1 Lkorinto 6:18 - Samburu

¹⁸ Entalam mboita e sesen nemeichiaakino! Kore pooki oas inia neitarruo ꞉inia ng'oki sesen lenye alang nkae ng'oki pooki.

1 Lkorinto 6:18 ပူးပေါင်းရင်းမြစ်များ

Rroman 1:24

Kore tankaraki inia, neichooyo ꞉Nkai ninche meeirukurukore ng'uarrat ee ltauja lenche payie ejing atua mbaa nemeichiaakino, neitala seseni lenche nkanyit maate.

1 Lkorinto 6:9

Aa miyielolo ntae aajo metum ltorrok nkitoria e Nkai? Emincho esapi ntae amu kore lolo oaas mboita e sesen nemeichiaakino tanaa loasai nkaitok e sapare tanaa loaas loloito tanaa lewa ooboitiere lewa te sesen,

2 Lkorinto 12:21

Kaurie ajo kore tanaitoki alotu nitii naa kaaitam ꞉Nkai ai anyit atii tenebo o ntae, naisinanio tankaraki ltung'ana kumo oaataasa apa ng'ok, newuon eitu eirriidu aapal ntorrok o mboita e sesen nemeichiaakino o nkulie baa e anyit apa naatomoo.

Lgalatia 5:19

Keibala asat e mpukunoto torno e ltung'ani aa kuna, loloito o ntolo o asat e anyit,

Epeso 5:3

Kore loloito o asat pooki e anyit o lubo naa meyiere nening'i taatua ntae, ana nairirikino netiu sinyat.

Lkolosae 3:5

Kore ntoki pooki e mpukunoto inchi nara ne nkop entar metua! Entar naa metuata, mboita e sesen namara na lpayian o ntomononi enye o asat pooki ee aanyit o ntolo o lng'uarra o yieunot torrok o lubo, aa ninye taa sayiata ee nkaitok e sapare.

1 Ltesalonike 4:3

Naa ana yieuna e Nkai, nchere iakuku loosinya payie ilamlam loloito pooki,

1 Ltesalonike 4:5

namara too ng'uarrat torrok tana neiko lkulie ochon lemeiyielo Nkai.

2 Timoti 2:22

Talama ng'uarrat torrok ee ltung'ana leleru, ninyok aaku ltung'ani loosipat, oisiligai, niata nchaman o seriani, tenebo o ꞉lolo ooipot Laitoriani taa ltauja supati.

Lburania 13:4

Keyiere neyanyit pooki ng'ae nkiyema. Nemeata ajo meaku lpayian o ntomononi naaisiligai, amu keiguanare ꞉Nkai ltung'ani oboitere te sesen lpayian anaa ntomononi namara nenye o pooki ng'ae oas loloito.

1 Petero 2:11

Ltung'ana lainien lacham oaamanya ana kop eiching'a, nirara lapuayak, kaitarrap ntae payie iyanyany ng'uarrat ee seseni linchi naarere ltauja linchi neiminie ntae kenya.