1 Lkorinto 7:28 - Samburu

²⁸ Kake tiniyemicho mara ng'oki itaasa, naa teneyemi nkoliontoi mara sii ng'oki etaasa ninye. Kore lolo ooyemicho naa keimaa sina, naa kajo payie aitapaachere ntae ilo sina.

1 Lkorinto 7:28 ပူးပေါင်းရင်းမြစ်များ

Matayo 5:32

Kake kajoki nanu ntae, kore ilo oar nkauti e mparratut enye, mara ake teneas ꞉inia parratut enye loloito, naa etipika ninye mpaach metaasa loloito. Naa kore pooki ng'ae oyem mparratut nataraki nkauti naa ketipikaki rruachet naasie loloito.

1 Lkorinto 7:26

Kore naa tankaraki natogolo ana kuarie, kajo naikach tenewuon ltung'ani ana netiu chiaake.

1 Lkorinto 7:27

Kore tanaa iyama, miyiaya nkoitiei e oro. Naa tanaa eitu iyemicho, miyiaya ntomononi.

1 Lkorinto 7:29

Lalachera o nkanachera, ana bae dei aimakita, nchere ketinyikua nkata e nkiting'oto. Naaku kore ang'asu taata, enchoo lolo oaata ntomonok ewueni atuwuana lemeata,

2 Lkorinto 1:23

Kaitache tekue Nkai payie elimu ninye sipata naaipirita, naa tanaa medede ana, neya nkichui ai. Kore payie eitu achukunyie Korinto naa tankaraki namayieu naitanyamal aitoki ntae.

Lburania 13:4

Keyiere neyanyit pooki ng'ae nkiyema. Nemeata ajo meaku lpayian o ntomononi naaisiligai, amu keiguanare ꞉Nkai ltung'ani oboitere te sesen lpayian anaa ntomononi namara nenye o pooki ng'ae oas loloito.