1 Lkorinto 6:9 - Samburu

⁹ Aa miyielolo ntae aajo metum ltorrok nkitoria e Nkai? Emincho esapi ntae amu kore lolo oaas mboita e sesen nemeichiaakino tanaa loasai nkaitok e sapare tanaa loaas loloito tanaa lewa ooboitiere lewa te sesen,

1 Lkorinto 6:9 ပူးပေါင်းရင်းမြစ်များ

Matayo 19:29

Naa kore pooki ng'ae otung'ayie nkajijik anaa lalachera anaa nkanachera anaa papa lenye anaa ng'otonye anaa nkera anaa lchampai, tankaraki nanu naa keng'amaa nkatitin ip alang naatung'ayie apa, nejung nkichon nemeiting.

Matayo 25:34

<

Luka 21:8

Nejoki ninche, <, naa, Emirukurukore ninche!

Asat 20:32

<

Asat 24:25

Kore elikita ꞉Paulo ninye mbaa naipirita sotua oipida o Nkai o nkiboroto e koon o nkiguana e Nkai nalotu Kenya, neguretu Pelikis nejo, <>

Rroman 1:18

Amu keibalunyieki ngoro e Nkai erere mbaa pooki naaitodolu aajo meurie ꞉ltung'ana Nkai o ntorroni pooki ee ltung'ana ooiboorie ntorno enche ndedei.

1 Lkorinto 15:33

Emincho eitopong'ori ntae: <>

1 Lkorinto 15:50

Kore najoito lalachera o nkanachera ainien, naa ana: Kore kulo seseni lang loo nkiri o lodo naa metum nkitoria e Nkai. Amu kore kulo seseni ooidaari naa metum inia nabik ntarasi.

1 Lkorinto 3:16

Amaa, miyielolo aajo irara ntae nkaji e Nkai naa atua ntae emanya Ltau le Nkai?

1 Lkorinto 5:1

Ketining'ie ajo ketii mboita torno oleng e sesen atua ntae nemeas abaki ltung'ana lemeyielo Nkai, naa kaaing'asia inia. Kore najoito naa ana, eji keboitiere ltung'ani nkaini e ng'otonye!

1 Lkorinto 5:10

Mara taa ltung'ana le ana kop oaas mboita e sesen nemeichiaakino aimakita, tanaa loolubo tanaa loaasapaa ntokitin too ltung'ana tanaa loaasai nkaitok e sapare, amu tanaa nejia anata ipuopuo aaing'uaa ana kop.

1 Lkorinto 5:11

Kore natejo naa, emiata nchula o ltung'ani oji le Kristo, oas mboita e sesen nemeichiaakino, tanaa lolubo tanaa loasai nkaitok e sapare tanaa lodekicho tanaa lomera tanaa loasapaa ntokitin ee ltung'ana. Eminya abaki ndaa tenebo o ltung'ani otuwuana ilo.

1 Lkorinto 6:10

tanaa loopurrucho tanaa loolubo tanaa lamerak tanaa loodekicho tanaa loaasapaa ntokitin ee ltung'ana naa metum nkitoria e Nkai.

1 Lkorinto 6:18

Entalam mboita e sesen nemeichiaakino! Kore pooki oas inia neitarruo ꞉inia ng'oki sesen lenye alang nkae ng'oki pooki.

1 Lkorinto 6:19

Amaa, miyielolo aajo kore sesen linchi naa nkaji namanya ilo Ltau Sinyati oichoo ntae Nkai, naa miyielolo aajo irara le likae?

1 Lkorinto 9:24

Amaa, miyielolo aajo ltung'ana kumo chiaake oaang'asu nkuetata, kake ltung'ani obo ake oisul, netum inia naichori loisula? Enkuet naa payie itumtum inia!

2 Lkorinto 12:21

Kaurie ajo kore tanaitoki alotu nitii naa kaaitam ꞉Nkai ai anyit atii tenebo o ntae, naisinanio tankaraki ltung'ana kumo oaataasa apa ng'ok, newuon eitu eirriidu aapal ntorrok o mboita e sesen nemeichiaakino o nkulie baa e anyit apa naatomoo.

Lgalatia 6:7

Emincho esapi ntae, amu mesapai Nkai. Kore inia natuuno ltung'ani naa ninye edung.

Lkolosae 3:5

Kore ntoki pooki e mpukunoto inchi nara ne nkop entar metua! Entar naa metuata, mboita e sesen namara na lpayian o ntomononi enye o asat pooki ee aanyit o ntolo o lng'uarra o yieunot torrok o lubo, aa ninye taa sayiata ee nkaitok e sapare.

Lburania 12:14

Entonyok oleng eng'oru seriani o ltung'ana pooki ning'oruru sii sinyaticho, amu tenemeata ltung'ani sinyaticho naa meidimai payie edol Laitoriani.

Lburania 12:16

Emincho sii etumi ltung'ani oboitiere likae tung'ani te sesen mara nkitok enye anaa lpayian lenye ake, niminchocho etumi ltung'ani oparraa ake mbaa e nkop ana lkikau le Isaka oji Esao oitama apa njung'ore enye ndaa ewuon eichu menye.

Lburania 13:4

Keyiere neyanyit pooki ng'ae nkiyema. Nemeata ajo meaku lpayian o ntomononi naaisiligai, amu keiguanare ꞉Nkai ltung'ani oboitere te sesen lpayian anaa ntomononi namara nenye o pooki ng'ae oas loloito.

Yakobo 1:16

Lalachera o nkanachera ainien, emincho eitopong'ori ntae!

1 Yoana 3:7

Nakera ainien, emincho ltung'ani eitopong'oo ntae! Kore loche aas nadede naa loosipat, ana payie era ninye loosipat.

Mbolunoto 21:8

Kake kore ltung'ana gureti o lemeiruk o looitarroitie ate aas asat torrok o loaar ltung'ana metuata o lolo ooboitiere lkulie tung'ana te sesen lamara lpayiani tanaa sii ntomonok enche o lairupok o loaasai nkaitok e sapare o loaasapicho, naa kenang'akini atua lbalbal le nkima napejieki ntoki naji salpa naa ele taa lkiye le oare.>>

Mbolunoto 22:15

Kake ta aulo e ilo kerenket apa etung'ayieki ltung'ana ootuwuana ldein tee nkichoni enche o lairupok o lolo ooboitiere lkulie tung'ana te sesen lamara lpayiani tanaa sii ntomonok enche o loaar ltung'ana metuata o loaasai nkaitok e sapare o pooki ng'ae oacham atasapicho.