1 Ltesalonike 2:10 - Samburu

¹⁰ Iatata sipata neata sii Nkai sipata nchere, kore tekue ntae lairukok, naa ikintaitua ate te siaai e Nkai, nikira ltung'ana loosipat, nemeata kusaka naitari iyioo.

1 Ltesalonike 2:10 ပူးပေါင်းရင်းမြစ်များ

Luka 23:41

Kore iyioo, naa keichiaakino ana, amu ikitumuto laata nairirikino asat ang. Kake kore ele tung'ani, meatae ntoki torno nataasa.>>

Asat 20:18

Kore payie ebau nejoki, <

Asat 20:26

Naaku kaliki ntae sipata ana parri, nchere maaipotieki teneimina lobo linchi.

Asat 24:16

Naaku kore nkata pooki, kanyok metaa kaning ta ltau lai ajo meata naakurrieki tekue Nkai o tekue ltung'ana.

2 Lkorinto 1:12

Kore to nkop pooki aa oleng taatua ntae, ikitowuana ana ltung'ana supati ltauja o ana ltung'ana oong ana nayieu Nkai. Neitu kirukurukore inia najo ltung'ana le nkop ng'eno, kake munyani e Nkai kirukurukore. Ikiyielo taa ltauja lang aajo nejia etiu, naa inia ntoki niking'idare.

2 Lkorinto 11:11

Aanyo payie mayieu reto inchi? Aa ijoijo macham ntae? Keyielo Nkai ajo kacham ntae!

2 Lkorinto 11:31

Keyielo Nkai nara Papa la Laitoriani lang Yeso Kristo, ilo oisisi ntarasi, ajo masapicho.

2 Lkorinto 4:2

Kake ikitanya mbaa pooki naaisudoro e anyit, nimikiasichere sapare tanaa kintarruoo rerei le Nkai. Ikimbalie sipata ee Lomon Supati, kiyieu payie esipu pooki ng'ae ta ltau lenye nikitiu tekue Nkai.

2 Lkorinto 5:11

Kore tankaraki nikiyielo aajo keichiaakino payie eurieini Laitoriani, naaku ikinyok aasai ltung'ana meeiruko lomon lang. Keyielo Nkai iyioo katukul ajo oong'ae kira, nayieu sii niyielouu ntae taa ltauja linchi nikitiu.

2 Lkorinto 7:2

Entang'amai iyioo, meatae ltung'ani likintarrokita, nemeatae likintopong'oitie, nemeatae sii likintamaaita.

1 Ltesalonike 1:5

Naa mara ake te rerei eotuo Lomon Supati lang nitii ntae, kake to ngolon o ta Ltau Sinyati o sipunoto nabore ajo kedede. Iyielolo sii netiu apa lwuenet lang kiwueni tenebo o ntae. Ikitowuana apa aiko nejia tankaraki ntae.

1 Ltesalonike 2:5

Kore ana niyielolo, naa eitu apake kipuonu nitii te rerei likirrepie ntae, neyielo sii ꞉Nkai ajo eitu kintaakino te likoroto eji payie kisudoo lubo aang.

2 Ltesalonike 3:7

Naa iyielolo ana nayiere ninkoko tiniduayaya iyioo, amu eitu apake kintachalio kitii tenebo o ntae.

1 Timoti 4:12

Nimincho ltung'ani kimen iyie tankaraki nira lelerie, kake kore te rerei lino o to wuanata ino o te nchaman ino o to nkurukoto ino o te sinyaticho ino, taa nkitanyanyukoto naduaaya lairukok.

2 Timoti 3:10

Timoti, kore aaitamitae sina naatumuto mbaa naagol te lkerenket le Antiok o le Ikoniam o le Lisitira, naa ikirukurukore ake iyie nanu, iduaaya nkiteng'ena ai niduaaya naikunari o nyuata ai o nkurukoto o ng'iriata o nchaman o nkitachoto ai. Kalo sina sa eitu ang'iri? Kake kore eyia, kaatalakua ꞉Laitoriani taatua pooki.

1 Petero 5:3

Nimimbookiki lolo ootipikaki nkaik inchi nkop, kake entaa nkitanyanyukoto supat naduaaya ninche.