1 Lkorinto 14:37 - Samburu

³⁷ Kore ltung'ani pooki ojo kera loiboni le Nkai tanaa loata nkichooroto e Ltau Sinyati, enchoo eyielou ajo kore inia naigerokita ntae naa nkitanapata e Laitoriani.

1 Lkorinto 14:37 ပူးပေါင်းရင်းမြစ်များ

1 Yoana 4:6

Nikira naa iyioo le Nkai. Kore pooki oyielo Nkai naa kening iyioo, naa kore ilo lamara le Nkai nemening iyioo. Ana naa kiyielounyie Ltau le ndedei o ltau le sapare.

2 Lkorinto 10:7

Oriong ee mbaa dei ake ing'oritata ntae. Kore ilo oata sipata ta ltau lenye ajo kera le Kristo, naa keichiaakino payie eitoki aparraa nchere kore ana nara ninye le Kristo, naa ikira sii iyioo.

Yuda 1:17

Kake kore ntae lacham lainien, entaparru mbaa naatejo apa lkipaareta la Laitoriani lang Yeso Kristo, ewuon eng'or.

2 Petero 3:2

Kore nayieu naa payie aitaparru ntae lomon ootejo apa Loibonok sinyat le Nkai ewuon eng'or, naitoki sii aitaparru ntae nkiteng'ena ee lkipaareta linchi, inia kiteng'ena naichoo ninche ꞉Laitoriani o Laitejeunoni lang.

Lgalatia 6:8

Amu kore ilo oun payie eiting'id mpukunoto enye torno, nedung te inia pukunoto enye torno lkiye laa ntarasi. Kake kore ilo oun payie eiting'id Ltau Sinyati, nedung ta Ltau nkichon ee ntarasi.

2 Lkorinto 11:4

Eji kore ntae, naa ing'iriri ltung'ani pooki olotu nitii alikoo lomon le likae Yeso lamara ilo likitilikita iyioo ntae, ning'amaa sii likae tau oaapaachere Ltau Sinyati, ning'amaa lkulie omon supati lamara lolo Omon Supati litang'amaitie apa tee iyioo.

2 Lkorinto 10:12

Mikintieu taa iyioo aatipik ate atua lolo tung'ana oorrep ate, tanaa kintinyunyukore ate ninche. Kemada ninche amu ketemie ate ate, eing'or ake netiu ninche maate.

1 Lkorinto 8:2

Kore ilo ojo keing'en, naa ewuon ake meyielo inia sipata naichiaakino payie eata.

1 Lkorinto 7:40

Naa kore to nduaata ai, keng'ida ninye teneitu eitokini aayem. Naa kajo sii nanu Ltau Sinyati le Nkai laatutayie matejo kuna baa.

1 Lkorinto 7:25

Kore taa mbaa naaipirita ltung'ana leitu eyemicho o leitu eemi, maata nkitanapata naaichoo ꞉Laitoriani, kake kalimu nanu nduaata ai atuwuana ilo oisiligai amu kaaichoo Laitoriani omom.

Rroman 12:3

Amu kore to munyani e Nkai naaichooki, kaitanap pooki ng'ae otii atua ntae payie medol koon ajo kera toki aitalang nkiririkinoto enye, kake nchoo eparraa pooki ng'ae ana naichiaakino, te risioroto e nkurukoto naichoo ꞉Nkai ninye.

Luka 10:16

<>

1 Lkorinto 2:15

Kore ltung'ani oaata Ltau le Nkai nesipu mbaa pooki, kake meatae loidim atisipu ninye.

1 Lkorinto 3:1

Kore sii apa nanu lalachera o nkanachera ainien, mairorie ntae ana ltung'ana ooirukurukore Ltau le Nkai, kake kairorie ntae ana ltung'ana ooirukurukore mpukunoto enche torno, nairorie ana nkera kunini neitu ebulu taatua Kristo.

1 Lkorinto 14:29

Enchoo loibonok le Nkai oare anaa okuni ooichooki lkilikuai oing'uaa Nkai eibonicho, kore lkulie tung'ana pooki nesipu nejoitoi.

1 Lkorinto 14:36

Amaa, ntae dei apa eing'uaa rerei le Nkai? Oo aitoki, ntae apa aapeny etabaka?

1 Lkorinto 14:38

Kake kore ltung'ani pooki lemechilu ana, naaku mechiluni abaki ninye.