1 Petero 1:19 - Samburu

¹⁹ kake lodo le Kristo oata tipat oleng eitamaki ntae, otuwuana lodo lo lkuo leker, ocho lemeata ntioto.

1 Petero 1:19 ပူးပေါင်းရင်းမြစ်များ

Matayo 20:28

ana neikuna Nkerai e Ltung'ani. Eitu elotu ninye meisiaai, kake keyewuo aisiaaicho, neitai nkichui enye alakunyie lkumo.>>

Matayo 26:28

amu ele lodo lai lo lning'o ng'ejuk oibukori tankaraki lkumo payie etum mpalikinoto ee ng'ok.

Yoana 1:29

Kore mparri naijipita inia, nedol ꞉Yoana Yeso elotuta aipidakino ninye nejo, <

Yoana 1:36

Kore eimita Yeso inie neing'or ꞉Yoana nejo, <>

Asat 20:28

Naa entodol naa ate o mboo pooki ee nkerra naatipika ꞉Ltau Sinyati nkaik inchi payie irritata, aaku lchekuti le nkanisa e Nkai nainyieng'ua to lodo le Nkerai enye.

Rroman 3:25

Ninye eibukori lodo, neitaa ꞉Nkai tekue ltung'ana pooki lasar loo ng'ok, naa to nkurukoto eng'amari ninye. Neas ana payie eitodolu sipata enye, amu kore apa te ng'iriata enye naa keichoo ltung'ana mechomo eitu eitalak ng'ok enche. Neitodolu taata tana ng'amata sipata enye nchere, kera ninye loosipat naa keitaa ilo tung'ani oiruko Yeso loosipat.

Epeso 1:7

Ilo laa te ninye ikiata lakunoto natalaa to lodo lenye, aa taa ketapalikaki iyioo nkitarruorruot ang. Keitodolu ana newua munyani naichoo iyioo Nkai,

Lkolosae 1:14

laa kore aimu ninye, nelak Papa inia nairirikino alakunyie iyioo, naa kore inia lakunoto nikiata naa mpalakino ee ng'ok.

1 Petero 1:2

Etegelua apa ntae Nkai Papa te yieuna enye eitisiny ntae ta Ltau Sinyati payie irukuruk Yeso Kristo neituk ntae lodo lenye. Meiputa ntae munyani o seriani.

1 Petero 3:18

Keitamaki naa Kristo sina nkata nabo tankaraki ng'ok, kera ninye loosipat netanang'a ltung'ana lamara loosipat, payie etum atirikoki iyioo Nkai. Ketua ninye te sesen kake neitipiuni ltau,

1 Yoana 1:7

Kake kore tinikitii atua wong'an ana payie etii ninye atua wong'an, naa ikiata nchula maate. Naa kore lodo le Nkerai enye Yeso, neitukoo ng'ok ang pooki.

1 Yoana 2:2

Naa kera ninye lasar loo ng'ok ang, namara nkunanang ake aapeny kake no nkop pooki.

Mbolunoto 1:5

neing'uaa aitoki Yeso Kristo. Kore Yeso naa kelimu sipata enye, nera loisiligai, Nkerai e Nkai natipiwua aing'uaa lmeneng'a tekue nemeye aikata, naa ninye oitore lkinkii pooki le nkop. Ketachama ninye iyioo, nelaku iyioo too ng'ok ang to lodo lenye,

Mbolunoto 14:1

Naitoki aing'oricho, nadol Lkuo leker eitache to ldonyuo le Sion, tenebo o ltung'ana 144,000 eigero nkarna enye o nkarna e Papa lenye too nkomomi.

Mbolunoto 14:5

Neitu aikata etumieki sapare, amu kera ltung'ana lemeata nakurrieki.

Mbolunoto 5:6

Kore terichet lorika le nkitoo o ntokitin ong'uan naaichu naatuwuana ng'uesi, te nkiji ee lpayiani kutuaa, nadol Lkuo leker eitache etuwuana lotaraki. Neata mowuarak sapa o nkonyek sapa, naa ninche ltauja sapa ooisiai Nkai ooterewuaki nkop pooki.

Mbolunoto 5:9

Nerany sinkolio ng'ejuk ejo, <

Mbolunoto 7:14

Najoki, <> Naajoki, <