1 Lkorinto 8:1 - Samburu

¹ Kore taa mbaa naaipirita ndaa naitakaki nkaitok e sapare naa kesipa nchere, ikiyelo pooki sipata e ana bae. Kore ng'eno naa keilachie ltung'ani, kake kore nchaman neitogol lkulie.

1 Lkorinto 8:1 ပူးပေါင်းရင်းမြစ်များ

Asat 15:10

Naaku naa aanyo payie igilunorere Nkai aayeniki nkirochi murto ee looiteng'eni, nemeidim lmakui lang tana iyioo aatanap?

Asat 15:29

eminya ndaa naitakaki nkaitok e sapare, nimimatmat lodo, niminyanya nkiri ee suom o nee ng'uesi naatogoroki, nimiboitarere likae tung'ani te sesen mara ake ntomononi ino anaa lpayian lino. Tinintapaacherere ate kuna baa naa iasitata nairirikino. Lesere naa.

Asat 21:25

Naa kore too ltung'ana loo lkulie oreren ooiruko, naa ikingerokita ninche mpalai nikiimie nchere, keyiere payie epaachere ndaa naitakaki nkaitok ana lasar, nememat sii lodo, neitoki apaachere nkiri ee suom o nee ng'uesi naatogoroki, nemeboitare likae tung'ani te sesen mara ake ntomononi enye o lpayian lenye.>>

Rroman 11:25

Amu lalachera lainien, kayieu niyielouu ana bae naisudoro, payie midoldol ate aajo irara toki. Kore naa inia naisudoro naa ana, keitogolito lbata loo Isirael nkuechi, ana meiputakinoto ltung'ana pooki loo loreren lamara loo Lyiaudi.

Rroman 12:16

Enchoo metaa irara loaata mparrunoto nabo, nimitumtum mparrunot niliepiepie ate aaitalang lkulie, kake entuchulare abaki ltung'ana oomena, nimidoldol ate aajo irara ng'eni.

Rroman 14:10

Amaa iyie, aanyo payie inguanare lalache lino? Oo iyie, aanyo payie imen lalache lino? Amu kore kenya iyioo pooki naa ikintachoo tekue lorika le nkiguana e Nkai.

Rroman 14:14

Kayielo, naata sipata naing'uaa Laitoriani Yeso nchere, meatae ntoki torno tenenyae. Kake kore te ilo oiken ajo menyae, neaku torno te ninye.

Rroman 14:19

Naaku naa, matonyok aas mbaa naayau sotua o mbaa nikirretenare.

Rroman 14:22

Kore nkurukoto niata, mbung'a iyie koon tekue Nkai ino. Emayiana ilo lemeiguanare koon tankaraki ntoki natisipua.

Rroman 14:3

Enchoo metaa memen ꞉ilo oanya ntoki ilo lemenya, nemeiguanare sii ꞉ilo lemenya ilo oanya, amu ketang'amayie ninye ꞉Nkai.

Rroman 15:14

Kore nanu lalachera o nkanachera ainien, kaata sipata naipirita ntae ajo, kebore ntae supaticho, nebore ng'eno, naa indimdim aaitaarriyianata maate.

1 Lkorinto 1:5

Kore itii atua ninye neitiemua ntae Nkai to ntoki pooki, aaku arriyiak, niakuku ng'eni,

1 Lkorinto 10:15

Kairorie nanu ntae ana ltung'ana ng'eni, entisipu naa ntae maate inia najoito.

1 Lkorinto 10:28

Kake tenejoki ilo ooitoomono ntae, <> eminya tankaraki ilo tung'ani otilika ntae amu keidim aitanyamala ltau lenye.

1 Lkorinto 14:20

Lalachera o nkanachera ainien, emiparricho ana nkera kunini taa mbaa naaipirita Nkai, kake entewueni ana nkera nemeitoki eyielo taa mbaa naaipirita ntorroni, niparrichocho ana ltung'ana kutuaa taa mbaa e Nkai.

1 Lkorinto 15:34

Erracha ate niparrichocho aaitibiraki, nipalpal nkoitieii inchi ee ng'ok, amu meata lbata linchi yielounoto e Nkai, naa anyit inia taa ntae.

1 Lkorinto 4:10

Kedol iyioo nkop ana lmada tankaraki Kristo, nedol ntae tana ltung'ana lenyena ng'eni! Nedol iyioo ana loaachal, nedol ntae ana loogol! Keyanyit ntae, nemen iyioo.

1 Lkorinto 4:18

Keti lbata linchi oaatang'asutua aaikar ejo malotu nitii.

1 Lkorinto 4:6

Kore naa lalachera o nkanachera aainien, kaimaka mbaa ainien o ne Apolos aitainyie nkitanyanyukoto payie mirepaa inia naigero too Lkigerot Sinyat, nemeyiere sii neatae lobo linchi ong'idare likae arikoni nemenaa likae.

1 Lkorinto 5:2

Eji ilachlach ntae, kake keyiere apa nisinanionio nintaii aaitung'aa nchula inchi ilo tung'ani oataasa ana.

1 Lkorinto 5:6

Keitorno inia kilacha inchi! Aa miyielolo ntae aajo kore nkini mukate naisiicho neisiichie mukate pooki?

1 Lkorinto 8:2

Kore ilo ojo keing'en, naa ewuon ake meyielo inia sipata naichiaakino payie eata.

1 Lkorinto 8:4

Naaku kore ta mbae naipirita ndaa naitakaki nkaitok e sapare, ikiyiolo ajo kore nkaitok e sapare tana kop naa meitoki, amu nabo ake Nkai nadede.

1 Lkorinto 8:7

Kake mara pooki ooyielo ana sipata. Ketii ltung'ana ootomoo esai apa nkaitok e sapare, naaku ewuon eya inia daa nanyaita ana ndaa naitakaki nkaitok e sapare, neitanyamal ꞉inia ltauja lenche oaachal.

Epeso 4:16

Laa te ninye ebulu sesen pooki te nchaman, nerubi neibung'a tenebo netum rubat pooki inia nayieu aimu mpit naaibung'uta. Nemeata rubata nemeas siaai enye ana naichooki metaasa.

Lkolosae 2:18

Emincho hoo ltung'ani ojo keitodoyio koon nesai lmalaikani edung'oki ntae nkiguana. Kore ltung'ani laijo ilo naa mbaa naadol ake eitirrichaki, neiliepunyie koon pecheu tankaraki ee mparrunot e tung'anicho.

Mbolunoto 2:14

Kake kore eyia, kaata nkuti mbaa namen taa ntae. Keatae lbata linchi ooibung'uta nkiteng'ena e Balam, ꞉ilo oiteng'ena apa Balak meitamaaya ltung'ana loo Isirael metaasa ng'oki, aanya ndaa naaitakaki nkaitok e sapare, neitoki aas loloito.

Mbolunoto 2:20

Kake kore eyia, kamen taa ntae ana: Ipalitata ntomononi naji Yesebel najo koon nkoiboni e Nkai. Naa kore te nkiteng'ena enye neitopong'oo laisiaayiak o nkaisiaayiak ainien, metaasa loloito nenya ndaa naitakaki nkaitok e sapare.