1 Lkorinto 6:13 - Samburu

¹³ Neidim lbata nejo, <> Kake kore etiu nejia, keidakie Nkai pukura mparri nabo. Kore sesen naa mara payie easieki mboita e sesen nemeichiaakino, kake payie eyanyitieki Laitoriani laa ninye lopeny seseni lang.

1 Lkorinto 6:13 ပူးပေါင်းရင်းမြစ်များ

Matayo 15:17

Miyielolo aajo, kore ntoki pooki najing atua nkutuk naa kelo nkocheke neitoki aipung aing'uaa sesen?

Matayo 15:20

Kuna naitarruo ltung'ani, kake kore nyata e ndaa meituko nkaik, naa meitarruoo.>>

Marko 7:19

Amu mejing inia toki atua ltau lenye, kake atua nkocheke ejing, neipung te sesen tenelo aulo.>> Kore pee ejo Yeso ana, naaku eimie ndaki pooki ajo keisupati.

Yoana 6:27

Eminyok aas siaai payie itumtum ndaa narroyo, kake entaas siaai payie itumtum ndaa nemerroyo nayau nkichui ee ntarasi. Kore inia daa naa Nkerai e Ltung'ani naicho ntae, amu ninye etipika ꞉Nkai Papa lminchire lenye le nkitoo.>>

Yoana 6:49

Ketama apa ꞉lmakui linchi mana to lkees, kake ketuata eyia.

Rroman 12:1

Naaku lalachera o nkanachera, kore tankaraki lng'ur le Nkai litumo, kaitaarriyian ntae payie inchooyoyo seseni linchi metaa lasar oichu, osinya neiting'id Nkai, amu ana nkoitiei naichiaakino tinisiaayieyie Nkai.

Rroman 14:17

Amu kore Nkitoria e Nkai naa meipirita ntoki nikinya anaa nikimat, kake kore naipirita naa nchere keitaaki iyioo loosipat nikiata seriani o ng'ida taatua Ltau Sinyati.

Rroman 6:12

Naaku, emincho ng'oki meitoria seseni linchi ooye, eji paa iasias naayieu ng'uarrat enyena.

Rroman 7:4

Lalachera o nkanachera, nejia sii itiuu ntae. Kore ta mbata ee nkitanapat, naa ituata eitutumokaki ntae sesen le Kristo, payie eaku merekure irara loo nkitanapat kake itaa le likae, le ilo otipiwua taatua lootuata payie kitum aaiting'ida Nkai.

1 Lkorinto 3:16

Amaa, miyielolo aajo irara ntae nkaji e Nkai naa atua ntae emanya Ltau le Nkai?

1 Lkorinto 6:15

Amaa, miyielolo aajo kore seseni linchi naa rubat e sesen le Kristo? Keichiaakino sa tanaya rubat e sesen le Kristo naitaa rubat e milayoi? Nakaiting'o, meichiaakino!

1 Lkorinto 6:19

Amaa, miyielolo aajo kore sesen linchi naa nkaji namanya ilo Ltau Sinyati oichoo ntae Nkai, naa miyielolo aajo irara le likae?

2 Lkorinto 11:2

Ituwuanana ntae ana ntito naichooyieki meyema lpayian obo, naa kore ilo payian naa Kristo. Naaku, mayieu hoo ltung'ani olotu aitopong'oo ntae, amu Nkai naatipika lom, matolomo ntae payie mindapachariri ake aaing'uaa ilo payian oichooki ntae, kake payie ichamcham ninye apeny.

2 Lkorinto 5:15

Ketanang'a ꞉ninye ltung'ana pooki, paa kore lolo oaata nkichui ng'ejuk nemeitoki aawueni eiting'id ate, kake payie ewueni aaiting'id ilo oatanang'a ninche nepiu tankaraki ninche.

Lgalatia 5:24

Kore lolo oaara le Kristo Yeso, etecho mpukunoto enche torno tenebo o yieunot o ng'uarrat enyena.

Epeso 5:23

amu lpayian nkue e ntomononi ana pee era Kristo nkue e nkanisa, ilo sesen lenye laa ninye koon Laitejeunoni.