1 Lkorinto 9:23 - Samburu

²³ Kataasa nanu kuna baa pooki tankaraki Lomon Supati le Yeso Kristo, payie ikitum aatang'ar o lkulie tung'ana mayian ee lolo Omon Supati.

1 Lkorinto 9:23 ပူးပေါင်းရင်းမြစ်များ

Marko 8:35

Amu kore loyieu neitejeu nkichui enye, neiminie, naa kore loiminie nkichui enye tankaraki nanu o tankaraki Lomon Supati, naa keitejeu.

Rroman 11:17

Keteng'eruaki mbata ee sura e lng'erriyioi otuunoki nerubakini surai e lng'erriyioi le ntim metubulu tenebo o nkulie sura e ilo ng'erriyioi otuunoki. Kore naa ntae lamara Lyiaudi, itiuu ana inia surai e ntim naturubakaki ilo ng'erriyioi otuunoki payie ing'arng'ar parakuoicho e inia tanai e ilo ng'erriyioi,

1 Lkorinto 9:12

Kore tanaa keatae looichiaakino neng'amu reto taa ntae, mara iyioo naa eichiaakino oleng? Kake eitu chiaake kiyiaya iyioo inia naichiaakino iyioo. Alang nikias inia, niking'iri mbaa pooki payie mikimbooyo hooyia Lomon Supati le Kristo ta mbae ake naje.

1 Lkorinto 9:22

Kore apa atii tenebo o lolo oaachal to nkurukoto, naya koon ana netiu ninche payie atum ateyietu ninche netii Kristo. Naaku katonyua nanu ayiaya nkoitiei naning'ore ltung'ana pooki payie ebaki ake naitejeu lbata lenche.

1 Lkorinto 9:24

Amaa, miyielolo aajo ltung'ana kumo chiaake oaang'asu nkuetata, kake ltung'ani obo ake oisul, netum inia naichori loisula? Enkuet naa payie itumtum inia!

2 Lkorinto 2:4

Naa kaigeroka ntae aata ltau oirochi nenyamal, naata lkiyioi namara payie aaitanyamal ntae, kake payie iyielou neba nchaman nacham ntae.

Lgalatia 2:5

neitu kipik ate taabori lolo tung'ana abaki nkata nabo, payie etum ndedei ee Lomon Supati atowuana taatua ntae.

2 Timoti 2:10

Naa kore tankaraki inia, kang'iri mbaa pooki tankaraki lolo ootegelua ꞉Nkai, payie etum sii ninche njeunoto natii atua Kristo Yeso tenebo o nkitoo ee ntarasi.

2 Timoti 2:6

Kore ltung'ani onyok aas siaai la lchampa, naa ninye lekue oyieri payie etum orati e ndung'ure.

Lburania 3:1

Naaku taa, lalachera o nkanachera ainien sinyat, niking'ar tenebo nkipototo e chumata, entaparrai naa Yeso oara lkipaaret oiriwua ꞉Nkai nera laitainoni kitok la lasar, ilo laa ninye kiruk nikimbalie.

Lburania 3:14

Amu ikiata sotua tenebo o Kristo, tinikimbung aaitirrichaki inia sipata nikiata apake tekue payie kiruk ninye, ana metabau nkiting'oto e nkop.

1 Petero 5:1

Kore ara nanu lpayian le nkanisa, nara sii lobo oata sipata naipirita sina oatama apa Kristo, nara long'arieki nkitoo naibalunyieki kenya, kaitaarriyian naa taata lpayiani linchi le nkanisa ajo inji:

1 Yoana 1:3

Ninye kitoduaa, nikitining'o, naa ninye kiliki ntae payie itumtum nchula o iyioo. Naa kore nchula ang naa nchula e Nkai Papa lang o ne Nkerai enye Yeso Kristo.