1 Lkorinto 2:13 - Samburu

¹³ Ikilikoo kuna mbaa, namara tee rereii ooing'uaa ng'eno e ltung'ani, kake tee rereii ooing'uaa Ltau Sinyati kinteng'enicho, nikilimu nenia mbaa enyena to nkoitiei enye.

1 Lkorinto 2:13 ပူးပေါင်းရင်းမြစ်များ

Luka 12:12

Amu kore Ltau Sinyati, naa keiteng'en ntae inia kata, inia nayiere nijoijo.>>

Asat 2:4

Neiput ninche pooki ꞉Ltau Sinyati, neng'asu aairo to nkulie nkutukie, ana naidimie ꞉Ltau Sinyati ninche.

1 Lkorinto 1:17

Neitu dei apa aairriu nanu Kristo mayeu aipatis ltung'ana, kake kaairriwuayie matilikoi Lomon Supati namara te njartano e ltung'ani payie meaku pecheu etua Kristo to lmusalaba.

1 Lkorinto 14:2

Kore ltung'ani pooki oiro too nkutukie naaidimie Ltau Sinyati, naa mara ltung'ana eirorie kake Nkai. Meitoki nayielo nejo amu keiro ninye mbaa naaisudoro to ngolon e Ltau Sinyati.

1 Lkorinto 2:1

Kore sii apa nanu payie alotu nitii lalachera o nkanachera ainien, eitu aliki ntae inia dedei e Nkai naisudoro apa eji atuwuana laiguanani oisul pooki ara, naisul sii te ng'eno.

1 Lkorinto 2:14

Kore ltung'ani lemeata Ltau le Nkai, nemeng'amaa sipat naing'uaa ninye amu madai nenia te ninye, nemeidim ateyielo amu mbaa nenia naasipuni ta ltau le Nkai.

1 Lkorinto 2:4

Mara ng'eno ai naichoo ntae iruko, kake rerei lai o likoroto ai nataasa inia to ngolon e Ltau Sinyati,

1 Lkorinto 9:11

Amaa amu ikituuno lantarara la Ltau Sinyati le Nkai taatua ntae, ijo sa meichiaakino iyioo tiniking'amaa ntoki nikinya o nikinchop taa ntae?

Epeso 5:19

irorie likae likae too sinkoliotin le Nkai o le nkisisa o le nkiyeng'et, iranyakiki Laitoriani taa ltauja linchi,

Lkolosae 3:16

Enchoo rerei le Kristo metowuana taatua ntae te garsisicho, inteng'enana, niutaroro taatua ng'eno pooki, niranyrany sinkoliotin le Nkai o le nkisisa o looing'uaa ꞉Ltau Sinyati, aaranyaki Nkai iatata nache.

1 Petero 1:12

Keibalakinyie ꞉Nkai ninche nchere kore nenia naaing'oruta naa mara tankaraki ate kake tankaraki ntae. Netamakita sii ntae lolo ootilikita ntae Lomon Supati to ngolon e Ltau Sinyati oirriwuaki te chumata, nenia baa. Kore sii lmalaikani keyieu netum sapipiyiet ee nenia baa.

2 Petero 1:16

Amu mara nkatinin naatamawuaki ta ntakano nikirukurukore apa kimbalakinyie ntae ngolon naata Laitoriani lang Yeso Kristo o neiko ninye tenechukunyie kenya, kake ikira iyioo lootodua sipata e nkitoo enye.