1 Lkorinto 15:54 - Samburu

⁵⁴ Naaku kore payie eibelekenyi mpukunoto naidaari aye metaa mpukunoto nabik ntarasi nemeye, nebaya inia naigero too Lkigerot Sinyat nchere, <>

1 Lkorinto 15:54 ပူးပေါင်းရင်းမြစ်များ

Luka 20:36

Nemeye aitoki, amu ketuwuanai kenya ana lmalaikani. Kore ninche, naa nkera e Nkai amu ketipiutua too lootuata.

Rroman 1:23

Neitapaach nkitoo e Nkai nemeye aikata o nkaitok e sapare naainyinyukore ltung'ana ooye o nkueeny o suom anaa ng'uesi naaye.

Rroman 2:7

Kore lolo oong'iri eas supati, nenyok ayiaya nkitoo e Nkai o nkanyit o nkichon naruk talip, neicho ninche nkichon nemeiting.

Rroman 6:12

Naaku, emincho ng'oki meitoria seseni linchi ooye, eji paa iasias naayieu ng'uarrat enyena.

Rroman 8:11

Kore tanaa kemanya atua ntae Ltau le ilo oitipiwua Yeso Kristo too lootuata, naaku keicho kenya ninye seseni linchi ooye nkichui to ngolon e Ltau lenye, oamanya atua ntae.

2 Lkorinto 4:11

Amu kore ake ewuon kinchu naa keichori chiaake iyioo matuata tankaraki Yeso, payie eibalunyieki nkichui enye tee seseni lang oomutari.

2 Lkorinto 5:4

Amu kore ake ewuon kiata ele sesen le ana kop naa ikinchir, neirochi iyioo ltauja tankaraki nimikiyieu neitaini ele sesen lang, kake ikiyieu payie eichopokini iyioo sesen lemeye paa kore ele sesen oye, neimulmuli te nkichui nabik ntarasi.

2 Ltesalonike 1:10

Kore kenya nenia baa naa keasai tenelotu Yeso inia parri, meichoo ꞉sinyat lenyena ninye nkisisa neicho lolo pooki ooiruko ninye nkanyit. Naa itii sii ntae inie amu iruko mbaa nikitilimutua naaipirita ninye.

Mbolunoto 20:14

Nenang'akini Lkiye o nemeneng'a mpaso e nkima. Kore mpaso e nkima naa ninye lkiye le oare.

Mbolunoto 21:4

Kejut lkiyioi pooki too nkonyek enche, nemeitokini aata katukul lkiye tanaa sina tanaa nkichirata tanaa mion, amu eidipa mbaa e apa aatung'ututari.>>