1 Lkorinto 9:18 - Samburu

¹⁸ Naaku nyo naa laata ai? Kore tanalikoo Lomon Supati, naichooyo pecheu meti laata, napal inia naaichiaakino nanu te likoroto ee Lomon Supati, naa ninye laata ai.

1 Lkorinto 9:18 ပူးပေါင်းရင်းမြစ်များ

Yoana 4:36

Kore abaki taata, ketumuto loodung'uto lchampa laata, ebosuta lng'anayio le nkichon ee ntarasi, metaa kore ilo oun o ilo odung lchampa neng'ida tenebo.

Asat 18:3

newuon aasicho tenebo, amu kore apa siaai lenche naa imaii eitibir ana ninye.

Rroman 14:15

Tanaa keitanyamal lalache anaa nkanache ino ꞉ntoki ninya, naaku merokure iloito to nkoitiei e nchaman. Mincho ntoki ninya eiminie ilo laa ninye etanang'a ꞉Kristo,

1 Lkorinto 10:33

Kaas abaki nanu nejia anyok nkata pooki aaiting'id ltung'ana pooki, namaing'oru inia naaret nanu, kake naret pooki ng'ae payie etum ninche aatejeu.

1 Lkorinto 3:8

Kore ilo oun lantararai o ilo obukoki nkare naa kerisio tipat enche, nemeata lemelak ꞉Nkai te nkiririkinoto e siaai lenye oataasa.

1 Lkorinto 7:31

Kore lolo oaasichere ntokitin ena kop, nchoo etuwuana lemeret nenia ꞉tokitin. Amu kore ana kop ana chiaake nikiyielo, nemebikoo kake keich mpukunoto enye.

1 Lkorinto 8:9

Errita naa ate oleng payie meaku ake ꞉inia lakunoto inchi ninyiayieyie ndaa naitarruo lolo oaachal to nkurukoto.

1 Lkorinto 9:12

Kore tanaa keatae looichiaakino neng'amu reto taa ntae, mara iyioo naa eichiaakino oleng? Kake eitu chiaake kiyiaya iyioo inia naichiaakino iyioo. Alang nikias inia, niking'iri mbaa pooki payie mikimbooyo hooyia Lomon Supati le Kristo ta mbae ake naje.

1 Lkorinto 9:15

Kake eitu ayiaya hoo nabo ee kuna naaichiaakino, namaigerito kuna baa payie atum nana tokitin. Naikach abaki tanaye alang tanaaoru ꞉ltung'ani rrepet naata tankaraki nalikoo Lomon Supati maitalakicho pito.

1 Lkorinto 9:17

Kore tanaa yieuna ai alikorie, anata aa kaichiaakino laata, kake mara yieuna ai amu Nkai naaitaa laing'urani le ele siaai.

2 Lkorinto 4:5

Amu mara ate kilikoo iyioo, kake Yeso Kristo kilikoo ana ilo Aitejeunoni oanyutae apa, nikilikoo sii ana Laitoriani. Naa kore iyioo ikira laisiaayiak linchi tankaraki Yeso.

1 Ltesalonike 2:6

Eitu sii kiyiaya rrepeta too ltung'ana, paa taa ntae tanaa too lkulikae.