1 Lkorinto 15:1 - Samburu

¹ Kore taata lalachera o nkanachera ainien, kayieu naitaparru ntae Lomon Supati latilika apa ntae, lolo litang'amaitie nirukutoto nisiligitata sii.

1 Lkorinto 15:1 ပူးပေါင်းရင်းမြစ်များ

Yoana 12:48

Kore ilo laany nanu namaang'amaa, naa keata lodung'oki ninye nkiguana, ilo rerei lairoro odung'oki ninye nkiguana ta mparri e nkiting'oto!

Asat 11:1

Nening Lkipaareta o lkulie ooiruko Yeso ootii mbat pooki e Yudea nchere, ketang'amaitie abaki ltung'ana lamara loo Lyiaudi rerei le Nkai.

Asat 2:41

Kore apa lolo pooki oaatang'amaitie ilo kilikuai lenye, neipatisi. Neikenakini inia parri atua lolo tung'ana lolo ooiruko Kristo, matejo ltung'ana nkalupuni uni.

Rroman 11:20

Kedede inia, keteng'eruaki ninche tankaraki nemeata nkurukoto, naa irubakino iyie tiniwuon taatua nkurukoto. Minkar, kake tuureicho!

Rroman 2:16

Inji naa kenya etiu te inia parri teneicho ꞉Nkai Yeso Kristo metijing'a mpaach enye aiguanare mbaa naaisudoro ee ltung'ana ana nejo Lomon Supati lalikorita.

Rroman 5:2

Ketoboloka iyioo Yeso Kristo nkoitiei nikibakinyie to nkurukoto ana munyani nikitii taata atua, niking'idare siligi le nkitoo e Nkai likitum.

1 Lkorinto 16:13

Entirripicho nintachoo oleng to nkurukoto! Entaa ltung'ana ooirich negol!

1 Lkorinto 3:6

Katuuno nanu taatua ntae rerei le Nkai, nebukoki Apolos nkurukoto inchi nkare, kake Nkai naitubulua inia kurukoto.

1 Lkorinto 4:15

Amu kore abaki duaake tiniatata laiteng'enak 10,000 taatua Kristo, meatae lotiiwua ntae taatua Kristo Yeso, kake nanu otiiwua ntae taatua ninye payie aliki apa ntae Lomon Supati.

2 Lkorinto 1:24

Amu mikinyokita aisimaki ntae embung'a nenia nirukuruk, tankaraki ikiyielo aajo itarrapate aitibiraki to nkurukoto. Kore iyioo naa ikiasicho tenebo o ntae payie iwuenini te ng'ida.

1 Ltesalonike 1:6

Naa itang'asutua apa ntae aairukurukore te nkichon inchi nkoitiei ang o ne Laitoriani. Amu kore abaki iatata sina kitok, naa itang'amaitie rerei te ng'ida naing'uaa Ltau Sinyati,

1 Ltesalonike 2:13

Naa ikincho sii Nkai nache nkata pooki tankaraki ana, nchere kore apa payie ing'amaa ntae rerei le Nkai, ilo litining'ie iyioo, ning'amaa mara ana rerei loo ltung'ana, kake ana nara te ndedei rerei le Nkai, ilo oasicho taatua ntae lairukok.

1 Ltesalonike 4:1

Kore naa aitoki lalachera o nkanachera, ikilej ntae nikintaarriyian ta Laitoriani Yeso payie iwuenini te nkichon naiting'id Nkai ana nikinteng'enita ntae. Kore ana niwuenitata aaiko nejia, enchom naa kue oleng inkoko nejia!

2 Ltesalonike 3:6

Lalachera o nkanachera, ikintaarriyian ntae ta nkarna e Laitoriani lang Yeso Kristo, payie ipaacherere pooki alache lemeyieu neas siaai, nemeirukurukore nkitaarriyiana nitang'amaitie tee iyioo.

1 Petero 5:12

Kaigeroka ntae ana palai dorrop aretito Silas, lalache laiken ajo kera lalache oisiligai. Kaigero aitaarriyian ntae nalimu sipata ajo munyani nadede e Nkai ana. Entacho naa teinia munyani!