1 Petero 3:13 - Samburu

¹³ Amaa, ng'ae sa oitaas ntae ntorno, tanaa inyoknyok aas supati?

1 Petero 3:13 ပူးပေါင်းရင်းမြစ်များ

Rroman 13:3

Amu meituria ꞉lolo ooitoricho ltung'ani oas supati, kake keituria ilo oas mbaa torrok. Kore tanaa miyieu niuriei lolo ooitoricho, taasa naa supati payie kirrep ꞉ninche,

Rroman 8:28

Ikiyielo nchere kore pooki naasai, naa kesupataki lolo oaacham Nkai, lolo ooipotoki ana nayieu ꞉Nkai.

1 Lkorinto 14:1

Entonyok oleng eng'oru nchaman. Kake enchoo metaa iatata yieuna ee nkichoorot e Ltau Sinyati, naleng nkichooroto e naibon.

Epeso 5:1

Naaku taa, entaa ꞉ltung'ana ooduaaya Nkai, tankaraki nirara nkera enyena naacham oleng.

1 Ltesalonike 5:15

Entodol metaa, meata linchi oitalaku ntorno to ntorno, kake entonyok entaasata maate o lkulie tung'ana pooki mbaa supati nkata pooki.

1 Timoti 5:10

Netisipuaki aajo ketaasa mbaa supati: keitubulua nkera enyena aitibiraki, neitoomono lomon ta nkang enye, neituko nkejek ee sinyat le Nkai, netereto lolo oaata sina, netonyuaa aas ntoki pooki supat.

Tito 2:14

Keichorua koon anang iyioo payie elaku iyioo too ntorrok ang, neituk iyioo payie kiaku ltung'ana lenyena le tipat oonyok aas mbaa supati.

3 Yoana 1:11

Lacham lai, miduaaya ntokitin torrok kake toduai supati. Kore ilo oas supati naa le Nkai naa kore ilo oas ntorrok naa eitu eyielou ꞉ninye Nkai.