1 Lkorinto 4:15 - Samburu

¹⁵ Amu kore abaki duaake tiniatata laiteng'enak 10,000 taatua Kristo, meatae lotiiwua ntae taatua Kristo Yeso, kake nanu otiiwua ntae taatua ninye payie aliki apa ntae Lomon Supati.

1 Lkorinto 4:15 ပူးပေါင်းရင်းမြစ်များ

Rroman 15:20

Naaku katumuta apa ajo malikoo Lomon Supati to ng'oji neyieloi Kristo, payie machet neitamanyua ꞉likae.

1 Lkorinto 1:30

Tankaraki Nkai payie itii atua Laitejeunoni Yeso, neitaa ninye ng'eno aang. Amu kore te inia nataa Yeso, nikitum iyioo sotua oipida o Nkai, nikiaku ltung'ana lenyena sinyat oaatalakuaki,

1 Lkorinto 15:1

Kore taata lalachera o nkanachera ainien, kayieu naitaparru ntae Lomon Supati latilika apa ntae, lolo litang'amaitie nirukutoto nisiligitata sii.

1 Lkorinto 3:10

Kore te nkiririkinoto e munyani naaichoo Nkai, naitamanyu lkitamanyunoto ana lachetani arriyia, nechetaa likae to ng'oji naitabaka nanu. Kake keichiaakino payie eing'or ltung'ani pooki neikunaa nchatata,

1 Lkorinto 3:6

Katuuno nanu taatua ntae rerei le Nkai, nebukoki Apolos nkurukoto inchi nkare, kake Nkai naitubulua inia kurukoto.

1 Lkorinto 3:8

Kore ilo oun lantararai o ilo obukoki nkare naa kerisio tipat enche, nemeata lemelak ꞉Nkai te nkiririkinoto e siaai lenye oataasa.

1 Lkorinto 9:12

Kore tanaa keatae looichiaakino neng'amu reto taa ntae, mara iyioo naa eichiaakino oleng? Kake eitu chiaake kiyiaya iyioo inia naichiaakino iyioo. Alang nikias inia, niking'iri mbaa pooki payie mikimbooyo hooyia Lomon Supati le Kristo ta mbae ake naje.

1 Lkorinto 9:14

Nejia sii eitanapichie Laitoriani metaa kore lolo oolikoo Lomon Supati, nenyayie ndaa likoroto ee lolo Omon Supati.

1 Lkorinto 9:16

Kore abaki tanaa kalikorita lolo Omon Supati, naa meitoki ailachie amu Nkai koon naaitanapa matilikoi. Oi siake ltolut nanu tanamalikoo Lomon Supati!

1 Lkorinto 9:18

Naaku nyo naa laata ai? Kore tanalikoo Lomon Supati, naichooyo pecheu meti laata, napal inia naaichiaakino nanu te likoroto ee Lomon Supati, naa ninye laata ai.

1 Lkorinto 9:23

Kataasa nanu kuna baa pooki tankaraki Lomon Supati le Yeso Kristo, payie ikitum aatang'ar o lkulie tung'ana mayian ee lolo Omon Supati.

2 Lkorinto 4:5

Amu mara ate kilikoo iyioo, kake Yeso Kristo kilikoo ana ilo Aitejeunoni oanyutae apa, nikilikoo sii ana Laitoriani. Naa kore iyioo ikira laisiaayiak linchi tankaraki Yeso.

Lgalatia 3:24

Kore tankaraki inia, keaku ꞉nkitanapat lairritani lang ana meeu Kristo, payie etumi aikenaki iyioo sipat to nkurukoto.

Lgalatia 3:25

Kake eyewuo taata nkurukoto, merokure kitii taabori lairritani.

Lgalatia 4:19

Nkera ainien kunini, kaata mion ana ntomononi nasaisai, ana metubulu Kristo taatua ntae.

2 Timoti 4:3

Amu kelotu kenya nkata nemeidimare ltung'ana nkiteng'ena nadede. Kore neas ninche, naa ng'uarrat enche erubare neiturrurroki ate laiteng'enak oojo mbaa naayieu nkiyiaa enche nening.

Tito 1:4

Kaairoroki iyie Tito, nkerai ai nadede to nkurukoto niking'ar. Metaa munyani o sotua oing'uaa Nkai Papa o Kristo Yeso Laitejeunoni lang, tenebo o iyie.

Pilemon 1:19

Nanu Paulo oigero ana ta nkaina ai, nchere kalak, namaimaki abaki ajo iata sile ai, naa iyie koon inia sile.

Yakobo 1:18

Kore apa te yieuna enye, neicho iyioo metiini nkata e are aimu rerei lenye odede, payie kiaku ltung'ana lenyena oogeluno taatua ntokitin pooki naitibira ninye.

1 Petero 1:23

Amu ketiiwuaki ntae nkata e are, namara ta lantararai omutari kake lememutari, aa taa te rerei le Nkai oichu lemeichunye.