1 Lkorinto 14:6 - Samburu

⁶ Amaa taa lalachera o nkanachera ainien, nyo eret ntae tanalotu nitii nairo to nkutuk naaidimie ꞉Ltau Sinyati namaliki ntae najoito? Meret hoo ntae. Kake kore naret ntae naa tanayaki ntae mbolunoto naing'uaa Nkai tanaa yielounoto ee mbaa e Nkai tanaa naibon tanaa sii nkiteng'ena.

1 Lkorinto 14:6 ပူးပေါင်းရင်းမြစ်များ

Matayo 11:25

Kore te inia kata nejo Yeso, <

Matayo 16:17

Nejoki ꞉Yeso, <

Matayo 16:26

Naa amaa, kaa dupoto kenya etum ltung'ani, tenetum nkop pooki, kake neiminie nkichui enye? Anaa nyo eichooyo ltung'ani aitapaachie nkichui enye?

Asat 2:42

Neibung ninche aitirrichaki nkiteng'ena ee Lkipaareta o nchula ee ltung'ana ooiruko Yeso o ngilata e mukate e ndaa e Laitoriani o nkomono.

Rroman 15:14

Kore nanu lalachera o nkanachera ainien, kaata sipata naipirita ntae ajo, kebore ntae supaticho, nebore ng'eno, naa indimdim aaitaarriyianata maate.

Rroman 16:17

Kaitaarriyian ntae lalachera o nkanachera, entodol lolo ooyau oro o mbaa naaitopong'oo aaitung'aa ntae inia kiteng'ena apa naiteng'enaki ntae. Naaku entalam ninche!

Rroman 6:17

Kake ache ta Nkai, amu kore apa ntae oaara rrindiki loo ng'ok, nitaa taata looning taa ltauja linchi pooki inia oitiei e nkiteng'ena naichoruaki metuutai ntae.

1 Lkorinto 10:33

Kaas abaki nanu nejia anyok nkata pooki aaiting'id ltung'ana pooki, namaing'oru inia naaret nanu, kake naret pooki ng'ae payie etum ninche aatejeu.

1 Lkorinto 14:1

Entonyok oleng eng'oru nchaman. Kake enchoo metaa iatata yieuna ee nkichoorot e Ltau Sinyati, naleng nkichooroto e naibon.

1 Lkorinto 14:7

Amaa tanaa ltoilo obo ake eitai masaa nemeichu e ranyare naatuwuana ndule anaa nkinanta, aji inko tinintapaach ltoilochi ooiru?

2 Lkorinto 11:6

Keidim naa mara arriyia to nkiroroto, kake kayielo netiu mbaa. Naa /ikimbalakinyie ntae chiaake to nkoitiei pooki nenia baa nikiyielo.

2 Lkorinto 12:1

Meatae ajo malo kue aikar, abaki meitoki eret inia. Kake kairo taata mbaa naaitoduaa o naatoboloka Laitoriani.

2 Lkorinto 12:7

Kore payie mailiepunyie koon tankaraki nenia baa kutuaa e nking'asia naatobolokaki, naapiki lkukuai sesen, aa ilo malaika le Chitani maatooch aiteme naaibooyo payie mailiepunyie koon.

Epeso 1:17

Kaamon Nkai e Laitoriani lang Yeso Kristo oara Papa openy nkitoo, meichoo ntae yielounoto o ng'eno nagut naing'uaa Ltau Sinyati, neboloki ntae mbaa ipuopuo kue aayielou ninye.

Epeso 3:4

Tinisomsom ana, indimdim aateyielo ning'unoto naata tana bae naisudoro naipirita Kristo,

Lpilipi 3:15

Kore iyioo pooki ootubulutua, neichiaakino nikiata mparrunoto natiu neja. Kake tenetii lbata linchi oodolita napaachere ana, naaku keibalakinyie ntae Nkai ajo nejia ake etiu.

2 Timoti 2:14

Ntaparru ltung'ana kuna baa, nintaarriyianicho oleng tekue Nkai, payie meichankara aanya larrabal loo rereii. Kore inia chankar, naa ne pecheu, neitarruoo lolo ooning.

2 Timoti 3:10

Timoti, kore aaitamitae sina naatumuto mbaa naagol te lkerenket le Antiok o le Ikoniam o le Lisitira, naa ikirukurukore ake iyie nanu, iduaaya nkiteng'ena ai niduaaya naikunari o nyuata ai o nkurukoto o ng'iriata o nchaman o nkitachoto ai. Kalo sina sa eitu ang'iri? Kake kore eyia, kaatalakua ꞉Laitoriani taatua pooki.

2 Timoti 3:16

Kore lkigerot pooki sinyat naa keigeroki to utaroto e Nkai, neata tipat payie eiteng'enichiereki, neitaarriyianichieriki, nerretenichiereki, neitubulunyieki ltung'ani meteyielo sipat,

2 Timoti 4:2

tilikoi rerei le Nkai. Tonyuaa tilikoi ta nkata naichiaakino o ta nkata nemeichiaakino, tobuaaki ltung'ana, ntaarriyiana, nintogol. Taasa kuna baa, te ng'iriata kitok ninteng'enicho mbaa pooki.

Tito 3:8

Keisiligai kulo omon, naa kaaitaarriyian payie ilikoo te mpijan, paa kore ꞉lolo ooiruko Nkai, nenyok aas supati. Kore kuna baa naa keisupati too ltung'ana neret ninche.

Lburania 13:9

Emincho eitopong'oo ntae mbaa kumo naapaachere nkiteng'ena ang. Keichiaakino metaa munyani e Nkai etumie ltauja lang ngolon, mara nkibung'ata ee nkitanapat naaipirita ndaa nemeret abaki lolo ooirukurukore nenia kitanapat.

2 Petero 1:5

Naa kore tankaraki ana bae, entonyok entoponiki nkurukoto inchi lwuenet supat, niponikiki lwuenet supat yielounoto e rerei le Nkai,

2 Petero 3:18

Kake entubulu taatua munyani o yielounoto e Laitoriani o Laitejeunoni lang Yeso Kristo. Metaa nkisisa nenye, taata o ntarasi! Aamin.

2 Yoana 1:9

Kore pooki ng'ae olo kue nemewuon taatua nkiteng'ena e Kristo naa meata Nkai. Kake kore pooki owuon taatua inia kiteng'ena naa keata ꞉ninye Papa o Nkerai.