1 Lkorinto 15:13 - Samburu

¹³ Kake kore tanaa meatae mpiunoto ee lootuata, naaku naa eitu abaki eitipiuni Kristo,

1 Lkorinto 15:13 ပူးပေါင်းရင်းမြစ်များ

Asat 23:8

Amu kore apa Sadukayo naa kejo meatae mpiunoto to lootuata, nemeatae lmalaikani tanaa ltauja torrok, kake kore Lparisayo naa keiruk aajo keatae pooki.

Rroman 8:11

Kore tanaa kemanya atua ntae Ltau le ilo oitipiwua Yeso Kristo too lootuata, naaku keicho kenya ninye seseni linchi ooye nkichui to ngolon e Ltau lenye, oamanya atua ntae.

Rroman 8:23

namara ake ninche aapeny, kake abaki iyioo oichooki Ltau Sinyati ana nkichooroto ekue naichoo iyioo Nkai. Kore abaki iyioo naa ikingor taatua ate, kianyuta payie kiaku nkera e Nkai katukul payie elakuni seseni lang.

1 Lkorinto 15:12

Amaa tanaa ikilikoo iyioo aajo ketipiwua Kristo aing'uaa lootuata, kaji eiko payie ejo lbata linchi nchere meatae mpiunoto ee lootuata?

1 Lkorinto 15:14

naa tanaa eitu eitipiuni Kristo, naaku naa ne pecheu likoroto aang naa ne pecheu sii nkurukoto inchi.

1 Lkorinto 15:20

Kake kore sipata naa nchere keitipiwuaki Kristo too lootuata, metaa ltung'ani lekue otipiwua too lolo ooteperio.

1 Ltesalonike 4:14

Kore ana nikiruk aajo ketua Yeso neitoki apiu, nejia sii ake etiu, ikiruk aajo keyau ꞉Nkai ninye tenebo o lolo ooilurate etii atua Yeso.

2 Timoti 4:8

Naa kaaiteng'elakaki nanu nkopiyia naichori loosipat, inia naaicho ꞉Laitoriani, oara ladung'oni le nkinguana, te inia parri. Namara nanu ake apeny eicho, kake keicho lolo pooki oaanyuta lotunoto enye te nchaman.

Lburania 13:20

Kore Nkai napeny seriani, /nailiepunyie Laitoriani lang Yeso Kristo ilo chekut kitok loo nkerra, taatua lootuata tankaraki naibukori lodo lenye oitibirie lning'o obik ntarasi, meeichoo ntae aiputaki ntoki pooki supat niyieuu payie itumtum aataas inia nayieu ninye. Meichoo naa ꞉Nkai Yeso Kristo metaasicho taatua iyioo payie kitum aataas inia naiting'id Nkai. Metaa nenye nkisisa ntarasi o ntarasi.

Lburania 2:14

Naaku kore amu nkera ee ltung'ana nenia kera naata seseni oaata nkiri o lodo, nelotu sii Yeso eata sesen otuwuana lenche, paa kore te lkiye lenye neoru chitani ngolon, naata apa nkitoria nayeunyie lkiye.

1 Petero 1:3

Meisisi Nkai oara Menye Laitoriani lang Yeso Kristo! Ilo laa te lng'er lenye kitok etiiwuaki iyioo nkata e are, payie kitum siligi oichu tankaraki natipiwua Yeso Kristo taatua lootuata,

Mbolunoto 1:18

ilo oichu. Katua apa naa ng'ura kaichu ntarasi o ntarasi! Naa kaata lboleta lo lkiye o nemeneng'a.