1 Lkorinto 16:13 - Samburu

¹³ Entirripicho nintachoo oleng to nkurukoto! Entaa ltung'ana ooirich negol!

1 Lkorinto 16:13 ပူးပေါင်းရင်းမြစ်များ

Matayo 25:13

Entirripicho naa amu, miyielolo kenya inia parri anaa nkata nalotu Nkerai e Ltung'ani.

Matayo 26:41

Entirripicho niomonmon payie mijing'jing atua ntemat, kore ltau naa keata yieuna, kake kechal sesen.>>

Luka 21:36

Entirripicho nkata pooki, iomonmon, payie indimdim aatapachere nana pooki naapuku, nidimdim aaitacho tekue Nkerai e ltung'ani.>>

1 Lkorinto 14:20

Lalachera o nkanachera ainien, emiparricho ana nkera kunini taa mbaa naaipirita Nkai, kake entewueni ana nkera nemeitoki eyielo taa mbaa naaipirita ntorroni, niparrichocho ana ltung'ana kutuaa taa mbaa e Nkai.

1 Lkorinto 15:58

Naaku taa lalachera o nkanachera ainien nacham, entacho katukul, emungusugus. Entibik nkata pooki ing'idakinono nkisiaayiare e Laitoriani, amu iyielolo aajo mara pecheu siaai linchi taatua Laitoriani.

2 Lkorinto 1:24

Amu mikinyokita aisimaki ntae embung'a nenia nirukuruk, tankaraki ikiyielo aajo itarrapate aitibiraki to nkurukoto. Kore iyioo naa ikiasicho tenebo o ntae payie iwuenini te ng'ida.

Lgalatia 5:1

Naa ketalakua iyioo Kristo payie kibik taatua inia lakunoto. Kore tankaraki inia, entacho katukul, emirrinyokino aitoki enet e rrindikicho.

Epeso 3:16

Kaomon meitogolo ꞉ninye nkurruki inchi oleng, te risioroto e nkitoo enye kitok, aimu Ltau lenye Sinyati, payie emany Kristo atua ltauja linchi to nkurukoto, paa kore itaa ltung'ana ootuunote lemeigusgus taatua nchaman,

Epeso 6:10

Kore mbae naidipie, entogolioto taatua Laitoriani o te ngolon e nkidimata enye.

Lpilipi 1:27

Ntoki nabo ake naata tipat oleng, nchere payie iwuenini te nkichon inchi ana naichiaakino too Lomon Supati le Kristo, paa kore tanatumoka ayeu atoduaa ntae tanaa eitu, naning ajo intachoo katukul to nduata nabo o ltau obo inyanya larrabal le nkurukoto ee Lomon Supati.

Lpilipi 4:1

Kore naa lalachera o nkanachera ainien nacham oleng nayieu nadol, ikinting'iding'id naa kaikarrie nanu ntae! Entacho katukul taatua Laitoriani, sotuatin lainien, imbungbung inia natiaaka ntae.

Lpilipi 4:13

Kaidim ataasa nenia baa pooki atii atua Kristo laaicho ngolon.

Lkolosae 1:23

Keasai inia tanaa intachoo ake taatua nkurukoto ang aaitirrichaki, nimingusgus, nimiwuangwuang aaing'uaa siligi oicho ntae lolo Omon Supati litining'o. Kore lolo Omon Supati naa ketilikoyieki apa aaliki ltung'ana pooki otii nkop, naa kore nanu Paulo nataa laisiaayiani loo lolo Omon Supati.

Lkolosae 4:12

Neiroroki sii ntae ltung'ani linchi oji Epaparas, oara laisiaayiani le Kristo Yeso. Kenyokita ninye nkata pooki tankaraki ntae to nkomono enye, payie itumtum aaitacho irara lemeata ntioto, niatata sipata ee mbaa pooki naayieu Nkai.

Lkolosae 4:2

Entewueni taatua nkomono, naa kore iomonitoto, entirripicho, niatata nache.

1 Ltesalonike 3:8

Naa ikitopuaa taata kining'ito aajo intachoo aaipidaki taatua Laitoriani.

1 Ltesalonike 5:6

Naaku naa, mikilura ana neiko lkulie kake matirripicho nikiparricho aaitibiraki!

2 Ltesalonike 2:15

Naaku naa, lalachera o nkanachera, entacho emingusgus naa embung'a nkiteng'ena nikintarasakita ntae pee era to nkutuk anaa ta mpalai.

1 Timoti 6:12

Tama larrabal supat le nkurukoto ang, nitilimua teinia limunoto supat nintayia tekue ltung'ana kumo, nimbung'a inia kichon ee ntarasi nikimpotokaki apa.

2 Timoti 2:1

Naaku kore naa iyie nkerai ai, togolo taatua munyani natumi taatua Kristo Yeso.

2 Timoti 4:5

Kake kore iyie Timoti, taa ltung'ani otem mbaa nkata pooki, ting'iria taatua sinaitin, taasa siaai oyiere neas ltung'ani olikoo Lomon Supati, nintabaya nkisiaayiare nikinchooki.

2 Timoti 4:7

Atama larrabal supat, kakueta naidipa inia kuetata, naibung'a nkurukoto.

1 Petero 4:7

Ketaa keichunye ntokitin pooki, naaku embooi ate, niakuku ltung'ana oaaparicho aaitibiraki payie itumtum aatoomon.

1 Petero 5:8

Entaa ltung'ana oaaparricho aitibiraki, nirritata ate amu kore lmang'antita linchi Chitani naa kemanaa ana lng'atuny oipurruto, eyiaya ltung'ani oijioo.

Mbolunoto 16:15

<>