1 Lkorinto 3:12 - Samburu

¹² Oo echetu ltung'ani nkaji enye te nkeper e ilo kitamanyunoto ta saabu tanaa to nkochelai tanaa too soito oogol nkinyang'a tanaa tee nkeek tanaa too nkujit tanaa tee mbene,

1 Lkorinto 3:12 ပူးပေါင်းရင်းမြစ်များ

Asat 20:30

Amu kore taatua ntae, naa keipung'u ltung'ana ooiro aakord sipata, payie eitopong'oo looiteng'eni meirukurukore ninche.

Rroman 16:17

Kaitaarriyian ntae lalachera o nkanachera, entodol lolo ooyau oro o mbaa naaitopong'oo aaitung'aa ntae inia kiteng'ena apa naiteng'enaki ntae. Naaku entalam ninche!

1 Lkorinto 3:11

amu meatae likae kitamanyunoto ooidim ltung'ani aitamanyu mara ake ilo otipikaki, naa Yeso Kristo taa ilo.

1 Lkorinto 3:13

keliooi kenya netiu siaai le pooki ng'ae. Amu kore kenya, keibalunyie inia ꞉parri e nkiguana ilo siaai te nkima, teneimieki siaai oataasa pooki ng'ae inia kima.

2 Lkorinto 2:17

Kore iyioo, mikituwuana lkulie kumo ooitarruo rerei le Nkai aayiarie dupoto, kake ikilikorita mikisudorita toki tekue Nkai, kitii atua Kristo, ana ltung'ana oing'uaa Nkai.

2 Lkorinto 4:2

Kake ikitanya mbaa pooki naaisudoro e anyit, nimikiasichere sapare tanaa kintarruoo rerei le Nkai. Ikimbalie sipata ee Lomon Supati, kiyieu payie esipu pooki ng'ae ta ltau lenye nikitiu tekue Nkai.

Lkolosae 2:8

Entodol payie meatae ake ltung'ani oitaa ntae ltung'ana ooteenikaki nkiteng'ena e pecheu e sapare. Kore inia naa lkerreti loo ltung'ana eirukurukore ooirichakino nkitanapat e ana kop, namara Kristo.

1 Timoti 6:3

Kore tenetii ltung'ani oiteng'enicho nkiteng'ena e sapare nemeiririkino rerei odede la Laitoriani Yeso Kristo o nkiteng'ena naicho Nkai nkanyit,

2 Timoti 2:20

Kore atua nkaji kitok naa mara ake masaa e saabu o ne nkocholai naatii, kake ketii sii noo nkeek o ne mparpar. Keasieki mbata siaai e tipat neasieki nkulikae siaai lamara le tipat.

2 Timoti 3:13

kake kore ltung'ana torrok o lasapak naa kepuo ake kue aarroyo oleng, esapicho, nesapi sii ninche.

2 Timoti 3:7

neyieu ninche nkiteng'ena nkata pooki, kake nemeidim aikata aateyielo ndedei.

2 Timoti 4:3

Amu kelotu kenya nkata nemeidimare ltung'ana nkiteng'ena nadede. Kore neas ninche, naa ng'uarrat enche erubare neiturrurroki ate laiteng'enak oojo mbaa naayieu nkiyiaa enche nening.

Lburania 13:9

Emincho eitopong'oo ntae mbaa kumo naapaachere nkiteng'ena ang. Keichiaakino metaa munyani e Nkai etumie ltauja lang ngolon, mara nkibung'ata ee nkitanapat naaipirita ndaa nemeret abaki lolo ooirukurukore nenia kitanapat.

1 Petero 1:7

Kesipuni chiaake soit omiri oji saabu teneimieki nkima, naa keidim saabu nerroyo, kake kore nkurukoto keata tipat oleng alang saabu. Kore kuna temat niimaa, naa itumtum payie esipuni nkurukoto inchi. Kore tanaa kesipa nkurukoto inchi, neaku kenya rrepet o nkisisa o nkanyit teneibalunyieki Yeso Kristo.

Mbolunoto 2:14

Kake kore eyia, kaata nkuti mbaa namen taa ntae. Keatae lbata linchi ooibung'uta nkiteng'ena e Balam, ꞉ilo oiteng'ena apa Balak meitamaaya ltung'ana loo Isirael metaasa ng'oki, aanya ndaa naaitakaki nkaitok e sapare, neitoki aas loloito.

Mbolunoto 21:18

Kore ntoki naitibirieki suntai naa ntoki naji jasipa, naa kore ntokitin pooki naatii ilo kerenket naa saabu eitibirieki, neong ana nkilaas.

Mbolunoto 3:18

Naaku kaaitaarriyian ntae payie kinyiang'unyienyie soito oogol nkinyang'a ooimieki nkima metusupata payie iparakuonunu. Enyiang'u nankan naaibor ninchopchop payie menya anyit ntae tankaraki niminchopopo. Enyiang'u sii aitoki lcheni lielielie nkonyek inchi payie idolichoii.