1 Lkorinto 4:17 - Samburu

¹⁷ naa tankaraki inia payie airruaaka ntae Timoti, nkerai ai nacham naisiligai ta Laitoriani. Keitaparru ntae naikunari tanairukurukore Yeso Kristo, ana naiteng'enicho chiaake taa nkanisani to ng'oji pooki.

1 Lkorinto 4:17 ပူးပေါင်းရင်းမြစ်များ

Matayo 24:45

<

Matayo 25:21

Nejoki ꞉lkitok lenye,

Matayo 25:23

Nejoki ꞉lkitok lenye,

Asat 16:1

Nebaya Paulo o Silas lkerenket le Derbe neitoki sii aapuo le Lisitira. Netii inie loiteng'eni oji Timoti, oara ng'otonye ntito ee Lyiaudi nairuko Yeso, nera papa lenye loo Lgirriki.

1 Lkorinto 11:16

Kake teneatae ltung'ani oata nchankar, naaku mikiata likae kerreti tana mbae, nemeatae sii taa nkanisani e Nkai pooki.

1 Lkorinto 11:2

Kaichoo ntae rrepet tankaraki nikiparrurru chiaake, nimbung'utata inia kiteng'ena ana naitarasaka apa ntae.

1 Lkorinto 11:34

Naa kore tanaa keatae lobo linchi oata sumach, nchoo enya ndaa ta nkang enye payie mipikpik ate atua nkiguana e Nkai tinitumomo tenebo. Kore nkulie baa naa kaitaarriyian kenya ntae tanalotu nitii.

1 Lkorinto 14:33

amu kore Nkai naa mara ne ng'olng'ol kake Nkai e seriani. Kore naichiaakino taa nkanisani pooki ee sinyat,

1 Lkorinto 16:1

Kore taa mbaa naaipirita nkuturrurroto ee ropiyiani tankaraki ltung'ana sinyat ootii Yerusalem, kayieu niasias ana natiaaka nkanisani ee Lgalatia.

1 Lkorinto 16:10

Kore tenelotu Timoti nitii, enchoo metaa kewuon taatua ntae meata ntoki naurie, amu Laitoriani sii eisiaaita ꞉ninye ana nanu.

1 Lkorinto 4:14

Kore naigerokita ntae naa mara payie aaitam ntae anyit, kake payie aitaarriyian ntae ana nkera ainien nacham.

1 Lkorinto 4:15

Amu kore abaki duaake tiniatata laiteng'enak 10,000 taatua Kristo, meatae lotiiwua ntae taatua Kristo Yeso, kake nanu otiiwua ntae taatua ninye payie aliki apa ntae Lomon Supati.

1 Lkorinto 4:2

Kore ake nayiere taa laing'urak naa payie etumi era looisiligai.

1 Lkorinto 7:17

Kore eyia enchoo pooki ng'ae metowuana ana nategelaka ꞉Laitoriani payie eipot ninye ꞉Nkai. Naa ana taa nkitanapata ai taa nkanisani pooki.

1 Lkorinto 7:25

Kore taa mbaa naaipirita ltung'ana leitu eyemicho o leitu eemi, maata nkitanapata naaichoo ꞉Laitoriani, kake kalimu nanu nduaata ai atuwuana ilo oisiligai amu kaaichoo Laitoriani omom.

2 Lkorinto 8:18

Naaku ikireuta likae alache tenebo o ninye, orrepitae taa nkanisani pooki tankaraki siaai loo Lomon Supati oaasita.

Epeso 6:21

Kore lalache lai lacham oji Tikiko, oara laisiaayiani oisiligai taatua Laitoriani, kelotu anyaki ntae mbaa ainien pooki, payie itumtum lomon lainien, niyielouu natiu.

Lpilipi 2:19

Kaisilig ajo kore taatua Laitoriani Yeso, kasioki airruaki ntae Timoti, payie etum ltau lai atogolo tananing lomon linchi.

Lpilipi 2:22

Kake itisiputua ntae maate ajo ketaasa aitibiraki siaai aitubulaa Lomon Supati tenebo o nanu ana neiko nkerai teneasicho o menye.

Lkolosae 1:7

Niteyieloutua nenia baa aimu Epaparas, ilo likiasicho tenebo nikicham, nera laisiaayiani oisiligai oisiaai Kristo ta mpaach ang,

Lkolosae 4:9

Kelotu ninye o Onesimas lalache lang oisiligai nikicham, nera lobo linchi. Naa keliki ninche ntae lomon pooki le ene ng'oji.

1 Timoti 1:18

Kaaichoo naa iyie Timoti nkerai ai ana kitaarriyiana te risioroto ee rereii le naibon likimpirita iyie, paa kore iparraa ninche, nindim atama ilo arrabal supat loo Lomon Supati,

1 Timoti 1:2

Kaairoroki iyie Timoti nkerai ai nadede taatua nkurukoto. Metaa munyani o lng'ur o seriani naing'uaa Nkai Papa o Kristo Yeso Laitoriani lang, tenebo o iyie.

2 Timoti 2:2

Naa kore pooki nitining'o ta nanu natejo tekue ltung'ana kumo, oaata sipata taata ee nenia natejo, ntarasaki nkaik ee lewa ooisiligai, ooidim sii aaiteng'ena lkulikae.

2 Timoti 3:10

Timoti, kore aaitamitae sina naatumuto mbaa naagol te lkerenket le Antiok o le Ikoniam o le Lisitira, naa ikirukurukore ake iyie nanu, iduaaya nkiteng'ena ai niduaaya naikunari o nyuata ai o nkurukoto o ng'iriata o nchaman o nkitachoto ai. Kalo sina sa eitu ang'iri? Kake kore eyia, kaatalakua ꞉Laitoriani taatua pooki.

Tito 1:5

Ana apa payie aatung'aiyie te lkuran le Kirete, nchere payie itum atererio mbaa naawuon eng'or, nigelu larikoni le nkanisa tee lkerenketi pooki ana naaitanapa apa.

Mbolunoto 2:10

Emiurie nenia baa, nemeata ajo metum ntae. Enteyielo naa aajo kenang'aki ꞉Chitani lbata linchi atua jila payie etumi aatasaan ntae, niimaa ilo sina mperot tomon. Kake entaa loosiligai ta nanu, abaki tanaa keri ntae entuata. Kore nkopiyia e nkisulata naicho ntae naa nkichon ee ntarasi.

Mbolunoto 2:13