1 Lkorinto 15:2 - Samburu

² Kulo Omon Supati latilika ntae ooitejeu ntae, tinimbung'bung aitibiraki, peechu naa pecheu apake iruko.

1 Lkorinto 15:2 ပူးပေါင်းရင်းမြစ်များ

Luka 8:13

Kore lootii lkarkar naa lolo ooning, laa kore tenening ilo rerei neng'amaa te ng'ida. Kake meata ninche ntana, keiruk nkiti kata, kore payie etum ntemat nerriaa.

Asat 2:47

eisis Nkai netumo omom too ltung'ana pooki. Neponiki Laitoriani mparri pooki lolo ooitejewuaki atua ilo turrur lenche.

Asat 8:13

Neiruk abaki ꞉Simon ninye neipatisi, neirukurukore Pilipo ng'oji pooki nelo. Naa kore edolita mbaa kutuaa naasita Pilipo, naaitodolu nkitoo e Nkai o mbaa e nking'asia, neing'asia.

Rroman 1:16

Madol nanu anyit too Lomon Supati, amu ninche ngolon e Nkai naitejeu pooki ng'ae ooiruk, ang'asu too Lyiaudi neitoki Lgirriki.

Rroman 11:22

Teyielo naa ajo, kenana ocheke Nkai nericho. Kericho too lolo ooterriete, nenana ocheke te iyie tiniwuon taatua supaticho enye. Naa tiniminko nejia niking'eruni sii iyie,

1 Lkorinto 1:18

Kore lomon ooipirita lmusalaba le Yeso naa madai too lolo ooidaaya, kake kore tee iyioo ooitejeuni naa ngolon e Nkai.

1 Lkorinto 1:21

Keirichakinete ltung'ana ng'eno enche, naaku eitu eyielou Nkai abaki etoduaa ng'eno enye. Neroyie Nkai achamaa aitejeu lolo ooiruk ninye aimu ana likoroto najo ltung'ana madai.

1 Lkorinto 11:2

Kaichoo ntae rrepet tankaraki nikiparrurru chiaake, nimbung'utata inia kiteng'ena ana naitarasaka apa ntae.

1 Lkorinto 15:14

naa tanaa eitu eitipiuni Kristo, naaku naa ne pecheu likoroto aang naa ne pecheu sii nkurukoto inchi.

2 Lkorinto 2:15

Amu keitorropil iyioo Kristo tekue Nkai. Ikirropil kitii atua lolo ooitejeuni, nikisamis taatua lolo ooidaaya.

2 Lkorinto 6:1

Kore kiasicho tenebo o Nkai, ikintaarriyian ntae payie meaku munyani e Nkai nitang'amaitie ne pecheu.

Lgalatia 3:4

Keitamaki apa ntae sina kitok owuenyi pecheu? Majo nanu pecheu.

Epeso 2:8

Amu eitejewua ntae Nkai te munyani enye to nkoitiei e nkurukoto, namara ntae eing'uaa inia kake nkichooroto naichoo ninye ntae pecheu,

Lkolosae 1:23

Keasai inia tanaa intachoo ake taatua nkurukoto ang aaitirrichaki, nimingusgus, nimiwuangwuang aaing'uaa siligi oicho ntae lolo Omon Supati litining'o. Kore lolo Omon Supati naa ketilikoyieki apa aaliki ltung'ana pooki otii nkop, naa kore nanu Paulo nataa laisiaayiani loo lolo Omon Supati.

2 Ltesalonike 2:15

Naaku naa, lalachera o nkanachera, entacho emingusgus naa embung'a nkiteng'ena nikintarasakita ntae pee era to nkutuk anaa ta mpalai.

2 Timoti 1:9

Keitejewua ninye iyioo, neipoto iyioo to nkupototo sinyati, namara tankaraki nikitaasa toki, kake tankaraki yieunoto o munyani enye. Kore ana munyani naa keichooki iyioo te Kristo Yeso ewuon meatae nkop,

Lburania 10:23

Mikipal kilimu aaipidaki ilo siligi likijo ikiata, amu keisiligai ilo oichoo iyioo lekutuk.

Lburania 2:1

Kore tankaraki inia, keyiere nikimbung aaitirrichaki inia nikitining'o payie meiwuang'ieki ake neitopong'ori iyioo.

Lburania 3:14

Amu ikiata sotua tenebo o Kristo, tinikimbung aaitirrichaki inia sipata nikiata apake tekue payie kiruk ninye, ana metabau nkiting'oto e nkop.

Lburania 3:6

Kore sii ilo Aitejeunoni apa oanyutae naa keisiligai te nkitachekinoto ee ltung'ana le Nkai, amu kera ninye Nkerai e Nkai. Naa ikira iyioo lolo tung'ana lenyena tinikimbung aaitirrichaki ilo siligi lang liking'idare nimikincho metigilata iyioo ltauja.

Lburania 4:14

Naaku kore amu ikiata Laitainoni kitok la lasar oiliepa aim keper ajing chumata, Yeso Kristo Nkerai e Nkai, maibung'a naa aitirrichaki inia kurukoto nikilimu aajo ikiata.

Yakobo 2:14

Lalachera o nkanachera ainien, kaa tipat eata tenejo ltung'ani, <>, nemeitodolu taa asat enyena? Keitejeu ninye nkurukoto natiu nejia?

Yakobo 2:17

Nejia sii etiu nkurukoto, kore tanaa meata asat naaku ketua.

Yakobo 2:26

Kore ana natua sesen lemetii nkiyeng'et, nejia sii etiu, kore nkurukoto nemeata asat naa ketua.