1 Lkorinto 3:16 - Samburu

¹⁶ Amaa, miyielolo aajo irara ntae nkaji e Nkai naa atua ntae emanya Ltau le Nkai?

1 Lkorinto 3:16 ပူးပေါင်းရင်းမြစ်များ

Yoana 14:17

Kore ilo Aretoni naa Ltau oitodolu ndedei. Meidim nkop atang'amai ninye, amu medol nemeyielo. Kake iyielolo ntae ninye amu kewuon tenebo o ntae, nemany atua ntae.

Rroman 6:16

Miyielolo aajo kore ilo linchoo ate aaku laisiaayiak lenyena ooning'icho, niakuku rrindiki lenyena? Keidim ng'ok aaitoria ntae nitumtum lkiye teinia, tanaa sii iakuku rrindiki ooning Nkai, neitae ntae loosipat.

Rroman 6:3

Aa miyielolo aajo kore iyioo pooki ooipatisaki ta nkarna e Yeso Kristo naa payie kiaku lenyena?

Rroman 8:11

Kore tanaa kemanya atua ntae Ltau le ilo oitipiwua Yeso Kristo too lootuata, naaku keicho kenya ninye seseni linchi ooye nkichui to ngolon e Ltau lenye, oamanya atua ntae.

Rroman 8:9

Kake mitii ntae taabori nkitoria e mpukunoto inchi torno, taabori nkitoria e Ltau Sinyati itii, tankaraki kemanya ntae Ltau le Nkai atua. Kore tenemeata ꞉ltung'ani Ltau Sinyati le Kristo naa mara lenye.

1 Lkorinto 3:17

Teneitarruo ltung'ani nkaji e Nkai, near ninye ꞉Nkai. Amu kore nkaji e Nkai naa keisinyati, naa ntae inia aji.

1 Lkorinto 3:9

Amu laisiaayiak le Nkai oaasicho tenebo kira iyioo, nirara ntae lchampa lenye o nkaji natecheta ninye.

1 Lkorinto 5:6

Keitorno inia kilacha inchi! Aa miyielolo ntae aajo kore nkini mukate naisiicho neisiichie mukate pooki?

1 Lkorinto 6:16

Ana miyielolo aajo kore loboitare milayoi te sesen, neaku pukura sesen obo? Amu keigero ajo, <>

1 Lkorinto 6:19

Amaa, miyielolo aajo kore sesen linchi naa nkaji namanya ilo Ltau Sinyati oichoo ntae Nkai, naa miyielolo aajo irara le likae?

1 Lkorinto 6:9

Aa miyielolo ntae aajo metum ltorrok nkitoria e Nkai? Emincho esapi ntae amu kore lolo oaas mboita e sesen nemeichiaakino tanaa loasai nkaitok e sapare tanaa loaas loloito tanaa lewa ooboitiere lewa te sesen,

1 Lkorinto 9:13

Kasip ajo iyielolo aajo kore ltung'ana oaasicho ta nkaji e Nkai naa te inia aji e Nkai etum ndaa, naa kore lolo ooisiaaicho te lperere la lasar, neng'arieki lasarri ooitaini te ilo perere la lasar.

1 Lkorinto 9:24

Amaa, miyielolo aajo ltung'ana kumo chiaake oaang'asu nkuetata, kake ltung'ani obo ake oisul, netum inia naichori loisula? Enkuet naa payie itumtum inia!

2 Lkorinto 6:16

Kalo ning'o eata nkaji e Nkai o nkaitok e sapare? Amu ikira iyioo nkaji e Nkai naichu. Ana netejo Nkai koon, <>

1 Timoti 3:15

Kake kore tanaimalmala, niyielou te inia kitaarriyiana neiko ltung'ana tenewueni ta nkaji e Nkai. Ninye naa nkanisa e Nkai naichu, lng'ope o nkitamanyunoto e ndedei.

2 Timoti 1:14

Nirrita inia kiteng'ena e tipat nikitipikaki nkaina te nkidimata e Ltau Sinyati oamanya atua iyioo.

Lburania 3:6

Kore sii ilo Aitejeunoni apa oanyutae naa keisiligai te nkitachekinoto ee ltung'ana le Nkai, amu kera ninye Nkerai e Nkai. Naa ikira iyioo lolo tung'ana lenyena tinikimbung aaitirrichaki ilo siligi lang liking'idare nimikincho metigilata iyioo ltauja.

Yakobo 4:4

Lotung'ana kulo lemeisiligai! Amaa, miyielolo aajo kore tinichamumu ntokitin e ana kop niakuku lmang'ati le Nkai? Naaku kore pooki ng'ae oacham ntokitin e ana kop, neitaa koon lmang'antita le Nkai.

1 Petero 2:5

nirara sii ntae soito ooichu, nechetuni ntae payie iakuku nkaji e Nkai naitibira ꞉Ltau lenye. Nitumtum aataa lturrur laa laitainok sinyat la lasar, ooitai lasarri ooicharu ꞉Ltau Sinyati, oaang'amaroii ta Nkai tankaraki inia nataasa Yeso Kristo.

1 Yoana 4:12

Meatae aikata ꞉ltung'ani otodua Nkai. Naa tanaa ikichama maate, newuon Nkai taatua iyioo, neitabayieki nchaman enye taatua iyioo.