1 Lkorinto 9:22 - Samburu

²² Kore apa atii tenebo o lolo oaachal to nkurukoto, naya koon ana netiu ninche payie atum ateyietu ninche netii Kristo. Naaku katonyua nanu ayiaya nkoitiei naning'ore ltung'ana pooki payie ebaki ake naitejeu lbata lenche.

1 Lkorinto 9:22 ပူးပေါင်းရင်းမြစ်များ

Rroman 11:14

aata ajo payie apik lorere lai loo Lyiaudi lom, naitejeu lbata lenche.

Rroman 14:1

Kore ltung'ani oachal to nkurukoto entang'amai ninye, kake eminchankarrare te inia nadol ninye ajo keichiaakino.

Rroman 14:2

Keata lobo nkurukoto nanyaiyie ntokitin pooki, kake kore ilo oachal naa mpukai ee mbene aapeny enya.

Rroman 15:1

Kore iyioo oogol to nkurukoto, keichiaakino tiniking'iri nchalan ee lolo oaachal, namara ake payie kinting'id ate.

Rroman 15:2

Meatae lobo lang lemeyiere neiting'id likae eitaas supat payie erreten ninye.

1 Lkorinto 10:33

Kaas abaki nanu nejia anyok nkata pooki aaiting'id ltung'ana pooki, namaing'oru inia naaret nanu, kake naret pooki ng'ae payie etum ninche aatejeu.

1 Lkorinto 7:16

Amaa dei iyie natomononi, miyielo ajo keidimai payie ejeu lpayian lino tankaraki iyie? Oo iyie lapayian, miyielo ajo keidimai payie ejeu ntomononi ino tankaraki iyie?

1 Lkorinto 8:13

Naaku kore tanaa ntoki nanya naitanyamal lalache tanaa nkanache ai, maigil aikata anya nkiri, payie maitopong'oo hoo ltung'ani obo oiruko Nkai.

1 Lkorinto 9:19

Kore abaki ara nanu ltung'ani lamara rrindik loo ltung'ana, kaitaa koon rrindik loo ltung'ana pooki payie atum ateyietu lkumo metaa le Kristo.

1 Lkorinto 9:23

Kataasa nanu kuna baa pooki tankaraki Lomon Supati le Yeso Kristo, payie ikitum aatang'ar o lkulie tung'ana mayian ee lolo Omon Supati.

2 Lkorinto 11:29

Ng'ae ilo oachal payie maiseyie inia chalan enye? Amaa tenetopong'ori ltung'ani, mara kaning mion oleng ta ltau lai?

Lgalatia 6:1

Lalachera lainien, tenerriaakino lobo linchi ng'oki, kore ntae oara botoro taatua nkichon e Ltau Sinyati, embung'a ninye nirrinyokiki atua mbaa supati to mborron. Nirrita sii koon payie mirriakino atua ntemat.