1 Ltesalonike 1:5 - Samburu

⁵ Naa mara ake te rerei eotuo Lomon Supati lang nitii ntae, kake to ngolon o ta Ltau Sinyati o sipunoto nabore ajo kedede. Iyielolo sii netiu apa lwuenet lang kiwueni tenebo o ntae. Ikitowuana apa aiko nejia tankaraki ntae.

1 Ltesalonike 1:5 ပူးပေါင်းရင်းမြစ်များ

Marko 16:20

Nepuo laaduo ooiteng'eni aalikoo to ng'oji pooki, neasicho Laitoriani tenebo o ninche, eitodolu ajo kedede ilo kilikuai too nkitodolunot naataa tenebo o ninche.

Luka 1:1

Ketonyua apa ltung'ana kumo aaiger nana baa naaitabayieki taatua iyioo,

Asat 11:21

Naa ketii nkaina e Laitoriani tenebo o ninche, neiruk ltung'ana kumo oleng neibelekenyakino Laitoriani.

Asat 16:14

Kore nabo taatua ninche naa ntomononi naji Lidia naing'uaa lkerenket le Tiatira nera nkamirani ee nankan mugiein naagol nkinyang'a. Neurie ꞉ninye Nkai, nebol Laitoriani nkue enye metining'u lomon ojoito Paulo.

Asat 2:33

Naa kore payie eiliepieki ninye metowuana ta nkaina e tetene e Nkai, neng'amaa ilo Tau Sinyati ta Papa oitayia apa lekutuk ajo keicharu, naa Yeso eing'uaa nenia nidolitata, nining'itoto.

Rroman 1:16

Madol nanu anyit too Lomon Supati, amu ninche ngolon e Nkai naitejeu pooki ng'ae ooiruk, ang'asu too Lyiaudi neitoki Lgirriki.

Rroman 15:13

Naa meiputa ntae Nkai e siligi ng'ida o sotua irukuruk ninye, paa kore to ngolon e Ltau Sinyati nirrapaii te siligi.

Rroman 2:16

Inji naa kenya etiu te inia parri teneicho ꞉Nkai Yeso Kristo metijing'a mpaach enye aiguanare mbaa naaisudoro ee ltung'ana ana nejo Lomon Supati lalikorita.

1 Lkorinto 1:24

Kake kore too lolo oipoto Nkai, peera loo Lyiaudi tanaa sii ltung'ana lamara loo Lyiaudi, naaku ninye ilo Aitejeunoni oanyutae nera sii ngolon o ng'eno e Nkai.

1 Lkorinto 10:33

Kaas abaki nanu nejia anyok nkata pooki aaiting'id ltung'ana pooki, namaing'oru inia naaret nanu, kake naret pooki ng'ae payie etum ninche aatejeu.

1 Lkorinto 3:16

Amaa, miyielolo aajo irara ntae nkaji e Nkai naa atua ntae emanya Ltau le Nkai?

1 Lkorinto 3:6

Katuuno nanu taatua ntae rerei le Nkai, nebukoki Apolos nkurukoto inchi nkare, kake Nkai naitubulua inia kurukoto.

1 Lkorinto 4:20

Amu kore nkitoria e Nkai naa mara nee rereii lemeata tipat kake no ngolon.

1 Lkorinto 9:14

Nejia sii eitanapichie Laitoriani metaa kore lolo oolikoo Lomon Supati, nenyayie ndaa likoroto ee lolo Omon Supati.

2 Lkorinto 3:6

Keidimie ninye iyioo mataa laisiaayiak lo lning'o ng'ejuk, lemeirichakino nkitanapat naaigero kake Ltau Sinyati eirichakino. Amu kore nenia kitanapat naigero naa lkiye eyau, kake Ltau Sinyati oicharu nkichui ng'ejuk.

Lgalatia 2:2

Naa kailiepa inie tankaraki mbolunoto naaichoo Nkai. Naiteyielo sii nanu lolo oaata rrepeta Lomon Supati lalikoo tekue loreren, aa nanu ake o ninche. Nataasa ana, payie meaku siaai laasita anaa lataasa le pecheu.

Lgalatia 5:5

Amu ta Ltau o to nkoitiei e nkurukoto, kianyu iyioo ilo siligi oitabari aajo, keikenaki iyioo Nkai sipat.

Epeso 2:10

Amu ninye oitaa iyioo nikitiu taata, aitibir iyioo taa nkaik enyena kitii atua Kristo Yeso payie kias asat supati, nana apake naaitibiraka iyioo mataas.

Epeso 3:20

Kore ilo oidim ataasa to ngolon enye naasicho taatua iyioo mbaa kutuaa naalang nikindim iyioo aatoomonu tanaa aataparrai,

Lpilipi 2:13

Amu Nkai naasicho taatua ntae aicho ntae yieuna o nkidimata payie eitabari inia nayieu ninye.

Lpilipi 4:9

Kore ntoki pooki naiteng'ena ntae o naitarasaka nanu ntae o nitining'o nitoduaa te nanu, entaas nkata pooki, naa keaku Nkai e seriani tenebo o ntae.

Lkolosae 2:2

Kanyokita payie etumi aaitogolo ninche ltauja neibung'a tenebo te nchaman, netum ltung'ana sipata nadede naing'uaa ning'unoto nadede, neichori ning'unoto ee mbae e Nkai naisudoro, naa Kristo taa inia.

1 Ltesalonike 2:13

Naa ikincho sii Nkai nache nkata pooki tankaraki ana, nchere kore apa payie ing'amaa ntae rerei le Nkai, ilo litining'ie iyioo, ning'amaa mara ana rerei loo ltung'ana, kake ana nara te ndedei rerei le Nkai, ilo oasicho taatua ntae lairukok.

2 Ltesalonike 2:14

Keipuotua ntae Nkai too lomon supati likitilikita ntae, payie itumtum nkitoo e Laitoriani lang Yeso Kristo.

2 Timoti 2:10

Naa kore tankaraki inia, kang'iri mbaa pooki tankaraki lolo ootegelua ꞉Nkai, payie etum sii ninche njeunoto natii atua Kristo Yeso tenebo o nkitoo ee ntarasi.

2 Timoti 2:8

Taparru Yeso Kristo, oitipiwuaki taatua lootuata nera laa lmakui le Daudi ana nejo Lomon Supati lalikorita.

Lburania 10:22

Naaku matinyikaki naa Nkai ta ltau odede kiata sipata ee mbaa nikiruko, neitukoyieki mbaa pooki torrok nikimusoo aajo kintarruoitie to lodo le Kristo neitukoki seseni lang ta nkare jirlil.

Lburania 6:11

Kore nikiyieu oleng, naa metaa meatae hoo lobo linchi lemeitodolu ake inia nyuata payie kimbung ilo siligi odede likiata, ana metabai katukul te nkiting'oto.

1 Petero 1:12

Keibalakinyie ꞉Nkai ninche nchere kore nenia naaing'oruta naa mara tankaraki ate kake tankaraki ntae. Netamakita sii ntae lolo ootilikita ntae Lomon Supati to ngolon e Ltau Sinyati oirriwuaki te chumata, nenia baa. Kore sii lmalaikani keyieu netum sapipiyiet ee nenia baa.

1 Petero 1:3

Meisisi Nkai oara Menye Laitoriani lang Yeso Kristo! Ilo laa te lng'er lenye kitok etiiwuaki iyioo nkata e are, payie kitum siligi oichu tankaraki natipiwua Yeso Kristo taatua lootuata,

1 Petero 5:3

Nimimbookiki lolo ootipikaki nkaik inchi nkop, kake entaa nkitanyanyukoto supat naduaaya ninche.

2 Petero 1:10

Kore naa tankaraki ana lalachera o nkanachera, mbae e tipat abaki oleng tininyoknyok aasipaki ate nchere keipoto netegelua ntae Nkai, naa kore tiniasias kuna, nimirriaa aikata.

2 Petero 1:19

Naaku ikiata abaki taata sipata oleng e lkilikuai oatamautua apa loibonok le Nkai. Naa keisupat taa ntae tining'orng'or inia natejo ninche, amu inji etuwuana ana lkilang'ilang'et oilu ta naimin ana meyeu wong'an e siran, neipung'u lakira le siran taa ltauja linchi.