto.

2 Ltesalonike 1:8

neiteme lolo lemeiyielo Nkai o lemening Lomon Supati la Laitoriani lang Yeso. Keasai ana te nkima nailu.

1 Timoti 3:15

Kake kore tanaimalmala, niyielou te inia kitaarriyiana neiko ltung'ana tenewueni ta nkaji e Nkai. Ninye naa nkanisa e Nkai naichu, lng'ope o nkitamanyunoto e ndedei.

Lburania 11:8

To nkurukoto eyanyita ꞉Abraam Nkai payie eipot metung'ai nkop enye alo nkae ng'oji naaku kenya nenye. Neinyuototo aing'uaa inia kop abaki meyielo neloito.

Lburania 2:2

Amaa tanaa kore nkitanapat naaichorua ꞉Nkai aimu lmalaikani neasicho, naa kore lotigila nenia kitanapat o ilo leitu ening Nkai neitemei ana nairirikino,

Lburania 2:4

Neitisipua sii Nkai ajo kedede inia limunoto enche tee asat naaitodolu nkitoo enye o mbaa e nking'asia o asat napaapaacha e ngolon enye o tee nkichoorot e Ltau Sinyati naaichorua ana nayieu ninye.

Lburania 3:6

Kore sii ilo Aitejeunoni apa oanyutae naa keisiligai te nkitachekinoto ee ltung'ana le Nkai, amu kera ninye Nkerai e Nkai. Naa ikira iyioo lolo tung'ana lenyena tinikimbung aaitirrichaki ilo siligi lang liking'idare nimikincho metigilata iyioo ltauja.

Lburania 5:9

Naaku kore payie eisulieki, neaku ninye etumie pooki ng'ae oning ninye njeunoto ee ntarasi,

1 Petero 2:5

nirara sii ntae soito ooichu, nechetuni ntae payie iakuku nkaji e Nkai naitibira ꞉Ltau lenye. Nitumtum aataa lturrur laa laitainok sinyat la lasar, ooitai lasarri ooicharu ꞉Ltau Sinyati, oaang'amaroii ta Nkai tankaraki inia nataasa Yeso Kristo.

1 Petero 2:8

o soit orrorricho o ndadapoi narrekicho.>> Nerror ninche amu eitu eibung ilo rerei, ana nategelakaki apa ninche.