1 Lkorinto 7:2 - Samburu

² Kake kore naa amu ketaa mboita e sesen nemeichiaakino kitok, enchoo metaa meatae lee lemeata ntomononi enye, nemeata ntomononi nemeata lpayian lenye apeny.

1 Lkorinto 7:2 ပူးပေါင်းရင်းမြစ်များ

Matayo 5:32

Kake kajoki nanu ntae, kore ilo oar nkauti e mparratut enye, mara ake teneas ꞉inia parratut enye loloito, naa etipika ninye mpaach metaasa loloito. Naa kore pooki ng'ae oyem mparratut nataraki nkauti naa ketipikaki rruachet naasie loloito.

1 Lkorinto 6:18

Entalam mboita e sesen nemeichiaakino! Kore pooki oas inia neitarruo ꞉inia ng'oki sesen lenye alang nkae ng'oki pooki.

1 Lkorinto 7:1

Kore naa taa mbaa nikingerokita, naa keisupat tenemeas lee mboita e sesen o ntomononi.

1 Lkorinto 7:3

Keyiere neicho ꞉lpayian ntomononi enye inia naichiaakino te sesen, neiko sii ntomononi nejia ta lpayian lenye.

1 Lkorinto 7:9

Kake kore tanaa meidim aaibooi ate, enchoo eyemicho anaa eyemi. Amu naikach teneyemicho anaa eyemi alang tenewueni aaitar ate nkiborra ee nkonyek.

Epeso 5:28

Neija sii eyiere netiu lpayiani, keichiaakino necham ntomonok enche ana nacham seseni lenche. Kore loacham ntomononi enye naa koon echam.

Epeso 5:33

Naaku taa, enchoo metaa meata lpayian lemecham ntomononi enye ana nacham koon, naa keyiere payie eyanyit ꞉ntomononi lpayian lenye.

1 Ltesalonike 4:4

metaa meata linchi lemeyielo neiko teneyieki koon nkitok naayem, newueni te sinyaticho o ta nkanyit,

1 Timoti 4:3

Nemitiki ltung'ana eyemicho, neitoki sii aamitiki enya mbata ee ndaki naaitayia Nkai payie eng'amaa ta nache ꞉lolo ooiruk neyielo ndedei.