1 Ltesalonike 2:8 - Samburu

⁸ nejia sii etiu nchaman kitok nikitachama ntae, metaa mara ake Lomon Supati le Nkai aapeny kiyieu nikincho ntae, kake abaki ltauja lang, amu itaa le tipat oleng.

1 Ltesalonike 2:8 ပူးပေါင်းရင်းမြစ်များ

Luka 7:2

Netii apa lkitok obo oyanyit laisiaayiani lenye oleng. Kore ele kitok, naa keitacheki sikarini oobaya ip nabo. Nemuai ꞉ilo aisiaayiani lenye, metaa keye.

Rroman 1:1

Kore ana palai, naa nanu Paulo eing'uaa, laisiaayiani la Laitejeunoni Yeso, naaipoto ꞉Nkai mataa Lkipaaret naategelua matilikoi Lomon Supati lenyena.

Rroman 10:1

Lalachera o nkanachera, kore nayieu oleng taatua ltau lai, naomon Nkai tankaraki ltung'ana lang loo Lyiaudi, naa payie eitejeuni.

Rroman 15:29

naa kayielo nchere kore tanalotu nitii, nemayian ntae Kristo katukul.

2 Lkorinto 12:15

Kaichooyo ntokitin pooki naata tankaraki ntae te ng'ida, nanang ntae. Amaa, keaku nchaman inchi kini ta nanu tankaraki nacham nanu ntae oleng?

2 Lkorinto 6:1

Kore kiasicho tenebo o Nkai, ikintaarriyian ntae payie meaku munyani e Nkai nitang'amaitie ne pecheu.

Lgalatia 4:19

Nkera ainien kunini, kaata mion ana ntomononi nasaisai, ana metubulu Kristo taatua ntae.

Lpilipi 1:8

Keyielo Nkai ajo kedede tanajo kacham ntae oleng te inia chaman e Yeso Kristo, nayieu nadol ntae.

Lpilipi 2:17

Kore abaki tanaa keibukori lodo lai ana lasar tankaraki nayewua ntae atua nkurukoto, naaku kang'ida nang'ar inia ng'ida tenebo o ntae.

Lpilipi 2:20

Maata likae tung'ani oata mbaa inchi taatua ltau lenye katukul ana ninye.

Lpilipi 4:1

Kore naa lalachera o nkanachera ainien nacham oleng nayieu nadol, ikinting'iding'id naa kaikarrie nanu ntae! Entacho katukul taatua Laitoriani, sotuatin lainien, imbungbung inia natiaaka ntae.

Lkolosae 1:28

Ninye kilikoo, kintaarriyian nikinteng'en ltung'ani pooki te ng'eno pooki payie kintaa ltung'ani pooki metaa ltung'ani lemeata ntioto tekue Nkai taatua Kristo.

Lkolosae 1:7

Niteyieloutua nenia baa aimu Epaparas, ilo likiasicho tenebo nikicham, nera laisiaayiani oisiligai oisiaai Kristo ta mpaach ang,

Lkolosae 4:12

Neiroroki sii ntae ltung'ani linchi oji Epaparas, oara laisiaayiani le Kristo Yeso. Kenyokita ninye nkata pooki tankaraki ntae to nkomono enye, payie itumtum aaitacho irara lemeata ntioto, niatata sipata ee mbaa pooki naayieu Nkai.

Pilemon 1:1

Kore nanu Paulo oena tankaraki Laitejeunoni Yeso o lalache lang Timoti, naa ikiroroki iyie Pilemon lchore lang likicham, kiasaki Nkai siaai tenebo.

Lburania 13:17

Entining larikok linchi nintodoyioyio ate taabori ninche, amu ntae eirrita eyielo aajo keipar kenya ꞉Nkai. Entining ninche payie etumoki ninche aataas siaai lenche te ng'ida meata long'unyung'unyi, amu mesupataki ntae inia.

1 Yoana 3:16

Kore nikiteyielounyie aajo nyo nchaman nadede, naa nchere keitayia apa ꞉Yeso nkichui enye tankaraki iyioo. Naa keichiaakino sii nikintai iyioo nkichui ang tankaraki lkulikae.