1 Lkorinto 15:10 - Samburu

¹⁰ Kake kara nanu ntoki nara tankaraki munyani e Nkai, naa kore inia munyani naaichoo Nkai, eitu eaku ne pecheu. Katonyua alang ninche pooki, naa mara nyuata ai nataasa inia, kake munyani e Nkai nati tenebo o nanu.

1 Lkorinto 15:10 ပူးပေါင်းရင်းမြစ်များ

Matayo 10:20

Amu mara ntae ooiro, kake Ltau le Papa linchi oiro taatua ntae.

Matayo 25:16

Kore ilo oichooki lbenia imiet, nelo nabokata aasichere payie etumie dikir. Kore laaduo imiet, neponikino lkulie imiet te keper.

Rroman 11:1

Naiparu naa ajo, amaa, keiturrayie sa Nkai ltung'ana lenyena? Nakaiting'o! Eitu eiturraa, amu kore sii nanu naa kara loo Isirael ichoi e Abraam, la lmarei le Benjamin.

Rroman 12:3

Amu kore to munyani e Nkai naaichooki, kaitanap pooki ng'ae otii atua ntae payie medol koon ajo kera toki aitalang nkiririkinoto enye, kake nchoo eparraa pooki ng'ae ana naichiaakino, te risioroto e nkurukoto naichoo ꞉Nkai ninye.

1 Lkorinto 15:11

Naaku taa menya ajo nanu otilikoyie tanaa lkulie kipaareta, lolo Omon Supati ake kilikoo naa ninche sii iruko ntae.

1 Lkorinto 15:2

Kulo Omon Supati latilika ntae ooitejeu ntae, tinimbung'bung aitibiraki, peechu naa pecheu apake iruko.

1 Lkorinto 3:10

Kore te nkiririkinoto e munyani naaichoo Nkai, naitamanyu lkitamanyunoto ana lachetani arriyia, nechetaa likae to ng'oji naitabaka nanu. Kake keichiaakino payie eing'or ltung'ani pooki neikunaa nchatata,

1 Lkorinto 3:6

Katuuno nanu taatua ntae rerei le Nkai, nebukoki Apolos nkurukoto inchi nkare, kake Nkai naitubulua inia kurukoto.

1 Lkorinto 4:7

Amaa, ng'ae likintaa iyie le tipat alang lkulie? Nyo iata iyie namara inia nikinchoo Nkai? Naa amaa tanaa ta Nkai itang'amayie ntoki pooki niata, aanyo payie iilach?

2 Lkorinto 12:11

Katutuwuana ana lmadai naa ntae likinkuna nejia, amu ntae apa eyiere payie kirreprrep nanu. Kore abaki tanaa meitoki ara, mara nanu kini too lolo lkipaareta kulda ooji le tipat oleng.

2 Lkorinto 3:5

Mikindim hoo aataparrai nikinko tinikias ele siaai eji atuwuana nkidimata ang kiasie, kake kore nkidimata ang naa Nkai eing'uaa.

2 Lkorinto 6:1

Kore kiasicho tenebo o Nkai, ikintaarriyian ntae payie meaku munyani e Nkai nitang'amaitie ne pecheu.

Lgalatia 2:8

Amu kore ꞉ilo oidimie Petero metaa Lkipaaret loo loomurata, ninye sii laaidimie nanu mataa Lkipaaret loo loreren.

Lpilipi 2:13

Amu Nkai naasicho taatua ntae aicho ntae yieuna o nkidimata payie eitabari inia nayieu ninye.

Lpilipi 4:13

Kaidim ataasa nenia baa pooki atii atua Kristo laaicho ngolon.

1 Ltesalonike 5:12

Naa ikisai ntae lalachera o nkanachera, payie ianyitinyit lolo oonyokita eas siaai taatua ntae, nerikoo ntae taatua Laitoriani, neing'ode ntae payie miasias ntorrok.

1 Timoti 4:10

Kore tankaraki inia, ikiasita siaai to nyuata o te nkinyinyiret, amu Nkai naichu etii siligi lang, laa ninye Laitejeunoni loo ltung'ana pooki, neisul too ꞉lolo ooiruk ninye.