1 Lkorinto 15:23 - Samburu

²³ Keitipiuni pooki ng'ae ta nkata enye. Kore lekue oitipiwua Nkai naa Kristo, naa kore teneigil Kristo achukunye neitipiu lolo oaara lenyena.

1 Lkorinto 15:23 ပူးပေါင်းရင်းမြစ်များ

Matayo 16:27

Naa kelotu Nkerai e Ltung'ani te nkitoo e Papa lenye tenebo o lmalaikani lenyena, nemeata ltung'ani lemelaaki te risioroto e siaai enye.

Matayo 16:28

Kedede kajoki ntae, kore atua kulo tung'ana ooitachoo tene, keti ltung'ana lemedol lkiye ewuon eitu edol Nkerai e Ltung'ani elotu te nkitoria enye.>>

Asat 26:23

Katilika ninche nchere keitami ilo Aitejeunoni oaanyutae oji Kristo sina neri metua, neaku lekue opiu taatua lootuata nelikoo wong'an, aliki lorere lang o lkulie oreren.>>

1 Lkorinto 15:20

Kake kore sipata naa nchere keitipiwuaki Kristo too lootuata, metaa ltung'ani lekue otipiwua too lolo ooteperio.

1 Lkorinto 15:52

Kore ta nkata e nkiting'oto teneochi mowuo, neibelekenyi iyioo nabokata, aasioki ana nkirriabata e nkong'u. Amu kore teneochi mowuo neitipiuni lootuata nemeigil aikata aaye, neibelekenyi sii iyioo.

1 Lkorinto 3:23

kake kore ntae naa irara le Kristo nera ninye le Nkai.

1 Lkorinto 6:14

Keitipiwua ꞉Nkai ninye aaitung'aa lootuata naa keitipiu sii iyioo to ngolon enye.

2 Lkorinto 10:7

Oriong ee mbaa dei ake ing'oritata ntae. Kore ilo oata sipata ta ltau lenye ajo kera le Kristo, naa keichiaakino payie eitoki aparraa nchere kore ana nara ninye le Kristo, naa ikira sii iyioo.

Lgalatia 3:29

Naa tanaa irara ntae le Kristo, irara sii nkera e Abraam, nirara lajung'ok ana nejo lekutuk.

Lgalatia 5:24

Kore lolo oaara le Kristo Yeso, etecho mpukunoto enche torno tenebo o yieunot o ng'uarrat enyena.

Lpilipi 3:11

aata siligi ajo kaaitipiuni kenya matung'ai lootuata.

1 Ltesalonike 2:19

Amu, ng'ae dei siligi anaa ng'ida anaa nkopiyia e nkisulata nikilachie tekue Laitoriani lang Yeso, tenechukunyie kenya? Mara dei ake ntae?

Mbolunoto 1:5

neing'uaa aitoki Yeso Kristo. Kore Yeso naa kelimu sipata enye, nera loisiligai, Nkerai e Nkai natipiwua aing'uaa lmeneng'a tekue nemeye aikata, naa ninye oitore lkinkii pooki le nkop. Ketachama ninye iyioo, nelaku iyioo too ng'ok ang to lodo lenye,