1 Lkorinto 14:31 - Samburu

³¹ Iatata pooki mpaach nimbonichiere, kake embonicho ma obo obo payie itumtum nkiteng'ena neitogoli ltauja le pooki ng'ae.

1 Lkorinto 14:31 ပူးပေါင်းရင်းမြစ်များ

Rroman 1:12

Kore najoito naa ana, nchere kayieu nalotu inie nitii payie kitum aitogoloto to nkurukoto niking'ar tenebo, aitogol nanu ntae to nkurukoto ai, nikintogolgol sii ntae nanu te ninchi.

1 Lkorinto 14:19

Kake kore to ntumo e nkanisa, naikach tanairo rereii imiet ooning'unoi, payie aiteng'en lkulikae, alang tanairo rereii 10,000 to nkutuk naidimie ꞉Ltau Sinyati.

1 Lkorinto 14:3

Kake kore lolo ooitai naibon e Nkai naa ltung'ana eirorie aaitogol, nerreten, neilejilej.

1 Lkorinto 14:30

Kake kore tenetum ltung'ani owuon to ntumo lkilikuai oing'uaa Nkai, negira ilo duo oirorita aicho ilo otumo lkilikuai mpaach meiroro.

1 Lkorinto 14:32

Kore ilo oasichere nkichooroto e naibon e Nkai naa keitore ꞉ninye inia kichooroto,

1 Lkorinto 14:35

Kore tanaa keatae ntoki nayieu neyielou, neipar lpayiani lenche ta nkang. Amu anyit teneiro ntomononi ta nkanisa.

2 Lkorinto 1:4

Ninye oitogol iyioo te sina pooki likiata, payie kitum sii aaitogolo lkulie teneimaa sina oje, te inia rreten naterretenie iyioo.

Epeso 6:22

Kaipaawua ꞉nanu ninye nitii tankaraki ana, payie itumtum lomon lang o payie etum sii ninye aitogolo ltauja linchi.

Lkolosae 2:2

Kanyokita payie etumi aaitogolo ninche ltauja neibung'a tenebo te nchaman, netum ltung'ana sipata nadede naing'uaa ning'unoto nadede, neichori ning'unoto ee mbae e Nkai naisudoro, naa Kristo taa inia.

1 Ltesalonike 4:18

Tankaraki inia, entogoloto naa ltauja linchi too lolo rereii.

1 Ltesalonike 5:11

Naaku entaarriyianata, nintogololo ltauja ana ninkunitata.

1 Ltesalonike 5:14

Lalachera o nkanachera, ikilej ntae! Eng'odia lolo lemeyieu neas siaai, entogolo lolo ootigilete ltauja, niretret loaachal tee seseni, ning'iriri too ltung'ana pooki.

1 Ltesalonike 5:20

Emimen naibon e Nkai,