1 Lkorinto 3:5 - Samburu

⁵ Nyo dei Apolos? Naa nyo Paulo? Ikira ake iyioo laisiaayiak oaatasichiere Nkai payie irukuruk ntae. Meatae tee iyioo lamara ilo siaai ake otegelaka ꞉Laitoriani easita.

1 Lkorinto 3:5 ပူးပေါင်းရင်းမြစ်များ

Matayo 25:15

Neicho lobo lbenia sapuki imiet oobore ropiyiani, neicho likae oare, neicho likae lobo. Meatae leitu eicho te nkiririkinoto e nkidimata enye, neidip, nelo.

Luka 1:2

ana natamakita iyioo lolo ootoduaa aasipu nenia baa ta ng'asunoto, nera sii laisiaayiak le ilo rerei.

Yoana 3:27

Newoliki ꞉Yoana ajoki, <

Asat 18:24

Nelotu inia kata Epeso ltung'ani obo loo Lyiaudi oji Apolos ootiwuaki te lkerenket le Alekisandiria. Kore apa ninye naa kera arriyia neyielo oleng Lkigerot Sinyat.

Asat 19:1

Kore etii Apolos Korinto nelo Paulo Epeso tee nkejek aim nkoitiei naimaa ldonyuo, neirrachu teinie lkuti ooiteng'eni

Rroman 15:16

mataa laisiaayiani le Kristo Yeso payie atum atabaki ltung'ana loo loreren, nalikoo Lomon Supati ana neas laitainoni la lasar teneitai lasar, payie eaku ltung'ana loo loreren nkichooroto nang'amaa ꞉Nkai, eitisinyaki to ngolon e Ltau Sinyati.

1 Lkorinto 12:28

Kore ta nkanisa enye, naa ketegelua Nkai ltung'ana lbata metaa, kore lekue naa lkipaareta le Yeso, kore le oare naa loibonok le Nkai, kore le okuni naa laiteng'enak le nkanisa, neitoki agelu lkulie metaa loaata ngolon naasie mbaa e nking'asia, o loaata ngolon naichiunyie ltamoyia, o loaata nkidimata naretichiere, o loaata nkichoorot e rikore o loiro too nkulie kutukie.

1 Lkorinto 16:12

Kore aitoki naipirita lalache lang Apolos, katonyua arreten ninye meeu nitii tenebo o lkulie alachera, kake kesip apa ninye ajo mara taata nkata naichiaakino payie eisabaki ntae. Kelotu naa ake adol ntae tenetum mpaach.

1 Lkorinto 3:10

Kore te nkiririkinoto e munyani naaichoo Nkai, naitamanyu lkitamanyunoto ana lachetani arriyia, nechetaa likae to ng'oji naitabaka nanu. Kake keichiaakino payie eing'or ltung'ani pooki neikunaa nchatata,

1 Lkorinto 3:22

Linchi Paulo o Apolos o Kepa, naa ninchi nkop o nkichon o lkiye, taata o kenya. Meatae ntoki namara ninchi,

1 Lkorinto 3:7

Naaku mara ilo oun namara sii ilo obukoki nkare oara le tipat, kake inia naitubulu nara netipat, naa Nkai inia.

1 Lkorinto 9:17

Kore tanaa yieuna ai alikorie, anata aa kaichiaakino laata, kake mara yieuna ai amu Nkai naaitaa laing'urani le ele siaai.

2 Lkorinto 11:23

Kera ninche laisiaayiak le Kristo? Kore tanairo aiko nchi, naa kairorita ana lmadai. Kara laisiaayiani lenye alang ninche, natonyuaa aas siaai alang ninche. Kaateenaki te jila alang ninche, naaidong'oki alang ninche, natinyikaka nkatitin kumo lkiye.

2 Lkorinto 3:3

Keibala nchere irara ntae mpalai naing'uaa Kristo. Kore payie eigeri inia palai aaimunyie nkisiayiare ang, naa eitu eigerieki lkalamu kake ltau le Nkai naichu eigerieki, namara too soito dapachi eigero kake taa ltauja loo tung'ana.

2 Lkorinto 3:6

Keidimie ninye iyioo mataa laisiaayiak lo lning'o ng'ejuk, lemeirichakino nkitanapat naaigero kake Ltau Sinyati eirichakino. Amu kore nenia kitanapat naigero naa lkiye eyau, kake Ltau Sinyati oicharu nkichui ng'ejuk.

2 Lkorinto 4:1

Kore tankaraki naichoo iyioo Nkai te lng'er lenye ana kisiaayiere, naaku megila iyioo ltauja.

2 Lkorinto 4:5

Amu mara ate kilikoo iyioo, kake Yeso Kristo kilikoo ana ilo Aitejeunoni oanyutae apa, nikilikoo sii ana Laitoriani. Naa kore iyioo ikira laisiaayiak linchi tankaraki Yeso.

2 Lkorinto 4:7

Ltung'ana ake oaachal kira iyioo ootuwuana motioo ee nkulupo, kake keichooki iyioo ana toki e tipat, payie eibalai ajo kore ana golon nemeitoki eitinyunyukieki naa Nkai eing'uaa mara iyioo.

2 Lkorinto 5:18

Nkai nataasa ana pooki, aa kore aimu Kristo neitutumoka iyioo koon, neitoki aicho iyioo ana kisiaayiere maitemeleta lkulie o ninye.

2 Lkorinto 6:1

Kore kiasicho tenebo o Nkai, ikintaarriyian ntae payie meaku munyani e Nkai nitang'amaitie ne pecheu.

2 Lkorinto 6:4

Kake kore to ntoki pooki nikias nikintodolu aajo ikira laisiaayiak le Nkai, kintirring'a aang'iri tinikitum nyamalitin, o tenegoliki iyioo mbaa o tenenya iyioo sina.

Epeso 3:7

Naaichoo nanu ꞉Nkai to munyani enye mataa laisiaayiani loo kulo Omon Supati to ngolon enye naasicho.

Lkolosae 1:23

Keasai inia tanaa intachoo ake taatua nkurukoto ang aaitirrichaki, nimingusgus, nimiwuangwuang aaing'uaa siligi oicho ntae lolo Omon Supati litining'o. Kore lolo Omon Supati naa ketilikoyieki apa aaliki ltung'ana pooki otii nkop, naa kore nanu Paulo nataa laisiaayiani loo lolo Omon Supati.

Lkolosae 1:25

Kataa nanu laisiaayiani le nkanisa. Naa kore naikuna paaku naa Nkai naichoo siaai maiteyielo ntae rerei lenye katukul.

1 Timoti 1:12

Kaicho Kristo Yeso Laitoriani lang nache tankaraki kaatoduaa ajo kaisiligai, naaicho ngolon naagelaki nkisiaayiare enye.

1 Petero 4:10

Meata ltung'ani leitu eicho Nkai nkichooroto payie etum ataasichere aisiaayie lkulikae ana laing'urani oisiligai le munyani e Nkai, inia natelie too nkoitieii kumo.