1 Lkorinto 15:52 - Samburu

⁵² Kore ta nkata e nkiting'oto teneochi mowuo, neibelekenyi iyioo nabokata, aasioki ana nkirriabata e nkong'u. Amu kore teneochi mowuo neitipiuni lootuata nemeigil aikata aaye, neibelekenyi sii iyioo.

1 Lkorinto 15:52 ပူးပေါင်းရင်းမြစ်များ

Matayo 24:31

Neirruaaya lmalaikani lenyena ekututa mowuarak to ltoilo kitok. Neiturrurru ꞉ninche lgelunot too lubot ong'uan e nkop, te neng'asunyie loing'ang'e o neiting'ie.

Yoana 5:25

Kajoki naa ntae sipata nadede nchere, kelotu kenya nkata, neidipa dei atabau, naaku kore lootuata nening ltoilo le Nkerai e Nkai, naaku kore looning, netum nkichui.

Yoana 5:28

Naa eming'asia tankaraki ana, amu kelotu kenya nkata naa kore lolo pooki otii atua nkuraren nening ltoilo lenye neipung'u.

1 Lkorinto 15:23

Keitipiuni pooki ng'ae ta nkata enye. Kore lekue oitipiwua Nkai naa Kristo, naa kore teneigil Kristo achukunye neitipiu lolo oaara lenyena.

1 Lkorinto 15:42

Nchi naa etiu teneitipiu Nkai lootuata metumo nkichui. Kenukari seseni lang oomutari to nkop tinikiye kake keitipiuni era lememuta metumo nkichui.

1 Lkorinto 15:50

Kore najoito lalachera o nkanachera ainien, naa ana: Kore kulo seseni lang loo nkiri o lodo naa metum nkitoria e Nkai. Amu kore kulo seseni ooidaari naa metum inia nabik ntarasi.

1 Ltesalonike 4:15

Kore tankaraki inia, ikiliki ntae ana natejo Laitoriani, nchere kore iyioo ooichu ootung'ayieki ana metuchukunyie Laitoriani, naa meatae nikinko tinikinturuk tekue lolo ooilurate.

2 Petero 3:10

Kake kelotu mparri e Laitoriani meitekini ana lapurroni. Naa kore inia parri, keimin chumata te nkikirikiroto sapuk, neidakie lapa o ndama o lakir ꞉nkima, nepejori ntoki pooki naitibiraki to nkop.

Mbolunoto 8:13

Naitoki adol lmagiro eloito ta ai, naning ebuakita to ltoilo kitok ajo, <>

Mbolunoto 8:2

Nadol lmalaikani sapa ooitachoo tekue Nkai, neichori mowuarak sapa.