1 Lkorinto 5:11 - Samburu

¹¹ Kore natejo naa, emiata nchula o ltung'ani oji le Kristo, oas mboita e sesen nemeichiaakino, tanaa lolubo tanaa loasai nkaitok e sapare tanaa lodekicho tanaa lomera tanaa loasapaa ntokitin ee ltung'ana. Eminya abaki ndaa tenebo o ltung'ani otuwuana ilo.

1 Lkorinto 5:11 ပူးပေါင်းရင်းမြစ်များ

Matayo 18:17

Teneany ening ninche, tiliki nkanisa, naa tenemening abaki nkanisa, nchoo eaku te iyie ana ltung'ani loo loreren lemeyielo Nkai anaa laitalakunoni le kodi.

Matayo 23:25

Oi ntae laiteng'enak loo nkitanapat o Lparisayo ooitaakino! Intuktuk oriong e lkikompe o ne ncharaa, naa kore atua, nebore nkisima, nemetii nkibooroto e koon.

Luka 18:11

Neitache Lparisayoi aomon Nkai makoon ajo nchi,

Luka 21:34

Errita ate payie meirraaya ntae luboi o merai o irran e nkichon, metaa kore inia parri nalotu, nemeirrachu ntae aluam mintekiki.

Asat 1:15

Kore mparri nabo, neitache Petero taatua lalachera o nkanachera oaabaki ltung'ana ip nabo o tikitam, nejo,

Asat 9:17

Nelo Anania nejing inia aji, neiteleki Saulo nkaik nejoki, <>

Rroman 13:13

Entaas naichiaakino ana neasi to wong'an, aawueni ta nkanyit namara to lubo, anaa te merai anaa to loloito, anaa ta asat e anyit anaa ta larrabal anaa to lom,

Rroman 16:17

Kaitaarriyian ntae lalachera o nkanachera, entodol lolo ooyau oro o mbaa naaitopong'oo aaitung'aa ntae inia kiteng'ena apa naiteng'enaki ntae. Naaku entalam ninche!

1 Lkorinto 10:14

Naaku sotuatin lainien lacham, entalam sayiata ee nkaitok e sapare.

1 Lkorinto 11:21

Amu kore ewuon eng'or nkata, meata lemesar anya ndaa enye, naaku keata lobo sumach netemere likae.

1 Lkorinto 6:10

tanaa loopurrucho tanaa loolubo tanaa lamerak tanaa loodekicho tanaa loaasapaa ntokitin ee ltung'ana naa metum nkitoria e Nkai.

1 Lkorinto 6:6

Eji naaku keya le Kristo lalache tanaa nkanache enye meiguanareki abaki tekue lolo lamara le Kristo!

1 Lkorinto 6:9

Aa miyielolo ntae aajo metum ltorrok nkitoria e Nkai? Emincho esapi ntae amu kore lolo oaas mboita e sesen nemeichiaakino tanaa loasai nkaitok e sapare tanaa loaas loloito tanaa lewa ooboitiere lewa te sesen,

1 Lkorinto 7:12

Kore naa, kaitoki airorie lkulie linchi, namaata taa nkitanapata naing'uaa Laitoriani tana bae, teneatae lalache leitu eiruk ꞉ntomononi enye Kristo netachamayie inia tomononi awuon o ninye, naa meyiere payie eiturraa ninye.

1 Lkorinto 7:15

Kake kore teneyieu ltung'ani leitu eiruk Kristo neorore lpayian anaa ntomononi enye, neichori eorore. Meitoki naibooyo inia anache tanaa ilo alache kake keipoto ntae Nkai payie iwuenini te seriani.

1 Lkorinto 8:11

Naaku kore ilo tung'ani oachal oatanang'a sii ninye ꞉Kristo, neidaaya tankaraki inia sipata niyielo!

Lgalatia 2:12

Amu kore ewuon eitu epuonu lkulie Yiaudi eing'uaa netii Yakobo, naa kenya ninye ndaa tenebo o ltung'ana loo loreren. Kake kore pee epuonu, nerrinyo siedi, neorore ꞉ninye ninche eurie lturrur loo loomurata.

Epeso 5:18

Emintoki aamera ta naichuo, amu kore merai naa keicho ntae enchirkalie ntokitin inchi, kake enchoo eiput ntae Ltau Sinyati,

Epeso 5:5

Enteyielo katukul nchere, meatae hoo ltung'ani ololoito anaa loas nkulie boita e sesen torrok tanaa loas mbaa e anyit tanaa ltung'ani olibo, otum mpaach te nkitoria nara ne Kristo nera ne Nkai. Kore ltung'ani olibo, naa laisiaayiani laa nkaitok e sapare.

Lkolosae 3:5

Kore ntoki pooki e mpukunoto inchi nara ne nkop entar metua! Entar naa metuata, mboita e sesen namara na lpayian o ntomononi enye o asat pooki ee aanyit o ntolo o lng'uarra o yieunot torrok o lubo, aa ninye taa sayiata ee nkaitok e sapare.

2 Ltesalonike 3:14

Naa teneatae ltung'ani taa ntae lemening mbaa nikitejo tana palai, enteyielo ilo tung'ani nimibung'arere payie enya ninye anyit.

2 Ltesalonike 3:6

Lalachera o nkanachera, ikintaarriyian ntae ta nkarna e Laitoriani lang Yeso Kristo, payie ipaacherere pooki alache lemeyieu neas siaai, nemeirukurukore nkitaarriyiana nitang'amaitie tee iyioo.

1 Timoti 3:3

namara lamerani, nemericho kake kebor, nemeichankara, nemelubo ropiyiani,

1 Timoti 6:5

o nchankar nemeichunye naing'uaa ltung'ana oaatarroitie nkuechi nemokure eata ndedei. Kejo ninche kore tiniyanyit Nkai naa nkoitiei naduporeki.

2 Yoana 1:10

Kore teneatae ltung'ani olotu nitii nemeyau ana kiteng'ena, emintoomon ninye ta nkaji tanaa irorokiki.

Mbolunoto 2:14

Kake kore eyia, kaata nkuti mbaa namen taa ntae. Keatae lbata linchi ooibung'uta nkiteng'ena e Balam, ꞉ilo oiteng'ena apa Balak meitamaaya ltung'ana loo Isirael metaasa ng'oki, aanya ndaa naaitakaki nkaitok e sapare, neitoki aas loloito.

Mbolunoto 2:20

Kake kore eyia, kamen taa ntae ana: Ipalitata ntomononi naji Yesebel najo koon nkoiboni e Nkai. Naa kore te nkiteng'ena enye neitopong'oo laisiaayiak o nkaisiaayiak ainien, metaasa loloito nenya ndaa naitakaki nkaitok e sapare.

Mbolunoto 21:8

Kake kore ltung'ana gureti o lemeiruk o looitarroitie ate aas asat torrok o loaar ltung'ana metuata o lolo ooboitiere lkulie tung'ana te sesen lamara lpayiani tanaa sii ntomonok enche o lairupok o loaasai nkaitok e sapare o loaasapicho, naa kenang'akini atua lbalbal le nkima napejieki ntoki naji salpa naa ele taa lkiye le oare.>>

Mbolunoto 22:15

Kake ta aulo e ilo kerenket apa etung'ayieki ltung'ana ootuwuana ldein tee nkichoni enche o lairupok o lolo ooboitiere lkulie tung'ana te sesen lamara lpayiani tanaa sii ntomonok enche o loaar ltung'ana metuata o loaasai nkaitok e sapare o pooki ng'ae oacham atasapicho.