1 Lkorinto 2:6 - Samburu

⁶ Kake keatae ng'eno nikilikoo kitii atua lolo ootubulutua, neteyieloutua mbaa e Nkai. Naa kore ana ng'eno mara nana kop namara naa larikok lenyena ooidaaya.

1 Lkorinto 2:6 ပူးပေါင်းရင်းမြစ်များ

Matayo 13:22

Kore lkuku ootodokita lantarara atua, naa ltung'ani oning ilo rerei, kake kore payie etum irran e ana kop o mpong'ori e parakuoicho, neiding'aki, negor ilo rerei, metaa meiu lng'anayio.

Matayo 19:21

Newoliki Yeso ajoki, <>

Matayo 5:48

Naaku, kore sii ntae, entaa lemeata ntioto ana payie era Papa linchi oti chumata lemeata ntioto.

Luka 16:8

Kore ilo kitok, nerrep ilo aramatani oitamaaicho tankaraki njartano enye. Amu kore ltung'ana le nkop, naa keijartani too ltung'ana le mpukunoto enche aalang nkera e wong'an.

1 Lkorinto 1:28

Etegelua ꞉Nkai ltung'ana lemeiken nkop aitaa toki o loomenari, payie eitodou aitaa meitoki inia nailiepie nkop.

1 Lkorinto 12:8

Ltau le Nkai oicho ltung'ani obo nkidimata nairorie lkilikuai obore ng'eno e Nkai, naa ilo Tau siake oicho aitoki likae tung'ani nkidimata nayielounyie baa, neiro naaipirita nenia baa.

1 Lkorinto 14:20

Lalachera o nkanachera ainien, emiparricho ana nkera kunini taa mbaa naaipirita Nkai, kake entewueni ana nkera nemeitoki eyielo taa mbaa naaipirita ntorroni, niparrichocho ana ltung'ana kutuaa taa mbaa e Nkai.

1 Lkorinto 2:1

Kore sii apa nanu payie alotu nitii lalachera o nkanachera ainien, eitu aliki ntae inia dedei e Nkai naisudoro apa eji atuwuana laiguanani oisul pooki ara, naisul sii te ng'eno.

1 Lkorinto 2:13

Ikilikoo kuna mbaa, namara tee rereii ooing'uaa ng'eno e ltung'ani, kake tee rereii ooing'uaa Ltau Sinyati kinteng'enicho, nikilimu nenia mbaa enyena to nkoitiei enye.

1 Lkorinto 2:8

Meatae hoo loaata nkitoo tana kop oteyielo inia ng'eno, amu tanaa apa keteyielto anata apa eitu eche Laitoriani openy nkisisa to lmusalaba.

1 Lkorinto 3:1

Kore sii apa nanu lalachera o nkanachera ainien, mairorie ntae ana ltung'ana ooirukurukore Ltau le Nkai, kake kairorie ntae ana ltung'ana ooirukurukore mpukunoto enche torno, nairorie ana nkera kunini neitu ebulu taatua Kristo.

2 Lkorinto 1:12

Kore to nkop pooki aa oleng taatua ntae, ikitowuana ana ltung'ana supati ltauja o ana ltung'ana oong ana nayieu Nkai. Neitu kirukurukore inia najo ltung'ana le nkop ng'eno, kake munyani e Nkai kirukurukore. Ikiyielo taa ltauja lang aajo nejia etiu, naa inia ntoki niking'idare.

2 Lkorinto 13:11

Kore naa lalachera o nkanachera ainien, kajo ana aidipita. Entingidata, ninyoknyok aaibelekeny nkoitieii inchi, nining'ining nkitaarriyiana ai, nining'ong'o, niwuenini te seriani. Naa keaku Nkai e nchaman o ne seriani tenebo o ntae.

2 Lkorinto 4:3

Amu kore tanaa keisudoro Lomon Supati likilikoo, naa too lolo ooidaaya eisudoro.

2 Lkorinto 4:4

Keikeno ꞉Chitani nara nkai ena kop nkonyek enche metaa medolicho, aibooyo payie medol wong'an naitoong'aki ninche ꞉Lomon Supati, naa kore inia wong'an naa Kristo oara nkitanyanyukoto nadede e Nkai.

Epeso 2:2

Ipuoyieyie apa nenia oitiei naapuoyie ltung'ana lemeyielo Nkai. Nirukurukorere ilo oirirua oitore nkitoria e loing'ang'e, oasicho taata taatua lolo lemening Nkai.

Lkolosae 1:28

Ninye kilikoo, kintaarriyian nikinteng'en ltung'ani pooki te ng'eno pooki payie kintaa ltung'ani pooki metaa ltung'ani lemeata ntioto tekue Nkai taatua Kristo.

Lkolosae 4:12

Neiroroki sii ntae ltung'ani linchi oji Epaparas, oara laisiaayiani le Kristo Yeso. Kenyokita ninye nkata pooki tankaraki ntae to nkomono enye, payie itumtum aaitacho irara lemeata ntioto, niatata sipata ee mbaa pooki naayieu Nkai.

Lburania 5:14

Kake kore ndaa nagol naa noo ltung'ana botoro ootomoo eiteng'en ate aatoor ndedei o sapare.

Lburania 6:1

Naaku naa meyiere ake naaku mbaa ekue naayiere nikiyielou naaipirita Kristo eiteng'eni iyioo, kake keyiere nikipuo kue aabaki nkiteng'ena nairirikino ltung'ana botoro. Nimikingil aitoki aachukokino nkiteng'ena ekue naipirita nikinko tinikirriidu asat naayaki iyioo lkiye o nikinko tinikiruk Nkai.

Yakobo 3:15

Kore inia ng'eno, naa mara ng'eno nagut e Nkai kake ne nkop, mara ne Ltau Sinyati kake naa lairiruani.

Yakobo 3:2

Amu kore tee iyioo pooki, ikias ake mbaa kumo naapong'o. Kake kore ilo lemeitopong tee rereii oojo, naa keisula neidim sii airrita koon too nkulie oito pooki.

1 Petero 5:10

Tinindipdip aaimai sina te nkini kata, kore Nkai napeny munyani pooki, inia naipoto apa ntae te Kristo payie ing'arng'ar nkitoo enye nemeiting aikata, naa kerrinyoki ntae atua mbaa supati, neitogol ntae, neitacheyie payie mingusgus.