1 Lkorinto 3:21 - Samburu

²¹ Naaku emincho hoo ltung'ani eng'idare likae tung'ani, amu kore ntokitin pooki naa nkuninchi.

1 Lkorinto 3:21 ပူးပေါင်းရင်းမြစ်များ

Rroman 4:13

Kore apa lekutuk oichoo ꞉Nkai Abraam o ichoi enye nchere keicho ninye nkop metaa nenye, naa eitu etum tankaraki naibung'a nkitanapat, kake ketumo tankaraki naikenaki aajo loosipat to nkurukoto enye.

Rroman 8:28

Ikiyielo nchere kore pooki naasai, naa kesupataki lolo oaacham Nkai, lolo ooipotoki ana nayieu ꞉Nkai.

Rroman 8:32

Amaa ilo leitu emit eri Nkerai enye metua, kake keichorua metanang'a iyioo pooki, aji naa eiko payie meicho iyioo ntokitin pooki pecheu eichoo iyioo Nkerai enye?

1 Lkorinto 4:6

Kore naa lalachera o nkanachera aainien, kaimaka mbaa ainien o ne Apolos aitainyie nkitanyanyukoto payie mirepaa inia naigero too Lkigerot Sinyat, nemeyiere sii neatae lobo linchi ong'idare likae arikoni nemenaa likae.

2 Lkorinto 4:15

Kore kuna pooki naatumuto iyioo naa keasai payie eret ntae metaa kore ebulaa munyani e Nkai, neponunye ꞉ltung'ana ooicho Nkai nache netum ninye nkisisa te inia.

2 Lkorinto 4:5

Amu mara ate kilikoo iyioo, kake Yeso Kristo kilikoo ana ilo Aitejeunoni oanyutae apa, nikilikoo sii ana Laitoriani. Naa kore iyioo ikira laisiaayiak linchi tankaraki Yeso.

2 Lkorinto 6:10

ana looisinanio kake niking'ida nkata pooki, nedoli iyioo ana laisinak kake nikintaa lkumo parakuo meteyielo mbaa e Nkai, netuwuana meitoki kiata kake nkunanang ntokitin pooki.

Mbolunoto 21:7

Kore inia naa nkichooroto naicho pooki ng'ae ooisul. Kaaku nanu Nkai enye, neaku ninye nkerai ai.