1 Lkorinto 3:23 - Samburu

²³ kake kore ntae naa irara le Kristo nera ninye le Nkai.

1 Lkorinto 3:23 ပူးပေါင်းရင်းမြစ်များ

Matayo 17:5

Kore ewuon eirorita ninye, neimulaa ninche ꞉nkidis naibor, nening'oi ltoilo taatua nkidis ojo, <>

Yoana 17:18

Kore ana nikirriwua nanu nkop, airruaayie sii nanu ninche nkop.

Rroman 14:8

Amu tanaa ikinchu naa ikinchu kira la Laitoriani, naa tinikiye, nikiye kira la Laitoriani, o kinchu o kiye, ikira ake la Laitoriani.

1 Lkorinto 11:3

Kake kayieu payie iyielouu aajo Kristo nkue e lpayian pooki, naa lpayian nkue e ntomononi enye, naa Nkai nkue e Kristo.

1 Lkorinto 15:23

Keitipiuni pooki ng'ae ta nkata enye. Kore lekue oitipiwua Nkai naa Kristo, naa kore teneigil Kristo achukunye neitipiu lolo oaara lenyena.

1 Lkorinto 15:28

Kake kore payie epiki ntokitin pooki taabori nkitoria e Kristo, nepiki taa inia Kerai e Nkai taabori nkitoria e Nkai, paa kore inia Ai naichoo nkerai enye nkitoria, neitore ꞉ninye katukul ntoki pooki.

1 Lkorinto 7:22

Amu kore ltung'ani oipoto ꞉Laitoriani era rrindik, naa ltung'ani otalakua ꞉Laitoriani. Nejia sii etiu, kore ltung'ani lamara apake rrindik payie eipoti naa rrindik le Kristo taata.

1 Lkorinto 8:6

Kake nabo ake Nkai nikiata iyioo, Papa laa ninye eing'uaa ntokitin pooki naaitibiraki, naa ikitii ana kop payie kitum kenya aachom netii ninye. Neatae sii Laitoriani obo Yeso Kristo, laa aimu ninye eitibira Nkai ntokitin pooki naa aimu ninye eatae iyioo.

2 Lkorinto 10:7

Oriong ee mbaa dei ake ing'oritata ntae. Kore ilo oata sipata ta ltau lenye ajo kera le Kristo, naa keichiaakino payie eitoki aparraa nchere kore ana nara ninye le Kristo, naa ikira sii iyioo.

Lgalatia 3:29

Naa tanaa irara ntae le Kristo, irara sii nkera e Abraam, nirara lajung'ok ana nejo lekutuk.

Lgalatia 5:24

Kore lolo oaara le Kristo Yeso, etecho mpukunoto enche torno tenebo o yieunot o ng'uarrat enyena.

Epeso 1:10

Kore payie ebau nkata naitabaya inia kipirte naata payie eitejeu Ltung'ana, neyau ntoki pooki metaa tenebo taabori nkitoria e Kristo, pee era naatii chumata tanaa naatii nkop.