26 Kore lmang'antita omiri tesiedi pooki naa lkiye.
Nemeye aitoki, amu ketuwuanai kenya ana lmalaikani. Kore ninche, naa nkera e Nkai amu ketipiutua too lootuata.
<>
kake /keibalunyieki taata, payie elotu Laitejeunoni lang Kristo Yeso nkop, nemir lkiye, neibalunyie ninye too Lomon Supati nchere, ikinchu ntarasi, nimikiye aikata.
Naaku kore amu nkera ee ltung'ana nenia kera naata seseni oaata nkiri o lodo, nelotu sii Yeso eata sesen otuwuana lenche, paa kore te lkiye lenye neoru chitani ngolon, naata apa nkitoria nayeunyie lkiye.
Nepalu ꞉mpaso ltung'ana pooki ootii atua, kore sii Lkiye o nemeneng'a, nepalu lolo pooki oaata. Neiguanare ꞉Nkai ninche te nkiririkinoto ee mbaa pooki apa naataasa.
Nenang'akini Lkiye o nemeneng'a mpaso e nkima. Kore mpaso e nkima naa ninye lkiye le oare.
Kejut lkiyioi pooki too nkonyek enche, nemeitokini aata katukul lkiye tanaa sina tanaa nkichirata tanaa mion, amu eidipa mbaa e apa aatung'ututari.>>
