1 Lkorinto 2:7 - Samburu

⁷ Ikiimaki ng'eno e Nkai too nkoitieii nemening'u ltung'ana pooki. Ketegelua Nkai inia ng'eno ewuon eitu eitibir ana kop, payie kitum iyioo aatijing atua nkitoo enye te inia ng'eno enye.

1 Lkorinto 2:7 ပူးပေါင်းရင်းမြစ်များ

Matayo 11:25

Kore te inia kata nejo Yeso, <

Matayo 13:35

Paa kore nairoro apa Nkai aimu loiboni lenye ajo, <> netum atabai.

Rroman 11:25

Amu lalachera lainien, kayieu niyielouu ana bae naisudoro, payie midoldol ate aajo irara toki. Kore naa inia naisudoro naa ana, keitogolito lbata loo Isirael nkuechi, ana meiputakinoto ltung'ana pooki loo loreren lamara loo Lyiaudi.

Rroman 8:29

Amu kore lolo ooteyielo ꞉ninye apake tekue, netegelua inia kata metinyunyukore Nkerai enye, payie etum inia Kerai enye ataa lkikau taa lalachera lenyena kumo.

Rroman 8:30

Naa kore lootegelua apake tekue, ninche sii eipoto, naa kore looipoto /neitaa sii ltung'ana loosipat, naa kore /looitaa loosipat neitoki sii aicho nkitoo.

1 Lkorinto 2:1

Kore sii apa nanu payie alotu nitii lalachera o nkanachera ainien, eitu aliki ntae inia dedei e Nkai naisudoro apa eji atuwuana laiguanani oisul pooki ara, naisul sii te ng'eno.

Epeso 1:4

Ketegelua ꞉ninye iyioo ewuon eitu eng'asu aitai nkop tankaraki e inia nataasa Kristo, payie kitum aataa sinyat nimikiata sii ntioto tekue ninye.

Epeso 3:10

Neyielou taa taata ꞉lolo oaata nkitoria o nkitoo te chumata, ng'eno nagut e Nkai ee mpukunot kumo aimu nkanisa.

2 Timoti 1:9

Keitejewua ninye iyioo, neipoto iyioo to nkupototo sinyati, namara tankaraki nikitaasa toki, kake tankaraki yieunoto o munyani enye. Kore ana munyani naa keichooki iyioo te Kristo Yeso ewuon meatae nkop,

Lburania 1:2

kake kore taata too kuna perot e siedi, naa /keirorie iyioo Nkai te Nkerai enye. Netegelua ꞉Nkai ninye metaa ntokitin pooki nenyena, naa te ninye sii apa eitibirua nkop.

Lburania 11:3

Naa to nkurukoto nikiata kiteyieloutua nchere te rerei lenye eitibira ꞉Nkai nkop, metaa kore ntoki nalioo naa te nemelioo eitibiraki.

1 Petero 1:11

Keing'orutua apa inia naibalunyie ꞉Ltau le Kristo otii atua ninche ewuon eng'or, ajo anu anaa sii netiu inia kata e sina oitami Kristo o netiu nkata e nkitoo kenya naijipu ilo sina.

1 Petero 5:1

Kore ara nanu lpayian le nkanisa, nara sii lobo oata sipata naipirita sina oatama apa Kristo, nara long'arieki nkitoo naibalunyieki kenya, kaitaarriyian naa taata lpayiani linchi le nkanisa ajo inji:

1 Petero 5:10

Tinindipdip aaimai sina te nkini kata, kore Nkai napeny munyani pooki, inia naipoto apa ntae te Kristo payie ing'arng'ar nkitoo enye nemeiting aikata, naa kerrinyoki ntae atua mbaa supati, neitogol ntae, neitacheyie payie mingusgus.

2 Petero 1:3

Keichoo iyioo Nkai pecheu to ngolon enye ntoki pooki nayieuni te nkichon, neichoo sii aitoki iyioo ntoki pooki nayieuni payie kitum aaturia Nkai to nkoitiei naiting'id ninye. Naa kore nkoitiei nikitumie inia, naa yielounoto e ilo oipoto iyioo te nkitoo o to ngolon enye.

Mbolunoto 13:8

Kore ltung'ana pooki oaamanya nkop nesai ninye, lolo leitu eigeri apa nkarn enche ewuon eitu eitamanyuni nkop to mbuku ee lolo oaata nkichui ee ntarasi, inia buku e Lkuo leker otaraki apa metua.