1 Ltesalonike 1:1 - Samburu

¹ Kore nanu Paulo o Silpanas o Timoti, naa ikiroroki nkanisa ee Ltesalonike nawuon taatua Nkai Papa o Laitoriani Yeso Kristo, metowuana munyani o sotua taatua ntae!

1 Ltesalonike 1:1 ပူးပေါင်းရင်းမြစ်များ

Asat 15:22

Kore lolo kipaareta o larikok, neng'amaa tenebo o nkanisa pooki payie eirruaaya lkulie lewa lenche Antiok tenebo o Paulo o Barnabas. Naa kore lolo lewa ootegeluaki naa Yudas ooitokini aajo Barsabas o Silas oaara larikok taatua lolo ooiruko Kristo.

Asat 15:27

Naaku naa ikirruaki ntae Yudas o Silas meotu alimu sipata too nkutukie enche ee kulo omon likingero.

Asat 15:40

negelu ꞉Paulo Silas. Kore payie epik ꞉lalachera o nkanachera ninye nkaina e Laitoriani meing'ura te munyani enye, nelo aaing'uaa inie.

Asat 16:19

Kore payie edol lolo kutuaa lenyena aajo mekure eata lderro le inia dikir chiaake natumuto, neibung Paulo o Silas, neikirtitoo ana metabaki sokoni netii lkutuaa loo Rroman.

Asat 16:25

Kore etaa keaku kiji kuarie, neranyaki ꞉Paulo o Silas Nkai sinkoliotin le nkisisa eomon, neinining'ito lkulie tung'ana oena tenebo o ninche.

Asat 16:29

Neipotu lkilang'ilang'eta, nekuetiki atua ilo gilata le jila nerriakino tekue nkejek e Paulo o Silas eikirikira.

Asat 17:11

Naa kore apa Lyiaudi le Berea naa ltung'ana ooning'u mbaa aalang le Tesalonike, netang'amaitie rerei le Nkai te yieunoto kitok, eing'uraa Lkigerot Sinyat mparri pooki, payie eyielou tanaa kedede inia najoito Paulo.

Asat 18:5

Kore payie edou Silas o Timoti te Makedonia, neirrachu Paulo eitayia koon aliki Lyiaudi sipat nchere kore Yeso naa ilo Aitejeunoni oanyutae oji Kristo.

Asat 19:22

Nereu Timoti o Erasito oara laretok lenyena oare nkop e Makedonia, nebik ninye peneu te inia kop e Asia.

Asat 20:4

Neirukurukore ninye ꞉Sopater layieni le Parro oing'uaa Berea, neitoki sii aairukurukore lkulie tung'ana oare ooing'ua Tesalonike ooji Arisitarko o Sekundo, o Gayo oing'uaa Derbe o Timoti o lkulikae ltung'ana oare le Asia ooji Tikiko o Toropimo.

Rroman 1:7

Kairoroki ntae pooki ootii Rrom, oacham ꞉Nkai neipoto metaa sinyat lenyena. Metaa munyani o sotua naing'uaa Nkai papa lang o Laitoriani lang Yeso Kristo tenebo o ntae.

1 Lkorinto 1:2

Ikiroroki nkanisa e Nkai natii lkerenket le Korinto, lolo ooitaa ꞉Nkai metaa ltung'ana lenyena etii atua Laitejeunoni Yeso, neipoto metaa sinyat tenebo o lolo pooki ooipot nkarna e Laitoriani lang Yeso Kristo to ng'oji netii, ilo Aitoriani lenche naa lalang.

2 Lkorinto 1:1

Kore ana palai naa nanu Paulo eing'uaa, oara te yieuna e Nkai, Lkipaaret le Yeso Kristo, ilo Aitejeunoni oanyutae apa, neing'uaa sii lalache lang Timoti. Ikiroroki nkanisa e Nkai nati Korinto o sinyat pooki ootii nkop e Akayia.

2 Lkorinto 1:19

Amu kore nkerai e Nkai Yeso Kristo otilika ntae ꞉Silpanas o Timoti o nanu lomon lenyena, eitu elotu aaku <> o <> Kake taatua ninye eimie Nkai ntoki pooki ajo <>,

Lgalatia 1:2

Kore nanu o lalachera pooki laatii tenebo, ikiroroki nkanisani ee Lgalatia,

Lgalatia 1:22

Kake kore nkanisani e Kristo natii Yudea, naa maayielo nanu to nkomom.

Epeso 1:2

Metaa munyani o sotua oing'uaa Nkai Papa o Laitoriani Yeso Kristo tenebo o ntae.

Lpilipi 1:1

Kore ana palai naa keing'uaa Paulo tenebo o lalache lang Timoti oaara laisiaayiak le Yeso, ilo Aitejeunoni oanyutae apa. Ikiroroki sinyat pooki le Kristo Yeso ootii Pilipi, tenebo o larikok o laisiaayiak le nkanisa enche.

Lkolosae 1:1

Kore ana palai naa keing'uaa Paulo, oara Lkipaaret le Yeso, ilo Aitejeunoni oanyutae apa tankaraki nayieu Nkai payie eaku, neing'uaa sii Timoti, lalache lang.

2 Ltesalonike 1:1

Kore nanu Paulo o Silpanas o Timoti naa ikiroroki nkanisa ee Ltesalonike nawuon taatua Nkai Papa lang o Laitoriani Yeso Kristo.

1 Timoti 1:2

Kaairoroki iyie Timoti nkerai ai nadede taatua nkurukoto. Metaa munyani o lng'ur o seriani naing'uaa Nkai Papa o Kristo Yeso Laitoriani lang, tenebo o iyie.

Lburania 13:23

Kayieu niyielouu aajo ketalakuaki lalache lang Timoti te jila. Naa kore tanaa kesieku alotu natii, nalotu aisabaki ntae tenebo o ninye.

1 Petero 5:12

Kaigeroka ntae ana palai dorrop aretito Silas, lalache laiken ajo kera lalache oisiligai. Kaigero aitaarriyian ntae nalimu sipata ajo munyani nadede e Nkai ana. Entacho naa teinia munyani!

1 Yoana 1:3

Ninye kitoduaa, nikitining'o, naa ninye kiliki ntae payie itumtum nchula o iyioo. Naa kore nchula ang naa nchula e Nkai Papa lang o ne Nkerai enye Yeso Kristo.

Yuda 1:1

Kore ana palai naa keing'uaa Yuda, laisiaayiani le Yeso Kristo oara sii lalache le Yakobo. Kairoroki lolo ooipoto, oaatachama ꞉Nkai Papa, neirritita ꞉Yeso Kristo.