1 Petero 2:23 - Samburu

²³ Kore payie edeki ninye, eitu echukoki ninche toki, neitu eing'ode aituria ninche payie eitami sina, kake etung'aka ilo odung'oki nkiguana ee sipat mbaa enyena.

1 Petero 2:23 ပူးပေါင်းရင်းမြစ်များ

Luka 23:41

Kore iyioo, naa keichiaakino ana, amu ikitumuto laata nairirikino asat ang. Kake kore ele tung'ani, meatae ntoki torno nataasa.>>

Luka 23:46

Nebuak Yeso to ltoilo sapuk ajo, <> Kore payie eidip atejo nejia, nedung'o tau.

Luka 23:9

Neipar lomon kumo, kake eitu hoo ewoliki ꞉Yeso ninye toki.

Asat 17:31

Amu ketegelua Nkai mparri nabo nadung'okinyie nkop kiguana tee sipat, naa keas ana to ltung'ani otegelua ꞉ninye. Kore sipata naaitodol ltung'ana pooki ajo ketegelua ninye, naa keitipiwua ninye taatua lootuata.>>

Asat 4:29

Kore naa taata Laitoriani, ng'ura ja neiko teneicho iyioo lomon oome, nincho laisiaayiak linono nkidimata nalikorie rerei lino te mpijan.

Asat 7:59

Kore enang'ita ninche Sitepano, neomon Sitepano ajo, <>

Asat 9:1

Kore apa Saulo, naa ewuon ake etipide eituria, netumuta ar metuata looiteng'eni la Laitoriani. Nelo netii laitainoni kitok la lasar,

Rroman 2:5

Kake kore tankaraki nira ltung'ani ogol kue, niata ltau lemeibelekenya, ichumakita koon ngoro, naa ikirrachu inia goro ta mparri naibalunyie Nkai ndung'oto e nkiguana enye nasipa.

Epeso 6:9

Kore sii aitoki ntae lkutuaa, nejia sii ake entaasa rrindiki linchi. Emibuaaki aaitogor, amu iyiololo aajo kore Laitoriani lenche laa ninye sii linchi naa keti chumata, nemeata ninye ngela.

2 Ltesalonike 1:5

Kore kuna pooki, naa keitodolu ndung'oto nasipa e nkiguana e Nkai, payie etumi aitaa ntae looichiaakino nkitoria e Nkai, inia naichoo metaa keitamitae ntae sina.

2 Timoti 1:12

Naa inia payie aanyaita kulo sinaitin, kake kore eyia, madol hooyia anyit, amu kayielo ilo lairuko naata sipata ajo, kore inia natipika nkaik aainien naa keidim airrita ana metabau inia parri.

2 Timoti 4:8

Naa kaaiteng'elakaki nanu nkopiyia naichori loosipat, inia naaicho ꞉Laitoriani, oara ladung'oni le nkinguana, te inia parri. Namara nanu ake apeny eicho, kake keicho lolo pooki oaanyuta lotunoto enye te nchaman.

Lburania 12:3

Entaparru newua sina oitamita ꞉ltung'ana loo ng'ok ninye! Entaparrai naa ninye payie minaururu negila ntae ltauja.

1 Petero 3:9

Emilaaki ltung'ani ntorrok too ntorrok anaa ldeket te ldeket, kake entalaaki mayian amu inia eipotoka ntae Nkai payie itumtum mayian metaa ninchi.

1 Petero 4:19

Naaku taa, enchoo lolo tung'ana ootum sina te yieuna e Nkai, epuo kue aas supati, nepik nkaik e Nkai nkichoni enche e taata o ne nkata nalotu, inia Ai naisiligai nera Nkai naitayia pooki toki.

Mbolunoto 19:11

Naitoki adol chumata etobole, naa ng'ura, eti mbarta naibor naitache teinie, naa kore lowuenita keji nkarna Loisiligai neji aitoki Lodede naa ndedei easichere tenedung nkiguana o tenenya larrabal o lmang'ati lenyena.