1 Lkorinto 7:19 - Samburu

¹⁹ Mara muratare toki, namara sii toki teneitu kimurati, kake kore ntoki nara toki naa tinimbung nkitnanapat e Nkai.

1 Lkorinto 7:19 ပူးပေါင်းရင်းမြစ်များ

Matayo 5:19

Metaa kore pooki ng'ae ogil Nkitanapata kini too kuna Kitanapat, eiteng'en lkulie metaasa nejia, naa keaku ninye le siedi te nkitoria e chumata. Kake kore pooki ng'ae oas, neiteng'enicho kuna Kitanapat, naa keipoti aajo lkitok te nkitoria e chumata.

Yoana 15:14

Kore tiniasias naitanapa ntae, naaku irara sotuatin lainien.

1 Lkorinto 8:8

Kore ndaa naa meitinyikaki iyioo Nkai, naa tinimikinya meatae ntoki nang'oriki iyioo, naa kore sii tinikinya, meitoki naponikino iyioo.

Lgalatia 3:28

Kore taatua Laitejeunoni Yeso, irara ntae pooki ntoki nabo, meatae ajo Lyiaudii ira anaa ltung'ani loo loreren, rrindik anaa ilo lamara rrindik, lee anaa ng'oriei.

Lgalatia 5:6

Amu kore tanaa ira le Kristo Yeso, meata tipat kitumurataki anaa eitu. Kore ntoki naata tipat naa inia kurukoto nikindimie tachama lkulie.

Lgalatia 6:15

Amu meitoki era tinikitumurataki tanaa teneitu, kake kore ntoki e tipat naa tinikira nkitibirunoto ng'ejuk.

Lkolosae 3:11

Meatae ajo loo Lgirriki ira anaa loo Lyiaudi, anaa ltung'ani otumurataki tanaa leitu emurati, lomoni anaa ltung'ani leiching'a, ira rrindik anaa mira rrindik. Kristo oara pooki toki naa ninye otii pooki!

Mbolunoto 22:14

Emayiana lolo ooituko nkilani enche metusupata, payie etum sipata naimie ltimito aajing ilo kerenket nenya lng'anayioi lo lcheni oata nkichui nemeiting.