1 Lkorinto 7:22 - Samburu

²² Amu kore ltung'ani oipoto ꞉Laitoriani era rrindik, naa ltung'ani otalakua ꞉Laitoriani. Nejia sii etiu, kore ltung'ani lamara apake rrindik payie eipoti naa rrindik le Kristo taata.

1 Lkorinto 7:22 ပူးပေါင်းရင်းမြစ်များ

Rroman 1:1

Kore ana palai, naa nanu Paulo eing'uaa, laisiaayiani la Laitejeunoni Yeso, naaipoto ꞉Nkai mataa Lkipaaret naategelua matilikoi Lomon Supati lenyena.

1 Lkorinto 7:21

Rrindik apa ira iyie payie kimpot Nkai? Mincho inia bae kintanyamal, kake tanaa keatae nkoitiei nitumie lakunoto ino, niyiaya.

1 Lkorinto 9:19

Kore abaki ara nanu ltung'ani lamara rrindik loo ltung'ana, kaitaa koon rrindik loo ltung'ana pooki payie atum ateyietu lkumo metaa le Kristo.

1 Lkorinto 9:21

Kore ati tenebo o lkulie tung'ana lemeirukurukore nkitanapat ee Lyiaudi, nawuon ana ilo lemeirukurukore nenia kitanapat, payie atum ateyietu ninche metaa le Kristo. Mara nanu lobo lemeirukurukore nkitanapat e Nkai, kake kairukurukore nkitanapat e Kristo.

Lgalatia 1:10

Amaa taata, rrepeta ayieita too ltung'ana, ana ta Nkai? Ana ltung'ana anyokita aiting'id? Tanaa apa ltung'ana ewuon aiting'idita, anata duo mara laisiaayiani le Kristo.

Lgalatia 5:1

Naa ketalakua iyioo Kristo payie kibik taatua inia lakunoto. Kore tankaraki inia, entacho katukul, emirrinyokino aitoki enet e rrindikicho.

Lgalatia 5:13

Lalachera lainien, keipotokaki ntae lakunoto, kake emincho ake lakunoto inchi eaku nkoitiei niasiesie nayieu mpukunoto inchi torno. Esiaayiata ntae maate to nkoitiei e nchaman.

Lkolosae 4:12

Neiroroki sii ntae ltung'ani linchi oji Epaparas, oara laisiaayiani le Kristo Yeso. Kenyokita ninye nkata pooki tankaraki ntae to nkomono enye, payie itumtum aaitacho irara lemeata ntioto, niatata sipata ee mbaa pooki naayieu Nkai.

Pilemon 1:16

Merokure aa rrindik, kake kelang rrindik, nera lalache lino licham te Kristo. Aa kore ta nanu, naa lacham oleng. Nebaa sa icham iyie ninye, era ltung'ani, nera sii lobo taatua Laitoriani!

1 Petero 2:16

Indimdim aataas inia eitu eisimakini ntae, kake emincho inia lakunoto inchi eaku nkoitiei niasiesie ntorrok, esiaayia Nkai ana Laitoriani linchi.

2 Petero 1:1

Kore ana palai naa keing'uaa Simon Petero, oara laisiaayiani o Lkipaaret le Yeso Kristo. Kairoroki ntae lolo oichoo ꞉Nkai meiruko ana mbae e tipat aajo, kore Nkai ang nara Laitejeunoni Yeso Kristo naa loosipat, ana ake taata nikiruk.

Yuda 1:1

Kore ana palai naa keing'uaa Yuda, laisiaayiani le Yeso Kristo oara sii lalache le Yakobo. Kairoroki lolo ooipoto, oaatachama ꞉Nkai Papa, neirritita ꞉Yeso Kristo.