1 Lkorinto 7:31 - Samburu

³¹ Kore lolo oaasichere ntokitin ena kop, nchoo etuwuana lemeret nenia ꞉tokitin. Amu kore ana kop ana chiaake nikiyielo, nemebikoo kake keich mpukunoto enye.

1 Lkorinto 7:31 ပူးပေါင်းရင်းမြစ်များ

Luka 21:34

Errita ate payie meirraaya ntae luboi o merai o irran e nkichon, metaa kore inia parri nalotu, nemeirrachu ntae aluam mintekiki.

1 Lkorinto 7:29

Lalachera o nkanachera, ana bae dei aimakita, nchere ketinyikua nkata e nkiting'oto. Naaku kore ang'asu taata, enchoo lolo oaata ntomonok ewueni atuwuana lemeata,

1 Lkorinto 7:30

kore lolo ooichir nchoo etuwuana meichirita, kore loong'ida nchoo etuwuana meng'ida, kore lolo ooinyiang'icho nchoo etuwuana mara nkunenche ntokitin naainyieng'utua.

1 Lkorinto 9:18

Naaku nyo naa laata ai? Kore tanalikoo Lomon Supati, naichooyo pecheu meti laata, napal inia naaichiaakino nanu te likoroto ee Lomon Supati, naa ninye laata ai.

Lburania 12:27

Kore kulo rereii oojo, <>, naa keitodolu ajo kore ntokitin pooki naaitibiruaki naa keikirikirieki neiwuang'ieki metaa ntokitin nemeigusugus ake aapeny naaitachoo.

Yakobo 4:14

Amaa iyiololo ntae netiu nkichoni inchi teisiere! Kore nkichoni inchi, naa inji etuwuana ana mpuro nalio nkiti nkata, neikenyu meatae.

1 Petero 1:24

Amu, <

1 Petero 4:7

Ketaa keichunye ntokitin pooki, naaku embooi ate, niakuku ltung'ana oaaparicho aaitibiraki payie itumtum aatoomon.

1 Yoana 2:17

Naa kore nkop o ng'uarrat enyena naa keich, kake kore ilo tung'ani oas nayieu Nkai naa kebik ntarasi.