1 Ltesalonike 4:5 - Samburu

⁵ namara too ng'uarrat torrok tana neiko lkulie ochon lemeiyielo Nkai.

1 Ltesalonike 4:5 ပူးပေါင်းရင်းမြစ်များ

Matayo 6:32

Amu kore nenia pooki, naa keirrana loreren lemeyielo Nkai aayiaya. Kake keyielo ꞉Papa linchi le chumata ajo, iyieu ntae nenia pooki.

Luka 12:30

Amu kore kuna tokitin pooki, naa ninche eyiaya loreren le ana nkop lemeyielo Nkai, kake keyielo Papa linchi ajo iyieuu sii ntae.

Asat 17:23

Naa kore aisabita tene aing'uraa nkitanyanyukot ee nkaitok, nadol abaki lperere la lasar oata lkigerot oojo, Kore naa inia ai nisaitata nimiyielolo naa kaliki taata ntae.

Rroman 1:24

Kore tankaraki inia, neichooyo ꞉Nkai ninche meeirukurukore ng'uarrat ee ltauja lenche payie ejing atua mbaa nemeichiaakino, neitala seseni lenche nkanyit maate.

Rroman 1:26

Kore tankaraki inia, neichooyo ꞉Nkai ninche meirukurukore ng'uarrat enche e anyit. Kore ng'orio enche neitapaachita mboita e sesen naatae apake o mboita e sesen nemeyiere neasi.

Rroman 1:28

Naa kore amu eitu edol ninche aajo keichiaakino payie eata Nkai mpaach to mparrunot enche, neicho ꞉Nkai ninche meirukurukore mparrunot enche naatarroitie payie eas mbaa nemeichiaakino.

1 Lkorinto 1:21

Keirichakinete ltung'ana ng'eno enche, naaku eitu eyielou Nkai abaki etoduaa ng'eno enye. Neroyie Nkai achamaa aitejeu lolo ooiruk ninye aimu ana likoroto najo ltung'ana madai.

1 Lkorinto 15:34

Erracha ate niparrichocho aaitibiraki, nipalpal nkoitieii inchi ee ng'ok, amu meata lbata linchi yielounoto e Nkai, naa anyit inia taa ntae.

Lgalatia 4:8

Kake kore apa ewuon miyielolo Nkai, naa isiaaita nenia namara abaki nkaitok.

Epeso 2:12

Naa kore apa ntae te inia kata, miatata Kristo, nirara ltung'ana leiching'a lemeata nejo locho le Isirael, niminkenakinono lning'on le lekutuk le Nkai, nimiatata siligi nimiatata Nkai to nkop.

Lkolosae 3:5

Kore ntoki pooki e mpukunoto inchi nara ne nkop entar metua! Entar naa metuata, mboita e sesen namara na lpayian o ntomononi enye o asat pooki ee aanyit o ntolo o lng'uarra o yieunot torrok o lubo, aa ninye taa sayiata ee nkaitok e sapare.

2 Ltesalonike 1:8

neiteme lolo lemeiyielo Nkai o lemening Lomon Supati la Laitoriani lang Yeso. Keasai ana te nkima nailu.

1 Petero 4:3

Itara apa nkata naado iasias mbaa naayieu loreren lemeyielo Nkai neas. Kore apa inia kata, itowuana iasias mbaa e anyit, ning'uarrichocho, nimerara, nilubobo, nitumomo aamaticho, niasias ntabo aasai nkaitok e sapare.