1 Lkorinto 15:3 - Samburu

³ Kaitarasaka ntae inia natang'amayie nera netipat oleng, nchere ketua Kristo tankaraki ng'ok ang ana naigero too Lkigerot Sinyat.

1 Lkorinto 15:3 ပူးပေါင်းရင်းမြစ်များ

Matayo 26:24

Kelo Nkerai e Ltung'ani ana inia naigeroki naipirita ninye, kake oi siake ꞉ilo oichooyo Nkerai e Ltung'ani! Eikach te ilo tung'ani teneitu aikata eini.>>

Matayo 26:28

amu ele lodo lai lo lning'o ng'ejuk oibukori tankaraki lkumo payie etum mpalikinoto ee ng'ok.

Luka 24:25

Nejoki ninche, <

Yoana 1:29

Kore mparri naijipita inia, nedol ꞉Yoana Yeso elotuta aipidakino ninye nejo, <

Asat 17:2

Kore ana chiaake neas Paulo, naa kechomo atum ninche taatua Sinagogi neasichere taa Sabatoni uni naijiparo Lkigerot Sinyat aimaki o ltung'ana.

Asat 3:18

Naa keitabayie Nkai inia natejo apa ewuon eng'or nkata too loibonok lenyena pooki nchere, kore kenya ilo Aitejeunoni le lekutuk lenye naa ketum sina.

Asat 8:32

Kore neisomita ninye too Lkigerot Sinyat naa ene: <

Rroman 3:25

Ninye eibukori lodo, neitaa ꞉Nkai tekue ltung'ana pooki lasar loo ng'ok, naa to nkurukoto eng'amari ninye. Neas ana payie eitodolu sipata enye, amu kore apa te ng'iriata enye naa keichoo ltung'ana mechomo eitu eitalak ng'ok enche. Neitodolu taata tana ng'amata sipata enye nchere, kera ninye loosipat naa keitaa ilo tung'ani oiruko Yeso loosipat.

Rroman 4:25

Keichooyieki apa ninye metari metua tankaraki ng'ok ang, neitipiuni payie eikenakini iyioo aajo loosipat.

1 Lkorinto 11:2

Kaichoo ntae rrepet tankaraki nikiparrurru chiaake, nimbung'utata inia kiteng'ena ana naitarasaka apa ntae.

1 Lkorinto 11:23

Kore inia natang'amayie ta Laitoriani naa ninye aitarasaka ntae, nchere kore Laitoriani Yeso te inia kuarie natilikorieki, nerrapu mukate

2 Lkorinto 5:21

Amu kore ilo leitu eas ng'oki, neitaa ꞉Nkai lasar lo ng'ok ang, paa kore aimu ninye nikiaku iyioo loosipat tekue Nkai.

Lgalatia 1:12

Neitu ang'amaa to ltung'ani, neitu sii aaiteng'eni, kake Yeso Kristo laatoboloka.

Lgalatia 1:4

Ilo laa ninye oichorua koon tankaraki ng'ok ang, pee etum atalaku iyioo taa mbaa torrok e ana kop, ana yieunoto e Nkai Papa lang.

Lgalatia 3:13

Naa Kristo oinyiang'uaa iyioo to ldeket loo nkitanapat, netaa ninye ldeket tankaraki iyioo, amu keigero too Lkigerot ajo, <>

Epeso 1:7

Ilo laa te ninye ikiata lakunoto natalaa to lodo lenye, aa taa ketapalikaki iyioo nkitarruorruot ang. Keitodolu ana newua munyani naichoo iyioo Nkai,

Epeso 5:2

Entewueni te nchaman ana natachama iyioo Kristo neitai koon anang iyioo aaku lasar orropili ta Nkai.

Lburania 5:1

Kore laitainoni kitok pooki la lasar naa taatua ltung'ana ake ootuwuana ninye egeluni, payie etum aitacheki ninche taa mbaa e Nkai, neichooyo nkichoorot o lasar le mpalikinoto ee ng'ok.

Lburania 5:3

Naa kore tankaraki inia, meata ajo meitai ninye lasar tankaraki ng'ok enyena o noo lkulie tung'ana sii.

1 Petero 1:11

Keing'orutua apa inia naibalunyie ꞉Ltau le Kristo otii atua ninche ewuon eng'or, ajo anu anaa sii netiu inia kata e sina oitami Kristo o netiu nkata e nkitoo kenya naijipu ilo sina.

1 Petero 2:24

Ketanapa ninye ng'ok ang te sesen lenye to lmusalaba payie meitoki aikata ng'oki aata nkitoria tee iyioo. Netanapa payie kiwueni taatua sotua oipida o Nkai. Naa kore taa lbaa ootumo ninye, /neichiunyieki ntae.

1 Petero 3:18

Keitamaki naa Kristo sina nkata nabo tankaraki ng'ok, kera ninye loosipat netanang'a ltung'ana lamara loosipat, payie etum atirikoki iyioo Nkai. Ketua ninye te sesen kake neitipiuni ltau,

1 Yoana 2:2

Naa kera ninye lasar loo ng'ok ang, namara nkunanang ake aapeny kake no nkop pooki.

Mbolunoto 1:5

neing'uaa aitoki Yeso Kristo. Kore Yeso naa kelimu sipata enye, nera loisiligai, Nkerai e Nkai natipiwua aing'uaa lmeneng'a tekue nemeye aikata, naa ninye oitore lkinkii pooki le nkop. Ketachama ninye iyioo, nelaku iyioo too ng'ok ang to lodo lenye,