1 Ltesalonike 5:8 - Samburu

⁸ Kake kore amu ikira le mparkiji, mataa loaaparricho aaitibiraki! Maichopo naa nkurukoto o nchaman ana nchuret e lgoo, nikinchop sii siligi le njeunoto ana nkopiyia e senkei.

1 Ltesalonike 5:8 ပူးပေါင်းရင်းမြစ်များ

1 Lkorinto 13:13

Naaku taa kebik kuna uni, nkurukoto o siligi o nchaman. Naa kore nalang pooki naa nchaman.

2 Lkorinto 6:7

Nikilikoo Lomon le Nkai oodede to ngolon enye, kimbung'uta lalem o long'o e sipata e Nkai, era masaa ang nikinyayie larrabal.

Lgalatia 5:5

Amu ta Ltau o to nkoitiei e nkurukoto, kianyu iyioo ilo siligi oitabari aajo, keikenaki iyioo Nkai sipat.

Epeso 6:11

Enchopo masaa pooki e Nkai naichoo ꞉ninye sikarini lenyena, payie indimdim aaitacho aaibooi losegin pooki le Chitani.

Epeso 6:23

Meichoo Nkai Papa o Laitoriani Yeso Kristo, lalachera o nkanachera seriani o nchaman tenebo o nkurukoto.

1 Ltesalonike 5:5

Amu irara ntae pooki nkera e wong'an, nirara sii nkera e mparkiji. Mikira ne nkuarie anaa ne naimin.

2 Ltesalonike 2:16

Kore Laitoriani lang Yeso Kristo koon o Nkai Papa lang, ilo oacham iyioo, neitogolo iyioo ltauja ntarasi, neichoo iyioo siligi supat to nkoitiei e munyani,

Lburania 6:19

Ikiata ele siligi laa ltauja lang errapa neisiligai, netuwuana lgiitani ooenikino senkei nkue naenieki meli payie meya nkare. Kore ilo siligi naa keuno to Ng'oji sinyati naaisul pooki, te idia alo inia anka naor apa ng'oji sinyati o ng'oji sinyati nalang pooki ta nkaji e Nkai,

1 Petero 1:13

Naaku naa entipik siligi linchi katukul inia munyani naichori kenya ntae teneibalunyieki Yeso Kristo, irretenena taa mparrunot inchi aaku ltung'ana oaaparricho aaitibiraki.

1 Petero 2:9

Kake kore ntae naa irara ltung'ana oogeluno, lturrur loo laitainok la lasar ooisiaaita Lkinkii, nirara lorere sinyati, ltung'ana le tipat le Nkai, ooipuotua ta naimin apik atua inia wong'an enye e nking'asia, payie itumtum aatilikoi rrepeta enyena.

1 Yoana 1:7

Kake kore tinikitii atua wong'an ana payie etii ninye atua wong'an, naa ikiata nchula maate. Naa kore lodo le Nkerai enye Yeso, neitukoo ng'ok ang pooki.